والله حاجز ومخلص أموري كلها
بس عكت عليه التفجرات المشكله نزولي بمطار اتاتورك ��
بس متوكل على الله ومسافر بإذن الله الله لايعوق بشر

حاجز من 1يناير وكان تاريخ السفر 17مايو ، ولظروف العمل عدلت الموعد إلى تاريخ 29أغسطس


وخلال الفترة الماضية صارت تفجيرات بس الشي اللي يخليني ألغي الحجوزات هو أن التفجيرات الثلاث في اسطنبول كلها استهدفت أماكن سياحية (السلطان أحمد ، وتقسيم ، والحين المطار)


لا زلت متردد مع أنه باقي وقت عن موعد السفر ، ولكن خوفي يزيد الوضع ، ومعي أهلي ، ولا لو لحالي مو مشكلة

حسبي الله ونعم الوكيل
والله العظيم شي يحير مرة
سفري باقي عليه أقل من شهر وبصراحة خايف ومتردد..
يا الغي كل شي وابطل مرة من السفر لأن صعب جدا اغير الوجهه خاصة اني دفعت تذاكر دولية وداخلية وخلصت الحجوزات..

يا اسافر والله يستر..
والله شي يحير ويخوف صراحة

وكل التفجيرات في أماكن سياحية ومزدحمة بالسكان..

الحاتمي سافر وتوكل ع الله ماعليكم شر باذن الله وكل شي مكتوب ومقدر

الله الحافظ

وكل مكان في اعمال ارهابيه

واللي صار بتركيا ممكن يصير بوايد دول غيرها

عن نفسي برووووح و الله الحافظ

شيء محزن جدا جدا اللي عم يصير .. ما عندي حجوزات قريبة لتركيا ولا عبرها .. لكن لو كان لدي حجوزات ما كنت ألغيتها بصراحة
التفجيرات صارت في كل مكان تقريبا بالعالم .. والهجمات الإرهابية ما خلت بلد في حاله ، وخصوصا تركيا مستهدفة بقسوة من هالعصابات الارهابية

ما بقدر أنصح حدا يروح أو لأ لكن لو كنت مكانهم ما بلغي أي حجز ولن يصيبنا إلا ما كتب الله لنا ..

نتوكل على الله عز وجل ونسافر لتركيا الأمور طيبة ان شاء الله

مجرد الشك يجعل الواحد يلغي الرحلة تماما

اهم شيء في السفر الراحة والاطمئنان

والحمد لله البديل متوفر وكثير
ماليزيا
اندونيسيا
سنغافورة
هونج كونج
وجميعها لا تحتاج فيزة مسبقة بإستثناء سنغافورة

-----
والله يحفظني وإياكم أينما كنا