02-08-2016, 09:50 PM
|
#11 |
مشرف سابق
تاريخ التسجيل : Dec 2014 رقم العضوية : 659 الدولة : كوكب الارض الجنس : ذكر المشاركات : 637
| أوسـمـة: kazami |
كل الاوسمة:3 (more»)
| | 
طبعا فندق بسلانقور ممتاز واذا حجزت من بوكنق. تواصل معهم وقلهم شهر عسل. وابي بوكيه ورد وقاتوه واستقبال مميز بالغرفة, وهم يتواصلون مع الفندق ومايقصرون, وبلاش طبعا ايضا اطلب ادوار علوية واي شي في بالك.
طبعا صن واي الالعاب بجوار فندقك. وممكن من غرفتك تشاهدها, منطقة بوتراجايا تبعد 20 دقيقة. ومنطقة شاع علم تبعد حوالي ربع ساعه, ومثل هالوقت يكون المشوار الة حديقة الاضواء وبالامكان تراجع تقريري وتجدها هناك. وايضا افتح قوقل ماب وتفرج بالخريطة اذا تحب.
لنكاوي ( الوصول الساعة 15:30 )
= فندق ايديا لنكاوي
هالفندق بصراحة اول مره اسمع عنه.. لكن من خلال بوكنق فموقعه حلو وتقييمه والصور روعه
وربي يهنيكم. وغير كذلك خذلك موتر والدركسون عكس لكن مغامره ممتعه وراحة وتوفر دراهمك.
وتراني جربت هالامر في سفريتين وربي ماندمت,على مهلك والمدام بالجوال تدلك على الخط.
واحلى جو.
* الخميس : الراحة للمغرب + الحجز مسبقا لرحلة المانغروف
الحجز من المطار او من محطة الفيري وهي قريبه من فندق. واحجز اذا تبي شوري رحلتين المانغروف ورحلة الغروب, وتدعي لي.
بتوصل العصر انصحك تتجه للفندق وتستلم غرفتك وبعدها تتجول حول الفندق وتستكشف المنطقة وبعد الغروب نوم .واذا في وقت روح ميدان النسر. وحديقة لاجندا. او خلها باليوم التالي.
* الجمعة : رحلة المانغروف - مجمع فير شوبينق
طبعا مجمع الفيري خلال ساعه تنتهي منه, لكن خل برنامجك من الصباح الى الظهر مع الغداء بالمانقروف.
وبعدها على منتصف الظهري الى الفندق وترييحه بسيطة اذا تحب او اذا نشيط مره على حديقة الطيور. وتراها بتاخذ وقتك الباقي. ممتعه ومتنوعه.. اوالعصر انزل ميدان النسر وحديقة لاجندا
ومجمع الفيري اذا مانزلت لها سابقا. تمش في كل هالمنطقة برجلك و تراها كبير وتفرج وتصور واستمتع, وبالليل خلك بالفيشاوي عشاء وجلسة على الشاطي.ثم الفندق.
* السبت : عالم ما تحت الماء الصباح + العصر الشلالات السبع + الابار السبع
رايي تستبعد عالم تحت البحار .. لان اللي بكوالا يغنيك. خل برنامج فطور ثم دق سلف وانطلق.
الى شلال تيمرون وترى بعيد عنك. روح له بدري على 8 واحلى متعه لانه اجمل شلال واذا تبي
تسبح خليك لابس سروال سباحة. هالشلال اعلى شلال والوصول له سهل. لانه قريب من الشارع.
بعد كذا انزل على القرية الشرقية واتوقع تفتح على 9 . واقض اجل اللحظات بين الفيلة والقبة والتلفريك
والتسوق. وممكن ينتهي يومك هنا. ويسير مع الغروب اتجه الى الفندق ومر على فندق الدانا وحوله مرفا ومجمعه مطاعم, وتعش ثم اكمل للفندق.طبعا بجوار القرية الشرقية تجد الشلالات السبعه او الابار السبعه وتراها شي واحد . واذا طلعت بالتلفريك راح تشوفها, وطريقة متعب شوي لانها صعود. وكلما صعدت كلما قل الناس . يعني بالاعلى خصوصية تامه. ايضا لاانسى لو ماطولت بالقرية وطفشت فقريب منك حديقة التماسيح.
هالامكان انا حطيتها بيوم واحد لانها جنب بعض. اطلع لها من الصباح الى المساء . وجميع هالاماكن تبعد عن فندق حوالي نصف ساعه,, لان فندقك بالجنوب الشرقي, وهي بالغرب .
* الاحد : جبل جونانق + شلال دوريان + حديقة الفواكه + حديقة لاجيندا + ميدان النسر
خلي جولاتك تبدا من الجبل ثم حديقة الفواكة الى الظهر وبعد الظهر خذ غداك وعلى شلال دوريان
وتغد هناك وتمدد وتمتع بالجمال والطبيعه, وعلى العصر انزل لمحلات اللي تسوي جوولة دبابات.ولاتفوفك
تجربة جميل.الى الغروب ثم روح جهة شاطي سينانغ. واذا لك شف بالمساج فترى هناك محلات روعه وفخمه. وتعش بمطعم الصقر وعلى الفندق.
* الاثنين : التلفريك مع شلال تيمرون السهل
ياعزيزي. هاليوم ماراح نخليك تصحى بدري.
اقترح تنطلق على 10 او 11 الى جهة المطار وبجوار المطار تلاقي الفورملا 1. ميدان جميل وتجربة جميلة وشوف من يسبق انت والا المدام. وبعدها على شاطي سينانغ والالعاب المائية والبرشوت وانصحك تروح شركة اسمها naam وشعارها راس نسر. غالية بس عندها الادوات والسلامة والالعاب حلوه ونظيفة.
لها عدة فروع واحد منها في شاطي سينانغ. وطبعا العب وتمتع ثم تغد بمطعم صاقر الهندي واااااااه ياصاقر, لايفوتك. طبع الى العصر. ثم ارجع الفندق وانتظر سيارة الشركة تجي تاخذك الى رحلة الغروب واحلى سهر واحلى عشوة, وبالتوفيق,
* الثلاثاء : إلى المطار ( الرحلة الساعة 14:35 | توقيع : kazami | | 
الله لطيف بعباده..
| |
| |
15الاعجاب
العرض الشجري
المواضيع المتشابهه 
