بين جمال الدنمارك وسحر النرويج ..

فارس من خيال · 27-12-2014, 03:43 AM

السلام عليكم ورحمة الله وبركاته

مساء الورد مساء النسمات النرويجيه البارده

انآ في دنيا بعيده ...
وانآ تآيه في غربة مشآعر تلهب القلب وتبيده...
من وريده لـ وريده..ورغم هذا عايشن وانطر رحيلي
من مدينه لـ مدينه ..

اليوم كانت مغادرتي من اوسلو الى فلام والمسافة تقريباً 350كم
احداثيات فلام
N 060° 51.781
E 07° 6.566

جزء اليوم كما وعدتكم بيكون مثير ومليء بالصور والهدف منه نقلكم معي ومشاهدت الطريق من اوسلو لـافلام واتمنى لكم مشاهده ممتعه

يومي الثاني في اوسلو صحيت تقريبا الساعه 10 افطرت في الفندق ورجعت رتبت الشنطه وسويت اتشيك اوت
سألت موظف الرسبشن عن مكتب اليورب كار وصفه لي ع حسب الخريطه وكان قريب جدا مشي ع الاقدام 10 دقايق تقريباً
كان الجو في الخارج مطر خفيف ..وطلبت من الموظف أن تبقى الشنطه عندهم لحد ماخذ السياره وارجع
معلومه لكل مسافر تقدر تخلي حقائبك في الفندق بعد ماتسوي التشيك اوت وتاخذ كرت ولو تبقى 24 ساعه عادي ترجع تاخذها
خرجت من الفندق وكان هذا الجو
موقع الفندق كان جنب القصر الملكي

حديقة القصر الملكي امام الفندق مباشرة قلت ناخذ فره مع هالجو الحلو ومكتب اليورب كار ع الطريق

القصر الملكي ولم احرص ع دخوله

بداية شارع كارل جوهان من عند القصر الملكي

بعدها وصلت لمكتب اليور كار وكنت خايف لا يرفض يسلمني السياره إلا بوجود الرخصه الدوليه
اول مادخلت المكتب قلت لازم استغبي شوي وكنت مبتسم وقلت اي دونت اسبيك انقلش دويو اسبيك اعربك وعطيته الجوال وفيه رقم الحجز..
الموظف يقولي نو ويراريو افرم قلت له السعوديه ي حبيبي ولاتيتكلمون إلا عربي وغيرها لايجيدون شيء ..تبسم قليلا وقال انت تتكلم الانقلش قلت له لتل بس شويه
كان الموظف يطلب مني الفويتشر حق الحجز واعطيته الجواز والمستر كارد ورخصه البلد قال لازم الفوتشر عشان توقع عليه وتستلم السياره
طلبت منه يشيك برقم الحجز ويطبع البرنت واوقع عليه رفض قال لازم من ايميلك ..مالكم في الطويله ادوشت مخ الموظف بس اصر ع الفويتشر
والايميل رفض يفتح من جهازه عشان ارسل ع ايميل المكتب ويسحبه برنت واخيرا اتصلت ع ولد اختي اعطيته الايميل والرقم السري
وايميل مكتب اليورب كار وقلت ارسله لي ايميل ايجار السياره الحين
الموهم وصل الايميل وسحب البرنت من طابعة المكتب ووقعت عليه وقلي السياره اللي طلبتها مو موجوده بس فيه نفس فئه السياره واتوماتيك قلت بعد احسن هات اي شي عندك
انا مستعجل ارجوك..
اكمل اجراءات الاستلام وسلمني المفتاح وانا ع اعصابي اقول في نفسي الله يستر لايطلب الرخصه الدوليه و ما ارتحت إلا بعد ركبت السياره ومشيت من عنده

استأجرت السياره عن طريق شركة ترافل جيغسو
يمكن الدخول على موقعهم على هذا الرابط وتختار السياره وتشوف السعر

rentalcars.com تأجير السيارات بأسعار مخفضة مع

وبعدين تتصل على هذه الارقام المجانيه او الحجز مباشرة عن طريق الموقع
السعوديه 8008443246
الامارات 8000440333
البحرين 80000488
واطلب حجز السياره ويسوون لك تخفيض اقل من الموقع ويمكن كذلك طلب المواصفات والتامين اللي تبيه
جميع الموظفين يردون عليك باللغه العربيه والافضل تطلب موظف اسمه هشام متساعد وفاهم ويحجز لك بسرعه
بعد الحجز يرسلون لك الفويتشر وموضح عليه اسم الشركة اللي بتستلم منها السياره

رجعت الفندق اخذت الشنطه ومسكت الطريق الى فلام كان الاجواء ممطره

بدأت اشاهد الثلوج على الطريق

بحيره متجمده

توقفت هنا قليلا

اطلقت رجلين شوي ومشيت ع الثلوج سقى الله <<الحين ف الرياض حر يصلح الظهر وفوفقها غبار كل ماتفتح فمك يدخل نص كيلو تراب وي قلب لاتحزن

اكثر البحيرات كانت متجمده من البرد

يتبع ===<>نكمل الليله بقية الطريق
الى فلام

سدهارتا, طوق الياسمين و مقدام معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
جزر فارو الساحرة في الدنمارك شاهد الجمال	فارس من خيال	بوابة اسكندنافيا	59	05-06-2018 11:25 AM
نيبال .. وسحر الطبيعه	سائح	بوابة الدول الاخرى	51	01-06-2018 02:47 AM
محتارة بين ألمانيا وسويسرا أم النرويج ؟!	أم زايد	بوابة سويسرا	1	01-06-2015 07:31 PM
وزير السياحة المصري : السعوديون في عيناي	وليد عنبه	بوابة مصر	8	24-05-2015 06:13 PM
استفسار عن شريحه بيانات في النرويج	بحرينيه	بوابة اسكندنافيا	2	04-04-2015 02:58 AM