10الاعجاب
04-02-2015, 11:00 PM
| #21 | ||
| مميزة العرب المسافرون   تاريخ التسجيل : Dec 2014 رقم العضوية : 398 الدولة : الامارات الجنس : انثى المشاركات : 781
|  رد: رحلتي اللندنيه ( 2013 )
محل أم آند أمز  عقب ماخلصنا متحف صدق او لاتصدق كنا ميتين من اليوع فشفنا في ويهنا ماكدونالد وجان تقول بنتي كوكي بناكل في ماك أنا وبنتي توتو ماتشجعنا نآكل في ماك ودورنا عداله مطعم ثاني وماحصلنا ومن اليوع دخلنا وكلينا وياهم وعقب أكتشفنا انه في الجهة اللي ورا متحف صدق أو لاتصدق وايد مطاعم والمطاعم اللي أباها  هذا ماك من بعيد  وهذا غدانا  أول ماتطلعون من المتحف خذوا يسار وامشوا في الشارع اللي وراه وعقب بتحصلون محل أم أند أمز  ودخلنا محل أم اند أمز وطبعا طولنا والبنات تجننوا ، ماصدقوا         المحل كبير ومن طوابق وفيه الكثير من الاشياء حتى نحن الكبار حبيناها وعقب ماخلصنا تسوق طلعنا وشفنا بعض الناس تسوي عروض نتابع هاليوم  شارع بيكادللي شارع جميل ووايد حلو ويستاهل نزوره مره ثانيه وكررناه في الاجزاء اليايه  عقب رجعنا شقتنا بس في التكسي ماحبينا نرجع في القطار خفنا يكون فيه سكارى وفي نفس الوقت كنا تعبانين وصلنا الشقه وريحنا ودق في راس هداوه تسوي مرقوووووووووووقه الله يسلمكم نحن يايبين ويانا من الامارات خبز ايراني وقلت خليني اسوي مرقوقه ماياب راسي الماك  ودخلت المطبخ  سويتها بالخضار وكانت النتيجه  تابعوني ...
| ||
|
|
04-02-2015, 11:02 PM
| #22 | ||
| خبير سفر وسياحة  تاريخ التسجيل : Jan 2015 رقم العضوية : 931 الدولة : قطر الجنس : ذكر المشاركات : 4,537
| رد: رحلتي اللندنيه ( 2013 )
| ||
|
|
|
04-02-2015, 11:35 PM
| #23 | ||
| خبير سفر وسياحة تاريخ التسجيل : Jan 2015 رقم العضوية : 931 الدولة : قطر الجنس : ذكر المشاركات : 4,537
| رد: رحلتي اللندنيه ( 2013 )
| ||
|
|
|
04-02-2015, 11:46 PM
| #24 | ||
| مميزة العرب المسافرون تاريخ التسجيل : Dec 2014 رقم العضوية : 398 الدولة : الامارات الجنس : انثى المشاركات : 781
| رد: رحلتي اللندنيه ( 2013 )
اقتباس: المشاركة الأصلية كتبت بواسطة qa6ar911  تحيه كبيره لج ام عيسى .gif "(114)") سملت يمناج والله ههههههههههههههههههه اما الي يصور صج موقف عجيب هههههه تنتظرينه وبا الاخير طلع تمثال لو انا من القهر يمكن يجيه طراق .gif "(7)") وقولي حق بناتج الله يحفظج ان شاء الله لكم في اليوم كل واحده خمس صور وباقي الصور لنا هههههههههه تقرير ممتع جدا جدا واصلي لاطولين علينا .gif "(125)") الله يسلمك يارب يمه شكلك عصبي .gif "(38)") عاد أنا وحليلي الا تميت أضحك وعقب تميت أرتيا بناتي وبنت عمي عشان أشوف شو بيسون واموت من الضحك عليهم خلاص السفره اليايه بخبرهم فالك طيب ولا هاا بييهم طراق مني هههههههه اقتباس: المشاركة الأصلية كتبت بواسطة qa6ar911 ماشاء الله اول ماشفت المرقوقه توقعت وجبه من مطعم  تسلم الايادي عليكم بالعافيه ان شاء الله ماكدونالدز الي في بيكاديلي كله زحمه وحشره الله يعينكم ههههه محل ام اند ام صار وجهه سياحيه حق لندن بصراحه المحل حلوو ويستحق الزياره بالنسبه لبيكاديلي انا شبه يومي هناك وماروح النهار كله بدايه المسا وطالع .gif "(157)") متابعينج عن قرب بدون ماتقولين .gif "(39)") الله يسلمك ويخليك أكلي أحلى من المطعم يوم دخلنا الماك كان ممزدحم فعلا المحل صار وجهه سياحيه ولابد من زيارته للي بيزور لندن المره الثانيه سرناله فليل وردينا وايد متأخر وكان يوم غامرنا فيه تابعني وبتعرف شو صار
| ||
|
|
|
04-02-2015, 11:58 PM
| #25 | ||
| مميزة العرب المسافرون تاريخ التسجيل : Dec 2014 رقم العضوية : 398 الدولة : الامارات الجنس : انثى المشاركات : 781
| رد: رحلتي اللندنيه ( 2013 )
مسرحية لايون كينج  اليوم بيكون حافل اليوم كانت متعتنا كبيره ، وفيها حوادث ومغامرات المسرح مسرحية لايون كينج هاي المسرحيه كان خاطري أحضرها وقلت لازم أحجز التذاكر من النت قبل سفرنا وفعلا حجزنا بالنت ، وهذا موقعهم .. http://www.ticketmaster.co.uk/Les-Miserables-tickets/artist/803968 حجزنا كان تاريخ 3/4 الساعه 2 ونص وسعر التذكره الاجمالي = 280 باوند الشخص بـ 70.20 طبعا الاسعار تختلف بحسب موقع الكراسي طبعنا حجزنا اللي من النت حسب الحجز كان حجزنا تاريخ 3 / 4 وانا كله في بالي انه تاريخ 9 وقبل المسرحيه بيوم وبالصدفه وانا اسولف ويابوعيسى سألني عن مسرحيتنا اذا باجر جاهزين قلتله يوم 9 قاللي لا أحيد حاجزلكم يوم 3 واركض اشوف ورقة الحجز واصرخ ع البنات باجر المسرحيه الحمدالله لحقنا ع المسرحيه وماضاع حجزنا ولاضاعت فلوسنا أحداث هذا اليوم قمنا من النوم ع راحتنا عشان عرضنا متأخر وشيكنا ع الجو  تريقنا وتجهزنا وطلعنا ع محطتنا ماربل آرش وخذينا الخط الأحمر الى محطة  وعقب غيرنا القطار وخذينا الخط الازرق الغامق الى محطة  ومن طلعنا من المحطه سالنا عن المسرح وهو قريب من مطعم بييلا الصراحه نسيت كيف وصلتله بس بعطيكم وصف قطريه كول امشي في الكوفنت قاردن والسوق في الوسط .وامشي جدام بتلاقين شارع فرعي على يسارك وفيه محلات يبيعون شوكلت ومنهم قودايفا خليهم على يسارك وخذي يمين انتي وامشي شوي جدام لين تلاقين مطاعم ومحلات وبارات الله يكرمك وبتلاقين محل بيلا ايطاليا المطعم على يسارك اتركيه وكملي في نفس الشارع لا تلفين يمين ولا يسار لين تقريبا قبل نهاية الشارع بتلاقين المسرح وصلنا المسرح      عطيناهم ورقه الحجز وعطونا التذاكر  وموقع كراسينا كانت ممتازه لأنه نحن اخترناهم والمسرح تقريبا فل طبعا التصوير ممنوع اثناء عرض المسرحيه وانا صورتلكم قبل لاتبدأ المسرحيه       وكانت المسرحيه وااااايد حلوه روعه روعه روعه كلنا استمتعنا واستانسنا وانصحكم ماتفوتونها وعقب ماطلعنا من المسرحيه اشترينا بعض الاشياء اللي عليها صور شخصيات المسرحيه مثل تي شيرت وشنطه ...الخ ومن هاي الحركات الغداء انا من قبل حاطه في بالي بنتغدى في بييلا طلعنا من المسرحيه ونحن نتكلم عن المسرحيه وجمالها ودخلنا مطعم بييلا   عندهم جلسات في الدور التحتي  ماقدرت اصور المطعم لأنه مزدحم من الناس  المنيو     ويتنا جرسونه نحسه ماحبينا تعاملها وللاسف عقب اكتشفنا انها عربيه نحن ماسوينالها سالفه وصبرنا عليها عشان ماعندنا نيه نطلع من المطعم وصلت طلباتنا        والنتيجه  مابغيناهم يغسلون الصحون ويتعبون ههههه الصراحه وااااااايد لذيييييييييييذ أكلهم وحلال عليهم الفلوس  ماخلينا ولابنس حق الجرسونه النحسه 
| ||
|
|
|
05-02-2015, 12:09 AM
| #26 | ||
| خبير سفر وسياحة تاريخ التسجيل : Jan 2015 رقم العضوية : 931 الدولة : قطر الجنس : ذكر المشاركات : 4,537
| رد: رحلتي اللندنيه ( 2013 )
| ||
|
|
|
05-02-2015, 12:11 AM
| #27 | ||
| مميزة العرب المسافرون تاريخ التسجيل : Dec 2014 رقم العضوية : 398 الدولة : الامارات الجنس : انثى المشاركات : 781
| رد: رحلتي اللندنيه ( 2013 )
جوله في الكوفنت جاردن بعد ماتغدينا هذاك الأكل اللذيذ طلعنا نتمشى ولكن للاسف كان الوقت انتهي والمحلات بدأت تسكر المكان جميل وشرح وحلو التمشي فيه هاي صور قبل وبعد المسرحيه لكوفنت جاردن                            هذا محل أحذيه عزكم الله من السنه اللي طافت وانا أشتري من عندهم الجواتي الرياضيه والابوات شركه ممتازه واحذيتها مريحه           ولما شفنا ماشي فايده من التمشي قررنا نسير البيكادللي
| ||
|
|
|
05-02-2015, 12:19 AM
| #28 | ||
| مميزة العرب المسافرون تاريخ التسجيل : Dec 2014 رقم العضوية : 398 الدولة : الامارات الجنس : انثى المشاركات : 781
| رد: رحلتي اللندنيه ( 2013 )
البيكادللي رجعنا لمحطة الكوفنت جاردن وخذينا الخط الازرق لين  عزمنا اليوم نسير استديو خاص استديو متميز بفكرته استديو يرجعك للماضي القديم عندهم أيام العصر الفيكتوري عنوانهم  فكرة الاستديو   يعطونا كاتلوج نختار اللبس اللي نحبه والمقاس مافيه مشكله وعقب مانلبس لبسهم ( للاسف هالشي وايد قرفني لأنه غيرنا لابسنه بس عشان نصور استحملنا ومن رجعنا شقتنا تسبحنا عدل) وعقب مانلبس تساعدنا الحرمه بوضع المكياج والاكسسوارات المناسبه وطبعا هم فاهمين انه نحن العرب نحب الخصوصيه وماننكشف ع الغرب فحاطين ستاره عازله ، وكل طاقم التصوير من الحريم ونحن 4 وكنا واصلين عندهم متأخرين مابين الساعه 10 و11 نسيت بالضبط وماتوقعنا انه بنتأخر وايد بعد ماخلصنا تصوير سكر المول كله ماعدا الاستديو والكل روح الا المصوره اللي قفلت علينا باب الاستديو من داخل قالت ممنوع نخلي المحل مفتوح والمول سكر وقالت أنا متعوده أتأخر ويالزبائن ماحسينا بالخوف وتمينا وياها لين صورتنا عقب يلسنا نفرز الصور وياها ونحدد اللي نباه من الصور ع أساس انه ثاني يوم بني نستلمهم وعقب ماخلصنا صار الوقت متأخر تقريبا الساعه 1 ونص تخيلوا 4 صبايا وبدون ريال في هالوقت المتأخر وفي لندن مغامره خطييييره جدا وانا اتحمل المسؤوليه لأني انا المسؤوله عنهم الحادث اللي صار بعد ماخلصنا تصوير فتحتلنا الباب وخذتنا وراها للباب الخلفي للمول وفتحت الباب بالمفتاح وبعد ماطلعنا قفلت الباب ولقينا عمارنا في سكة جانبيه وقبل لانطلع سألناها عن التكاسي ، قالت : اطلعوا من السكه في واجهة المول بتشوفون تكاسي ونحن نمشي ورغم انه المسافه مب كبيره الا انه حسينا بالخوف خصوصا انه في هاي السكه موجود نادي ليلي والناس واقفه طوابير عشان يدخلونا طلعنا من السكه وحصلنا تكسي وعطيناه العنوان وقبل مايتحرك اكتشفت انه آي فوني أختفى  وندور وفجأه قالت بنتي انا شفته طاح من جيبج عند باب المول لما يينا بنطلع وانا فكرتج خذيتيه قلنا للتكسي ادخل في السكه اللي طلعنا منها خليناه يوقف ونزلت بروحي ودقيت باب المول مسكر وادق ومحد يفتح يعني صدق مافيي عقل حد يدق ع باب مول هههههههههههههههههههههههه يعني متوقعه حد بيفتحلي تعرفون آخر الليل ماشي حاسيه قلت ماشي أمل وانا راجعه التكسي بركب الا اشوف ريال كبير في العمر يلحقني يبا يكلمني وشكله سكران وادخل التكسي بسرعه واسكر الباب وحاول يفتح الباب بس راعي التكسي قفل الباب وتحرك ع فكره اللي لحقني للاسف كان عربي من المغرب العربي والله شي محزن اللي نشوفه من العرب في الخارج المهم ونحن في التكسي وانا مقهوره ع فوني يتني فكره تذكرت فاتورة المحل طلعيتها واتصلت على المحل وردت المصوره علينا خبرناها انه نعتقد انه فوني طاح عند باب المول ماقصرت وحليلها سارت تشوفه ولقته طبعا الفرحه ماكانت سايعتني واتطمنت ع فوني ورجعنا فريجنا وحسينا بالامان والراحه النفسيه انه وصلنا شقتنا بخير وسلام وقلتلهم هاي أول وآخر مره نكون برع البيت لين هالوقت والصراحه نحن حتى لما نكون ويابوعيسى مانتأخر برع البيت بهاي الطريقه لكن هذا اللي حصل ، وماتكرر الحمدالله والحمدالله طاف هذا اليوم ع خير ما انصحكم ابدا تسيرون الاستديو بالليل عشان بتتأخرون وايد دايما سيروا بدري وتعلموا من خطأنا وانتهت أحداث اليوم الممتعه بكل مافيها من ذكريات سواء جميله ولا سيئه تابعوني ...
| ||
|
|
|
05-02-2015, 12:36 AM
| #29 | ||
| خبير سفر وسياحة تاريخ التسجيل : Jan 2015 رقم العضوية : 931 الدولة : قطر الجنس : ذكر المشاركات : 4,537
| رد: رحلتي اللندنيه ( 2013 )
| ||
|
|
.gif "(57)")
| الكلمات الدلالية (Tags) |
| 2013, اللندنيه, رحلتي |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| رحلتي 5 نجوم الى زيزا يونيو و يوليو 2013 | himzmz | بوابة ماليزيا | 56 | 25-08-2018 09:55 AM |
| كامــــيرون هايـــــلاند ..* هولنـــدا الشـرق *.. هكذا أسميـــها ( رحلتي في آب 2013 ) | A.Alsubhi | ماليزيا | 17 | 19-08-2015 08:53 AM |
| رحلتي الى سيريلانكا ( ديسمبر 2013) ملاحظات ونصائح | الإماراتي | بوابة الهند وسيرلانكا | 14 | 15-04-2015 11:39 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Friendly URLs by vBSEO
Search Engine Friendly URLs by vBSEO
