بين جمال الدنمارك وسحر النرويج ..

فارس من خيال · 03-01-2015, 02:57 PM

السلام عليكم
نكمل الطريق من بيرغن الى اوسلو

هنا كذلك توقفنا كان فيه صيانه في النفق وانتظرنا مايقارب الساعه

وصلت لطريق ركبنا فيه عباره او سفينه نقلتنا الى الجهه التانيه واكملنا الطريق
ركوب العباره مع السياره تقريبا من 60 الى 80 كرونه ما اذكر زين
نزلت اصور وتلك البوابه اللي دفعنا فيها الرسوم ودخلنا ننتظر العباره

اخذنا وقت تقريبا نص ساعه والعباره فيها جلسات للي مايبي ينتظر ف السياره وكمان فيها بوفيه وقهوه وشاهي

هنا كان الطريق مقفل قالو انتظرو فيه قدام عاصفه ثلجيه لمن تخف ويشيلون الثلوج من الطريق يخلونا ندخل ونكمل الطريق

جلست اتسلى وسويت رجل ثلج هذا اللي قدرت عليه

وهنا سويت له مظله ع المطر والثلوج كان يتساقط علينا ثلوج خفيفه

بعد ما فتحو الطريق ومشينا شوي هبت علينا عاصفه الله لايوريكم
شي رهيب اول مره اشوف هالاجواء توقفت جميع السيارات ماعاد نشوف شي الهواء قوي وتساقط ثلوج لدرجة السيارات والطريق تغطت بالثلوج

مراية السياره اول ماهبت علينا العاصفه

درجة الحراره صفر

شوي وصارت المرايه كذا حتى لمن افتح القزاز يطيح علي الثلج داخل السياره

الحين 1 تحت الصفر

عشنا معاناة مايعلم بها إلا الله السياره تغطت بالثلج

وهذا الطريق تحت السياره كيف صار

بعد العاصفه والانتظار الممل خرجنا منها بسلام وكان باقي ع وصولي لـ اوسلو مايقارب 200 كيلو
كان الطريق قدامي ظلام دامس وكنت امشي بين الغابات والجبال العاليه ومافيه إلا انا وحيد في هالطريق
جاني خوف ورعب غير طبيعي تخيلت بعض الافلام المرعبه واللي كان يحصل فيها
وتخيلت جن وقطاعين طرق المهم جميع التخيلات جتني وش هالليل اللي مو فايت يارب سترك
عجزت اكسر حاجز الخوف إلا بوقوفي ونزولي من السياره
وقلت في نفسي ما جر رجلي وجابني هنا إلا قدر ربي كاتبه واذا الله كتب لي شي ماعنه مفر
دعيت الله يوصلني بالسلامه ..نزلت من السياره ولعت زقارتي واناظر في هالليل ي دافع البلاء تمد يدك ماتشوفها من الظلام ..القمر كنت اشوفه بس مو مكتمل
وبين السحب مره يظهر ومره يغيب خلصت زقارتي وركبت السياره وتوكلت على الله
والطريق احياناً يستوي معي ولو انه متعرج بس كنت امشي وتوصل سرعتي 140 وكاني ماشي الطبلون كله الطريق ضيق وكم مره كنت بنقلب او بصدم من المنعطفات الخطيره
انا تحركت من بيرغن الساعه 12 الظهر وكان موعد وصولي لـ اوسلو مابين 7 الى 8 مساء كحد اقصى
وماوصلت إلا الساعه 4 الفجر
اخذت في الطريق مايقارب 14 ساعه

هذي الصور مالها اي معني ومالها داعي بس حبيت تشوفون وتعيشون معي الاجواء الليليه برغم ان الصور مو واضحه

القمر بس ماوضحت معاي اي صوره بالليل

هنا نصل الى ختام هذا الجزء واتمنى استمتعتم بمشاهدت الصور ونلتقي معكم في الجزء القادم اوسلو

الى اللقاء

ملاحظه بعض الصور من الايفون والبعض من الوميا

سدهارتامعجبون بهذا.

آخر مواضيع فارس من خيال

- من أجمل ما رأت عيني (جزيرة جيجو - كوريا )
- استطنـــــ(في خاطري شوق وحكايات واسرار)ـــبول
- على اطلال (هونج كونج)2017
- هَِنأّ يِّفِّيِّض أّلَأحٌَّسأَّّس وِتّشٍبِعٌ أّلَحٌوِأَّّس(أوِروِبِــًـِـُـأّ)
- بين الكلام والصمت جمال (نيوزيلــــ New_Zealandـــــدا)

توقيع : فارس من خيال

يوماً ما سَـأرحل دُون »وَداع« أَتمنى أن يَذْكرني أحدكم بدَعــوهْ

Save

التعديل الأخير تم بواسطة فارس من خيال ; 03-01-2015 الساعة 04:25 PM

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
جزر فارو الساحرة في الدنمارك شاهد الجمال	فارس من خيال	بوابة اسكندنافيا	59	05-06-2018 11:25 AM
نيبال .. وسحر الطبيعه	سائح	بوابة الدول الاخرى	51	01-06-2018 02:47 AM
محتارة بين ألمانيا وسويسرا أم النرويج ؟!	أم زايد	بوابة سويسرا	1	01-06-2015 07:31 PM
وزير السياحة المصري : السعوديون في عيناي	وليد عنبه	بوابة مصر	8	24-05-2015 06:13 PM
استفسار عن شريحه بيانات في النرويج	بحرينيه	بوابة اسكندنافيا	2	04-04-2015 02:58 AM