مرحيا بالجميع .. الشكر موصول لكم لجهودكم الجبارة

رحلتي لليابان الوصول الى اوساكا 19 جولاي والعودة من طوكيو 31 جولاي (زوجين وطفله بعمر سنتين)

خطتي المبدئية هي زيارة المدن التالية بالترتيب:
اوساكا --> (ذهاب وعودة بنفس اليوم: نارا - كيوتو - كوبي) --> طوكيو --> جبل فوجي (ليلة او ليلتين)

عندي كم نقطه ياليت تشاركوني ارائكم فيها:

1- بالنسبة للجو في النصف الاخير من جولاي سمعت انه حار جدا جدا ورطوبة عالية لا تطاق !! وانا جازم ع الروحة وشريت فقط التذاكر ، لكن هل الموضوع بيشكل عائق كبير على التجول والاستمتاع بالاماكن خاصه اننا نحب التمشي بالاماكن العامة وزيارة اكبر قدر من الاماكن المهمه يعني الجدول اليومي بيكون فل واغلبه بالهواء الطلق مهب تحت تكييف او ظل .. ف سؤالي هل الموضوع لا يطاق بحيث ان المبالغ الكبيرة اللي بدفعها على الطيران والفنادق والتنقل بتكون خسارة وبتحسف لاني الجو بيقتل المتعة هناك ؟؟ (ادري سؤالي طويل بس فعلا حسيت بتخوف من مسألة الغلاء الفاحش في اليابان في فترة جولاي مقابل سوء الجو وعرقلته للرحله)

وجتني فكرة اسوأ الاحتمالات لو الجو لا يطاق، اني اسكن اكثر من يوم في منطقة فوجي بحكم انها اقل حراره من المدن الرئيسية، وش رايكم فيها ؟ وهل فيه اماكن مثل فوجي تكون ابرد عشان اركز عليها ؟

2- النقطة الثانية لو موضوع الجو ماصار عائق كبير .. سؤالي عن التنقلات بين المدن وبعد قرايتي لردودكم عن JR اكتشفت اني احتاجه بناء على مخططي المبدئي، وعشان اتجنب شراء بكج 14 يوم .. قلت بشتري بكج 7 ايام واخلي روحتي للمدن القريب من اوساكا + الذهاب من اوساكا الى طوكيو بايام متقاربه عشان 7 ايام تكون مغطيتهم .. وباقي الايام (غير ال 7 ايام حقت بكج JR) في اوساكا وطوكيو بستخدم المترو العادي مثل بطاقة Suica .. هل هالتقديم منطقي وبيكون مناسب ؟ اذا الجواب نعم وبغيت اطلب JR من النت، كم تحتاج يوم عشان توصلني للرياض (اذا كان فيه شيء يرسلونه لي) ؟ والا الشراء يكون يعطونك ملف pdf تحمله وخلاص يكفي لاستبداله لجواز التنقل اذا وصلت اليابان بالسلامه.

شكرا مقدما واعتذر على الاطالة ..