"ماليزيا" هل تنفع بدون مرافقين / تجربه 14 يوم ~ ابريل

The only one · 22-05-2016, 11:41 AM

لنكاوي ثالث ورابع يوم

ان شاء الله في هذا الرد راح احط اشياء عامه عن لنكاوي وشو النشاطات اللي ممكن تمارسها للاسف اني ماصورت اغلب الاشياء فـ اعتذر

كان المخطط اني اروح بعد الظهر ل القريه الشرقيه Oriental Village

هني صورت من التلفريك

اللي حاب ينزل للجسر في تكتين الاول انك تنزل مثل الدرج وسط الاشجار وهو متعب جدا الصراحه في النزول والطلوع او الطريقه الثانيه انك تركب نفس اللفت وهو مريح جدا

بعد ماخلصتـ من التلفريك كنتـ ناوي اروح واسبح في الشلالات بس مانكتب لي لان الارض كانت جافه ف اللي يروح موسم امطار لايفوت هذا الشيء

الصور ليست من تصويري*

معلومات اكثر وصور من tripadvisor

أضغط هنا

بعد ماخلصت من القريه الشرقيه كان المخطط اروح مغامرات Skytrex Adventure
انصح فيها اي حد يروح لنكاوي من اجمل الفعاليات في الجزيره ك مغامره انصح فيها سواء الشباب او حتى المتزوجين

هذا موقعهم أضغط هنا

وقت المغامره كان الساعه 3 طبعا هم يبدون من ساعه 9 الصبح واخر حجز 3 العصر

عندهم 3 مستويات مبتدء ومتوسط و متقدم
كان الاختيار ع المستوى المتقدم وسعر التكت اونلاين كان 65 + 20 درهم لو حاب تضيف قفازات اليد و غرشة ماي ونفس المطاره تحط فيها الماي وانصح بالبكج كامل افضل ب 85 رينجت

المستوى المتقدم كان 32 مغامره تقريبا بدينا المغامره وكنا تقريبا 11 شخص اللي انهينا كل الجولات تقريبا عددنا 5 هههه الباقيين انسحبوا من التعب والخوف

طبعا ك معلومه درجة الامان جدا عاليه وقبل لانبدء هم يعلمونا كل شي وطريقة استخدامه وبعدها بدينا لحالنا

صور ليست من تصويري *

اكره شي كان تسلق مثل هذي الاشجار جدا متعب

واصعب شي المشي على هذي الاشياء

واحلى شي في المغامره كلها هذي اللحظات

[COLOR="Blue"]معلومات اكثر وصور من tripadvisor

أضغط هنا

وبعدها في الليل التوجه ل نايت ماركت في ايبوه و مول Langkawi Fair Shopping Mall في الطابق الثاني في محل شوكلات كبير جدا والتسوق فيه وبعدها محل Al-Ikhsan Pulau Langkawi عنده ملابس واحذيه رياضيه اصليه بسعر ممتاز وبعدها محلات العطور Cote De Parfume

اليوم الاخير ف لنكاوي كنت حاجز في فندق أوانا بورتا مالاي لانكاوي ****

هذي الاطلاله من الغرفه من تصويري

الفندق حلو ونظيف وفي الليل في انشطه غنائيه جهة البحر بس انه الفندق بعيد عن الشاطئ ومعزول لحاله بشكل عام ماعجبني والحمدلله اني بس كنت حاجز فيه لاخر يوم

واخر يوم في لنكاوي كان عباره عن انشطه بحريه في Cenang Beach

ركوب الجت سكي
ركوب سحب الموزه
ركوب البارشوت لشخصين

في الرد القادم ان شاء الله العوده لـ كوالالمبور

قصة حب, فيصل, A.Alsubhi و 1 آخرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
بدون انترنت - لانظمة ( IOS و Android ) تطبيق خرائط نوكيا "HERE"	هوايا شمالي	بوابة تركيا	71	07-10-2018 10:39 AM
عربات "التكتك" الهندية تجوب شوارع "العروس"	أبوعبدالله (الاسفار )	بوابة السعودية	20	06-04-2017 10:22 AM
كيف تستخدم خرائط جوجل "google maps" بدون إنترنت على هاتفك الذكي !	احمد الحربي	البوابة السياحية	34	07-02-2017 12:13 AM
بدون انترنت - لانظمة ( IOS و Android ) تطبيق خرائط نوكيا "HERE"	هوايا شمالي	تأجير السيارات	14	08-04-2015 10:04 PM
إزالة شعار "سبان" واستبدالها بشعار "مدى" في بطاقات الصراف السعودية	عليـ الحربيـ	عام	11	21-03-2015 01:04 PM