رحلة لحالي ولا ادري عن شي

ارسم غلاك · 09-06-2016, 12:42 PM

السلام عليكم
كيف حالكم اخواني واخواتي الاعزاء ،،

الصراحة قريت عدت مواضيع عن اندونيسيا ,،، فيها الممتع وفيها اللي يخوف

بختصار انا ابي مساعدتكم ،، ولا لي الا انتم ،،

انا مفكر اروح رحلة إلى اندونيسيا وخصوصاً جزيرة بالي،،
يعني من الرياض إلى جزيرة بالي...؟ وش رايكم هل طريقتي ممتازة انها تكون من الرياض إلى بالي او بتكون غالية كثير..؟
وشنو تقترحون علي،،..؟

وهل هناك امان والا لا..؟

وكيف اتنقل بالجزيرة..؟ ووين اسكن ورغبتي اني اسكن في فيلا هل تنصحوني فيها او لا..؟ وكم معدل المصروف..؟ واوقات التمشية متى ..؟
وهل الافضل اتمشى بالجزيرة لحالي او ضمن برنامج سياحي..؟ ومن وين اصرف فلوس..؟ وين اخبي الفلوس..؟
وكيف احجز ،، هل الافضل ادخل على الخطوط واحجز ثم ادخل على موقع البوكنيج واحجز لي فندق او فيلا في جزيرة بالي..؟
او الافضل اني اشترك في برنامج سياحي مع الطيار او مع غيرة حسب ماترونه انتم مناسب راح اسوية،، لاني معتمد على الله ثم عليكم

الله لايهينكم ابي معلومات كاملة،، لحالي بروح،، والرحلة بتكون بعد عيد الضحية يعني تقريباً 25/12/1437هـ
لمدة 10 ايام تقريباً ،، الميزانية 12 الف ريال شامل كل شي،،.؟ هل تكفي
انتظركم اخواني ،، الاعزاء

كتكات783 · 09-06-2016, 05:25 PM

أهلاً حبيبنا ...

أولاً .. اختيارك لجزيرة بالي ( اختيار ممتااااااز )

اللي أعرف لا توجد رحلات مباشرة من الرياض إلى بالي ... لابد من التوقف في جاكرتا ..

حلو لو تضيف جاكرتا ( ليلتين ) للوصول وللمغادرة ..

الجزيرة شبابية بامتياز .. مليئة بالفعاليات والأنشطة ..

طبعاً التنقلات راح تكون مع سائق خاص ( وهو الأفضل ) عبارة عن سائق ومرشد ..

يومية السائق من ( ٣٠٠،٠٠٠ إلى ٣٥٠،٠٠٠ ) روبية ( الريال = ٣،٥٠٠ روبية )

لا أنصحك بالفيلا .. مادام إنك لوحدك ... الأفضل والأنسب منطقة كوتا ..

مليئة بالفنادق و الأماكن الحيوية ولا تشعر أبداً بالوحدة ...

طبعاً الأمان ولله الحمد موجود .. ولكن ابتعد عن الأماكن المشبوهه والغرباء ..

الأفضل يكون معك دولارات واصرفها من أكشاك الصرافة المنتشرة هناك .. ولا تصرفها كلها بيوم واحد

اتركها باليوميات .. ( اصرف ليومين وهكذا ) وخذ معاك فيزا اتركها للفنادق

من أجل أن يقل الكاش معك ..

طبعاً الجزيرة ممتعة يبدأ يومها ونشاطها من الصباح الباكر ..

ابتعد عن حجوزات المكاتب ( لا أرى لها مبرر وتكاليف إضافية )

رتب حجوزاتك للتذاكر الدولية وتواريخ السفر والأحبة هنا سيسعدون بخدمتك

بوضع التفاصيل و إبداء الأراء ..

تحياتي لك ...

منصور, ارسم غلاك, آخـــرفـــرصـــة و 2 آخرون معجبون بهذا.

منصور · 09-06-2016, 07:20 PM

عليكم السلام ورحمة الله وبركاته

الحمدلله بخير ولله الحمد وانت كيف حالك إن شاءالله طيب

ماعمري زرت بالي وكتكات وفى وكفى

سبب الرد

ذكرتني بأول رحله لي لأندونيسيا لوحدي

كنت مادري وش السواه ومحتار وكن محد معه دراهم الا انا

تصدق اني مخبي تذاكري وجوازي وفلوسي في ديكور دورة المياه أجلكم الله

حتى اذكر اني حاطها بوسط ظرف ووسوسة قلت لاتاكلها الفيران وحطيت الظرف بوسط

كيس نايلون

وبعد فنره حسيت ماعندي سالفه طلعت الديره أمان وسبحان الله صارت كنها ديرتي

شعب طيب وأمين والحرص واجب

اقتراحي

خمس ايام لبالي أول شي وبعدها خمس ايام لبنشاك

أنتبه من التعامل مع الاشخاص الي ماترتاح لهم من نظرة الرجال تعرف خوافيه

بأنتظار تقريرك يابطل

الله يستر عليك ويوفقك

أفتك من المكاتب السياحيه كثرة صرف بدون سنع

ارسم غلاك و آخـــرفـــرصـــة معجبون بهذا.

ارسم غلاك · 10-06-2016, 03:52 AM

استعدتني ردودكم واطرآتكم اخوي كتكات واخوي منصور .. ولكن اخوي منصور بخصوص السائقين هناك بعض الاخوة يرو ان الفانز (الفان) افضل من السواقين والتكاسي.. مااعندي معلومات كافيه عن هالاشياء احتاج من الزملاء مساعدتي .. واذا كان هناك اشخاص معروفين ارجوا ان اتواصل معهم .. ويساعدوني بعد توصياتكم.. لان الشخص اللي يروح لحاله بيكون عرضه لعدة مشاكل..

منصور · 10-06-2016, 01:42 PM

باقي لك اربع شهور

خش التقارير ودون المعلومات الي تهمك

أسئل وأستفسر بدون ملل ولا تقول غثيتهم بالعكس والله يفرحون

ولا وش فايدة المنتدى

وصدقني راح تعرف أندونيسيا أكثر من الاندونسي نفسه

لا فانتز ولاسواق ولا تكسي

ولا راح تواجه مشاكل الديره فله بتجيها إن شاء الله وتشوف كلامي

وترى باقي فيه خبراء ماردو

أصبر قدامنا أربع شهور وش معجلك

لكـ مني أجمل التحايا

ارسم غلاكمعجبون بهذا.

ارسم غلاك · 10-06-2016, 01:56 PM

اقتباس : المشاركة الأصلية كتبت بواسطة منصور

باقي لك اربع شهور

خش التقارير ودون المعلومات الي تهمك

أسئل وأستفسر بدون ملل ولا تقول غثيتهم بالعكس والله يفرحون

ولا وش فايدة المنتدى

وصدقني راح تعرف أندونيسيا أكثر من الاندونسي نفسه

لا فانتز ولاسواق ولا تكسي

ولا راح تواجه مشاكل الديره فله بتجيها إن شاء الله وتشوف كلامي

وترى باقي فيه خبراء ماردو

أصبر قدامنا أربع شهور وش معجلك

لكـ مني أجمل التحايا

الله يطول عمرك.. صدقت باقي وقت ولكن ابي احجز الفنادق...الخ قبل ان ترتفع الاسعار ويقترب موعد الرحلة واحتاج توجيهاتكم طال عمرك [emoji257]

بن قوت · 10-06-2016, 02:51 PM

حتى اذكر اني حاطها بوسط ظرف ووسوسة قلت لاتاكلها الفيران وحطيت الظرف بوسط

كيس نايلون

اخ منصور انت تحفة
مت من الضحط
خاصة تقول ماحد معه فلوس الى انا

ارسم غلاك و منصور معجبون بهذا.

بن قوت · 10-06-2016, 03:22 PM

اخي العزيز
الله يحيك في المنتدي
وسوف تجد ضالتك في هذا الصرح الشامخ
وانصح ان لا تسافر لوحدك لازم معك خوي يونسك ويتبادل معك الحديث والافكار في رحلتك

تحياتي لك
بن قوت

ارسم غلاكمعجبون بهذا.

طارق · 11-06-2016, 09:47 PM

اقتباس : المشاركة الأصلية كتبت بواسطة ارسم غلاك

السلام عليكم
كيف حالكم اخواني واخواتي الاعزاء ،،

الصراحة قريت عدت مواضيع عن اندونيسيا ,،، فيها الممتع وفيها اللي يخوف

بختصار انا ابي مساعدتكم ،، ولا لي الا انتم ،،

انا مفكر اروح رحلة إلى اندونيسيا وخصوصاً جزيرة بالي،،
يعني من الرياض إلى جزيرة بالي...؟ وش رايكم هل طريقتي ممتازة انها تكون من الرياض إلى بالي او بتكون غالية كثير..؟
وشنو تقترحون علي،،..؟

اقترح عليك اخوي تنزل في جاكرتا ليلة الوصول ومنها تتجه الى بالي لان بالي مالها رحلات مباشرة من الرياض

وهل هناك امان والا لا..؟

الامان موجود بشرط تتجنب الاماكن والاشخاص المشبوهين

وكيف اتنقل بالجزيرة..؟ ووين اسكن ورغبتي اني اسكن في فيلا هل تنصحوني فيها او لا..؟ وكم معدل المصروف..؟ واوقات التمشية متى ..؟

لا انحصك بفيلا لانك وحدك
خذ فندق في منطقة كوتا وانصحك بفندق bintang kuta
المصروف اليومي بين 500 و 700 ريال شامل لكل شيء
التمشية من 9 الصباح حتى المغرب

وهل الافضل اتمشى بالجزيرة لحالي او ضمن برنامج سياحي..؟ ومن وين اصرف فلوس..؟ وين اخبي الفلوس..؟

ممكن تاخذ برنامج سياحي مع قروب وهو الافضل وممكن تطلع لوحدك مع سائق خاص
الفلوس اصرفها من البنوك المعتمدة مثل bmc
الفلوس خلها بالسيفتي بوكس في الغرفة مع الجواز وخذ نسخة من جوازك معك وخل الفندق يختم عليها

وكيف احجز ،، هل الافضل ادخل على الخطوط واحجز ثم ادخل على موقع البوكنيج واحجز لي فندق او فيلا في جزيرة بالي..؟
احجز كل شيء بنفسك من الانترنت

او الافضل اني اشترك في برنامج سياحي مع الطيار او مع غيرة حسب ماترونه انتم مناسب راح اسوية،، لاني معتمد على الله ثم عليكم

انحش عن المكاتب

الله لايهينكم ابي معلومات كاملة،، لحالي بروح،، والرحلة بتكون بعد عيد الضحية يعني تقريباً 25/12/1437هـ
لمدة 10 ايام تقريباً ،، الميزانية 12 الف ريال شامل كل شي،،.؟ هل تكفي
انتظركم اخواني ،، الاعزاء
اذا بدون التذاكر الدولية فهي كافية بإذن الله
واذا مع التذاكر الدولية يبي لك تكون مقتصد في صرفك

ونحن بالخدمة

ارسم غلاك و برزان معجبون بهذا.

ارسم غلاك · 12-06-2016, 02:34 PM

انا اشهد انكم ماقصرتوا ،، والله يعطيكم العافيه ،، والله لايحرمكم الاجر ،،

سؤال : هل ترشحون فنادق في بونشاك..؟؟ لاني مفكر اروح لها ،، وكم مدة الرحلة من جاكرتا إلى بونشاك.؟ والتكلفة..؟

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلة تحقيق الأحلام في عشرة ليالي وتسعة أيام	أبو عبده	بوابة ماليزيا	288	18-03-2024 11:11 AM
مشروع عين دبي العملاق تحفه اخري	hearty	بوابة الامارات	6	15-04-2016 06:57 PM
ما ادري الزمن معاند و الا القدر ( قطر 2015 )	هاوية الاسفار	بوابة قطر	60	28-02-2016 11:03 PM
رحلة للبوسنة لمدة ثمان ليالي ... أرجو اقتراح جدول	بو تميم	بوابة البوسنة	34	22-04-2015 06:18 PM
جدول رحلة لمدة 10 ليالي بورصة يلوا سبانجا اسطنبول	أبومهند	تركيا	8	15-02-2015 05:46 PM