تذكرت اني قبل اقدم كنت متردد زيك مع انه قانون فيزا الشنغن يقول تصدر من الوجهه الرئيسية للرحلة واللي تحدد بالمدة وفي حالة تساوي دولتين تحط اللي بتدخلها اول

فعشان اقطع الشك باليقين ارسلت ايميل مفصل عن رحلتي للسفارة الالمانية في الرياض واقول فيه انا اعرف انه المفروض اطلع عالوجهه الرئيسية بس ناس قالو لي انه بتصير لك مشاكل في فرانكفورت وانا ماتفرق معي اطلع منكم او من الفرنسيه

وعطيتهم تقسيم الايام وكل شيء وردهم كان بسيط جدا في حالتك طلع الفيزا من الفرنسية

وهذي صورة للإيميل



طبعا اذا وجهتك الرئيسية سويسرا توكلي على الله وخلي معك حجوزات السكن كامله ولو حصل نسخه من حجز الطيران العودة ولو حصل حجز التنقل سواء سيارة او اذا قطارات

وما راح احد يقول لك اي شيء باذن الله

اغلب اللي اتوقع تصير لهم مشاكل ويرجعونهم ممكن يكونون ناس مامعهم لغه ومكتب مطلع لهم فيزا من اي دولة بس يخلصهم زي ماكثير يروحون مكاتب ويطلع لهم المكتب ايطاليه ويروحون واذا وصلو المطار مامعهم اي شيء يثبت وجهتهم الرئيسيه وما يعرفون يتفاهمون مع الأمن وممكن يقولون اصلا حنا بس جايين لالمانيا هنا المشكله

والا فيه كثير شباب يتهورون شوي ويطلعون فيزا من دولة ثانيه ويحجزون حجوزات مع الغاء مجاني تخلي اقامتهم اكبر في الدولة اللي منها الفيزا وبعد ما يتعدون التفتيش يلغون كل الحجوزات

بس في حالتك انتي حجوزاتك رسميه وسليمه