السلام عليكم
عندي شويه استفسارات
اول شي راح ابدا بأجار السياره
ان شاء الله راح اوصل على المانيا وبجلس فيها 3ايام بعدين بستأجر السياره واطلع لزيلامسي وبجلس فيها 5 ايام وبعدها بطلع لسلزبورع وبجلس فيها يومين وبعدين 3 ايام فينا
اللحين سؤالي انا راح اسكن بهذا الفندق
Booking.com: ظپظ†ط¯ظ‚ ظƒط±ظٹط³طھط§ظ„ - ظ…ظٹظˆظ†ظٹط®, ط£ظ„ظ…ط§ظ†ظٹط§

من اي فرع احجز السياره فيه مركز المدينه وفيه مركز المدينه الشمالي وفيه الغربي وفيه محطه القطار ايهم اقرب لي ؟
والتسليم محتاره اسلمها في فريسلانق الالمانيه او سالزبورغ انا محتاره احجزها 5 او 7 ايام ومرات اقول احجزها 6 ايام يعني تكون معاي في زيلامسي ويوم بسالزبورغ ويوم اتمشي على رجولي الان السكن قريب من التنقلات العامه وقريب للحديقه
واذا سلمتها في فريسلانق لما ارجع لسالزبورغ بالتكسي هل مبلغه غالي يعني هل فيه توفير لما اسلمها في فريسلانق والا فرق السعر راح يروح بالتكسي ؟
وسبلنق فريسلانق هذا او لا freising لاني داخله هالموقع اقارن بالاسعار وحصلتها كذا السبيلنق وبتأكد

Rental Cars and Car Rentals from Rentalcars.com

ومعاي طفل عمره ثلاث سنوات وسبع اشهر لازم احجز له كرسي السياره او مو ضروري ؟

واستفساري الثاني ايش العمله اللي نأخذها معنا وايش رايكم نأخذ بس للمصروف اليومي بس او فيه اشياء ثانيه ناخذها بالحسبان
لان السكن بالفيزا صح ؟

وبسأل ان شاء الله بنطلع من سالزبورغ لفينا بالقطار متى نحجزه لان اخاف اذا كنا هناك يكون زحمه او مايكون دايركت ؟


وبالنسبه للشريحه موبايلي مايمدحونها ايش رايكم بالاتصالات او ناخذ من هناك ابغى شريحه بيانات ؟
الله يعافيكم ثقلت عليكم بالاستفسارات

مرحبا اختي

بالنسبه لتأجير السياره الاقرب لج وامام الفندق محطه قطارات ميونخ
تقريبا كل الشركات هناك
وشركه يوروب كار عندهم مكتب مقابل المحطه بالجهه الثاني من فندق سوفتيل

بالنسبه لتسليم السياره
دايما اقول للمسافرين مب شرط تسلم السياره بنفس الدوله مرات تطلع لك الضريبه اوفر من الذهاب بالقطار

اختي اختي وقت لما تحجزين قارني الاسعار وقت تسليم السياره في فيينا
ووقت تسليم السياره في مدينه فريلسينغ وشوفي الفرق كم
وبعدها بشوف لج سعر المواصلات الى سالزبورغ ومنها الى فيينا
ونشوف انها توفي او لا

تاخذين معاج يورو فقط
والفندق بالفيزا او كاش
بس تذكرت تعطينهم تأمين الغرف كاش عشان لما تطلعين من الفندق تاخذينها كاش وتستفيدين من المبلغ بدل الحجز على المبالغ بكل فندق وترجع لح بالحساب بعد اسبوعين من فك الحجز


اي ضروري تحجزين للطفل كرسي والا تعتبرين مخالفه
والاهم من المخالفه سلامه طفلج ربي يحفظه ويحفظكم

لما ترتبون حجز السياره وجدولكم والتاريخ وتتأكدين من وقت رحلاتكم الى فيينا
تحجزين القطار وبعدها تطبعين التذكره بالمحطه هناك
واذا تبغين مساعده بالحجز حاضرين نساعدج

بالنسبه للأتصالات السعوديه الاخوان بالسعوديه راح يفيدونج ان شاء الله

الله يعافيك اخوي
مره استفدت من اني اعطي الاوتيل التأمين كاش عشان استفيد منه
بالنسبه اني اسلم السياره بفينا زوجي رافض لان يقون القياده هناك ممنوعه واكيد بيكون اكثر شده بالمدن الكبيره

اهاا يعني استأجر من محطه القطار انا على بالي من السنتر الله يسعدك
طيب ايش رايك بالتسليم سالزبورغ او فريسلانق وصح هذي هذا السبلنق او لا freisling او مو هي نفسها المدينه لانه لما قارنت بينها وبين سالزبورغ فرق ٦٠٠ ريال

اختي زوجج ليش رافض يسلمها بفيينا
الحين الرخصه السعوديه مسموحه

وسابقا يوم كانت غير مسموحه ممنوعه في فيينا وايضا بسالزبورغ وزيلامسي وكابرون وانسبروك بكل فيينا

والحين اذا اسمحو راح يسمحون بكل فيينا
والفرق 600 ريال

ولما ترجعون السياره في فريسلنغ لاتروحون سالزبورغ بالتاكسي
خذو قطار من فريسلينع الى فيينا

اذا عددكم شخصين رحله القطار من Freilassing الى فيينا تقريبا 300 ريال مع تبديل قطار واحد في سالزبورغ
ومده الرحله مع التبديل 2:39

السلام عليكم
الله يعافيكم ابغاكم تساعدون بترتيب الجدول السياحي ، انا اخترت الأماكن لكن ماقدرت ارتب ايش الأناكن اللي اقدر ازورهم بنفس اليوم ، اليوم ارتب جدول من بكره احوسه واطلع بترتيب ثاني

ابعطيكم الأماكن وياليت احد يساعدني بالترتيب

ميونخ راح تكون نقطه الوصول ان شاء الله بوصل المطار ١١:٤٥ صباحاً فممكن استفيد من اليوم واليوم الرابع راح اطلع منها لزيلامسي : المارين بلاتز - ساحه كارلتز - حديقه والبرج الأولمبي و متحف bmw - شارع الماركات - الحديقه الأنجليزيه - مجمع ريم اركاد - حديقه اربيلا ( مع العلم اني بسكن قريب لساحه كارلتز لانها تبعد عني ٧٠٠ متر والمارين بلاتز كيلوين فممكن هالمكانين اخليهم بالليل اذا رجعت من جولاتي اليوميه انزل اروق هناك )

زيلامسي راح اطلع منها باليوم الخامس وان شاء الله بستأجر سياره لكن للحين مااستأجرت لحد مااخلص الجدول : بحيره زيلامسي - زحليقه كابرون - قريه سالفيلدين ( الزحليقه الصيفيه ) وايش فيها اماكن ممكن ازورها هناك ؟ - سنتر زيلامسي - تلفريك ماريا ألم - الطائره الشراعيه - شلالات كريمل - بحيره اوتندورف - قمه كابرون ( هي نفسها قمه شتاين هورن ؟ ) - الخوانق المائيه - بحيرات التجمع الصناعيه

بعدين راح اطلع لسالزبورغ لمده يومين اليوم الثالث بطلع منها واحس ماراح اقدر ازور الأماكن كلها اللي اخترت لكن اذا فيه شي ممكن ازوره وانا جايه من زيلامسي قبل الوصول لسالزبورغ علموني لأني مااعرف : راح ازور المدينه القديمه - المدينه الجديده - سوق المشاه - قلعه سالزبورغ وهل هي نفسها قلعه هوهن او لا ؟ - نهر السالزاك - حديقه الميرابيل - قصر وحديقه موزارت - حديقه وقصر هلبرون - الكهف الجليدي - بحيره موندسي - قريه سانت جيلجين - قريه فوشل ام سي وتجربه الزحليقه والجلوس عند البحيره - قريه ولف قانق وتجربه القطار البخاري ومشاهده البحيره

بعدين فيينا وبطلع منها اليوم الرابع: شارع المشاة - كارلتز بلاتز - ستيفت بلاتز - العاب براتر - ماريا هلفر - برج وحديقه ونهر الدانوب - شتاد بارك - حديقه وقصر الشانبرون - مطل كاهلينبيرق ( مع العلم راح اسكن في شارع ماريا هلفر )
وبسأل وين احصل ايس كريم تيشي ؟

الله يعافيكم

ياليت احد يساعدني

ابشري

بس اتمنى تزويدي في التواريخ بالضبط ؟

اللله يبشرك بالجنه ويسعدك
ان شاء الله راح اوصل ميونخ بتاريخ ٢١-٨ ميلادي
وزيلامسي ٢٤-٨
وسالزبورغ ٢٩-٨
وفيينا ٣١-٨. إلى ٣-٩

وعليكم السلام ورحمة الله وبركاته

تفضلي أختي هالتقرير فيه جدول يومي
لميونيخ و زيلامسي وسالزبورغ وفيينا

http://www.arabtrvl.com/vb/t153.html

ميونيخ
ليلة تكون ( ريم اركادا ،، برج وحديقة اولمبيا و BMW ) لقربهم من بعض 26 دقيقة

سالزبورغ
الليلة الأولى تقدرون تزورون الفعاليات داخل المدينة ورجليا بعد لقربهم من بعض بس قصر وحديقة هيلبرون بالسيارة او الباص
ويكون
( قصر وحديقة ميرابيل ،، جسر سالزالك .. وينقلكم للمدينة القديمة وشارع المشاة .. قلعة سالزبورغ وركوب التلفريك ويقعون داخل سنتر المدينة القديمة ,, واخيرا قصر وحديقة هيلبرون الفنتازي )
وركوب العبارة ان كان في وقت تقدرون واخر ركوب امكن 6 او 7

الليلة الي بعدها
تختارون الي ترغبون فيه
مثلا ( بحيرة فوشل ام سي ,, بحيرة سانت جيلجين ,, بحيرة ولف قانق وتجربة القطار البخاري ) مشوارهم بين بعض 57 دقيقة
هذا الأفضل للإستمتاع
والكهف الجليدي مايسع لكم الوقت
وبحيرة موندسي مالها مجال ولف قانق


نعم قلعة سالزبورغ هي هوهن

قمة كابرون الثلجية
نعم هي كيتس شتاين هورن القمة الثلجية Kitzsteinhorn

و
ايس كريم تيشي
من خبيرنا طائر الغربة
بمنطقة شفيدن بلاتز
على مقربة من اشتفيان بلاتز عند محطة المترو "Schwedenplatz "

رحلة موفقة بإذن الله