نرجع لسالفتنا
ركبت الباص الساعة 9 بليل والباص تحرك وانا شعرت بنوع من الفرح لاني تركت اسطنبول . لما صعدت الباص انا كنت محسب ان المسافات في تركيا مثلنا في العراق من الحدود للحدود 12 ساعة توكلنا على الله وركبنا الباص الباص كل ساعتين يتوقف 10 دقايق حتى الركاب والمسافرين ينزلون دخنون و يروحون يشترون عصير او ماء او يشربون جاي (شاي ) وانا لازك بلكشن ماتحرك اخاف انزل واضيع الباص وبعدين الباص يروح ويعوفني ههههههههههه واضل وحيد فريد هعهعهعهعهع صارت الساعة 2 بليل فلت مع نفسي الحين بنوصل مضل شي كلها علساعة 3 واحنا نازلين في الكراج وصار الساعة 4 واحنا ماواصلين وانتضر لل6 الصبح ماكو شي وصار ب 7 واحنا بلطريق وانا من الاول كنت حاسب اني راكب الباص الخطاء وجان تجي فكرة اببالي اني راكب باص (اسطنبول_بغداد) هعهعهعهع المهم وكف الباص والناس ينزلون كلهم لمطعم عشان يتريكون وانا نزلت تريكت والمنطقة الي كان بها الريوك كانت كثير حلوة ومنطقة ريفية والجو كان روعة وحنا بشهر التاسع المهم كلت بصلي الصبح ورحت جنب الباص صليت الصبح والنفسية ارتاحت ورجعنا ركبنا واحنا بلمطعم كل شوي اروح على راعي الباص اقول لة اسبارطة هوة يقول يس يس وانا شوي ارتاحيت وبعدين اتحركنا من مكاننا وصارت الساعة 9 واحنا مو واصلين المهم علساعة 10 الصبح دخلنا اسبارطة وشفت ناس وسيارات ومحلات جوالات ههههههه بس من دخلنا انا ارتاحيت كثير والمنطقة شبه ريفيه والناس محترمين والحريم محتشمات والرجال شمرتهم شمرت عشاير المهم وصلنا الكراج اتصلت بصديق ابوي الي نسقت معاه مسبقا يستقبلني عشان يوديني الجامعة الي هو فيها عشان اسجل اجاني للكراج واخذني السوق ورحنا تريكنا مع بعض ووداني للفندق حجزت غرفة ونمت ماكعدت الة علساعة 3 ونزلت السوق رح شريت بعض الاشياء ورجعت وبعدين كمان نزلت رحت الحلاق وانا طالع من الحلاق واتمشى بلسوق اذن العصر ورحت المسجد ماشاء الله كان ناس واجد بلمسجد يصلون وصلينا العصر ونزلت اتمشى بلسوق لين ما اذن المغرب ورجعت لنفس المسجد صليت وطلعت جلست على مسطبة (كرسي في الشارع تابع للبلدية ) وفاتح مواقع التواصل الاجتماعي ادردش مع ربعي لين ما اذن العشا ورجعت لنفس المسجد صليت والاجواء رووووعة وحنا بشهر التاسع (9) بعدين قلت خل اروح الفندق رحت الفندق بلطريق لقيت محل عطور دخلت له قلت بشتري عطر بكرة وراي جامعة لازم اكون 100/100 وشريت العطر وانا وبلبيت ابوي يتصل فيني قال وين انت قلت باسبارطة قال بكرة انا ووالدتك جايين انطاليا قلت لة خلاص تعالوا هلا بكم قال اذا ضليت باسبارطة نجيك واذا تريد انتة تعال لانطليا ومن نوصل نتفق قلت له خلاص المهم نمنا وكعدنا الصبح علساعة 8 رحت الجامعة انا وصديق الوالد وضليت بلجامعة لين ال 3 الضهر وكمان ماصارات القسمة بلجامعة فقررت اخذ باص واطلع من اسبارطة واذا اني انزل من الفندق توجه احجز بطاقة للباص والجو يجيبهة بمطرررررر وانا اصور اسنابات وانزل وربعي متعجبن بشهر التاسع (999999) مطر وحنا في العراق 55 درجة الحرارة المهم النفسية ارتاحت حيييييل ورحت الشركة وحجزت باص علساعة 8 ورحت للاوتوكار قبل الموعد بنص ساعة وانطلق الباص واني نايم الة كلها ساعتين على ساعة 10 الباص وصل وراعي الباص يكعدني من النوم وماعرف وش يتكلم معي المهم انا فهمت انه بيقولي انزل خلاص لا تلطش (لا تبقى) في الباص نزلت واتصلت بابوي قال الحين ببعثلك السايق وماهي الا نص ساعة ويجيني السايق لين الكراج وياخذني الفندق بانطاليا وهنا شفت اهلي والوالدة طبعا كانت محضرة العشا الزين وتعشينا ونمنا . جلست في انطاليا تقريبا اسبووووع كامل من صدك استانست وضليت العن بليوم الي قضيتة باسطنبول وسالفة انطاليا هي احلى واوروع سالفة ان شاء الله اسولفها الكم بغير وقت