وعليكم السلام ورحمه الله وبركاته

ياهلا ومرحبا فيج اختي

راح ابدأ معاج بخصوص شلالات الراين
اذا بالقطار
محطه قطارات فرايبورغ Freiburg(Breisgau) Hbf
الوصول للشلال بمحطه Schloss Laufen am Rheinfall
المحطه جنب الشلال بالضبط
مسافه الرحله 1:49 بمعظم الرحلات وبعظها يزيد
في تبديل قطارين :
1- بمدينه بازل Basel Bad Bf
2- ومن بازل تاخذون القطار الي رايح مدينه شافهاوزن Schaffhausen
3- ومن شافهاوزن تاخذون القطار الي رايح Schloss Laufen am Rheinfall وهي محطه الشلال
يعني التبديل القطار في مدينه بازل ومدينه شافهاوزن

اريح لج القطار لاتفكرين تروحين بالباص


بالنسبه لقريه هايدي
طبعا اقرب مدينه لها هي ماينفيلد Maienfeld
والذهاب لها بالقطار افضل من الباص واسرع واريح

الحرلات بالقطار مافي دايركت الى ماينفيلد
في رحلات تبديل قطار واحد وبعظها قطارين والبعض اكثر

بالنسبه للرحلات الي فيها تبديل قطار مده الرحله تقريبا 3:10

وتبديل القطار راح يكون في مدينه Sargans
وهالمدينه تبعد ماينفيلد فقط 10 كيلو

بس مع ملاحظه وبقدر المستطاع تاخذين رحله الساعه 8:02 صباحا
لان الرحلات الي بعدها فيها تبدلين قطارين واكثر

والرحله الي بعدها ونفسها راح تكون الساعه 12:15 ظهرا
يعني الافضل تاخذون رحله الصبح بدري
ومايمنع ان خذتو رحله الظهر لكن الافضل

ووقت وصولكم الى محطه قطارات ماينفيلد
من محطه القطارات تروحون للباصات وتاخذون الباص الخط الاصفر العاب

لما تاخذين الباص من المحطه تنزلين في محطه Heididorf
اسم خط هذا الباص Maienfeld, Heididorf