(@) دليل الحيران في بكين وهونان - الصين بالفيديو والصور يولـ2016يـو (@)

مجدي · 20-11-2016, 06:51 PM

اقتباس : المشاركة الأصلية كتبت بواسطة Deena

عوداً حميداً .. .. غاب السبع وجاب على رأيي المثل

فعلا جزء مميز وجميل جدا يستحق الانتظار (بس لا تتعوّد) .... وغني بالمعلومات والمناظر الخرافية

معلومة ما عرفتها من قبل: الديانة اليهودية تحرّم تناول مشتقات الألبان مع اللحوم؟؟؟ وبعمرك ما اكلت تشيز برغر؟؟
رايح عليك كتييير ! هو في اطيب من البرغر مع الجبن الدايب ! طيب المرتديلا واللبنة!؟؟ الستيك بالجبنة؟
اول مرة بعرف ومستغربة جدا من المعلومات بصراحة ... لدرجة اني عم افكر بالاكل اللي ما عم تجرّبه.. الله يكون بعونكم اكيد ما وقفت عالاكل

صور الحديقة النباتية رائعة.. شوقتني جدا لبكين بصراحة بعد ما كنت مستبعدة الصين تماماً..

القرية الأولمبية مميزة ومبانيها مبتكرة .. والقصر الصيفي عجبني جدا وخصوصا القوارب على شكل تنين .. شكلها بيرجعك لورا قرون .. سبحان الله ..

طيب شو بتعملوا باللازانيا مع الباشميل هههههه رجعت للاكل خلص رايحة ما تدفش :P

يا هلا وغلا
قال سبع قال ههه

لا مش رح اتعود اتخافيش ههه
ان شاء الله ما اطول عليكم اكثر

صحيح في الديانة اليهودية ممنوع اكل الالبان واللحوم في نفس الوجبة
عندهم الوجبات منفصله، في وجبات بسموها "وجبات حليب"، وفي وجبات بسموها "وجبات لحوم"
حتى ادوات الاكل مثل الملاعق والسكاكين لازم تكون منفصله، ملاعق وسكاكين خاصه بوجبات الحليب، وثانيه خاصه بوجبات اللحوم
حتى وقت الجلي ممنوع يجلو الادوات الي كان فيها حليب مع نفس الي كان فيها لحوم

فالمطاعم وكل المؤسسات الحكومية بتفصل في هذه الامور
طبعا في بعض المطاعم الي ما بتحافظ على هذا الشيء فاغلب اليهود ما بدخولها

لدرجة انه وزارة الاديان بتوظف رجال دين يهود وظيفتهم يعملوا دوريات تفتيش في المطاعم وغيرها علشان يتاكدوا من الفصل
والمطعم الي بلاقوا فيه اي خلط ولو بسيط بحصل على مخالفة واحتمال كبير يتم سحب الرخصة الدينية منه الي بسموها "هخشارا"
اكيد سمعتي عن مصطلح kosher
هذا مشابه لمصطلح "حلال" عنا

لذلك اغلب المطاعم بتحرص على هذا الشيء علشان ما تتخالف او تنسحب رخصتها الدينية
لانه لو نسحبت رح يخسروا جزء ضخم من زباينهم

طبعا احنا العرب بنوكل عادي منتجات الالبان مع اللحم
لكن المطاعم والشركات العالمية اغلبها ادارتها يهودية لذلك اكلنا بكون عادة حسب قوانينهم مثل الماكدونالدز وغيرها
اما المطاعم العربية ما بتلاقي فيها التشيزبورغر ما بعرف ليش
شكله في غيري كثير بحبوهوش
وانا ولا مره اكلته
لذلك حسيت طعمه غريب وما حبيته كثير

بكين رائعة
بس بدها زيارة بفترة يكون فيها الطقس معتدل
مش حامي ولا بارد

اما بالنسبة للازانيا بالبشاميل فمحسوبك ما بحبها
وتسألينيش ليش، الله اعلم
اعتقد اني حكيت من قبل انه الاكل عندي مشكلة هههه

sent from Galaxy Note 5 using Tabatalk

مشاهدة نتائج الإستطلاع: كيف تفضل/ين أن يكون تقريري هذا ؟
مفصلا، شاملا، وغزيرا بالمعلومات والصور.	64	90.14%
مقتضبا، قصيرا، مع أهم المعلومات والصور.	5	7.04%
مصورا فقط، دون الحاجة لذكر أية معلومات.	2	2.82%
تقرير نصي، دون الحاجة لإرفاق الصور.	0	0%
المصوتون: 71. أنت لم تصوت في هذا الإستطلاع

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
## البــوصـلة والفـرجـار في وصـف زنـجـبار - تقرير 07/2015 بالفيديو والصور ##	مجدي	رحلات الجزر والكروز	280	15-12-2017 03:28 AM
بالفيديو والصور..السلطان قابوس يضع حجر الأساس لمشروع "متحف عُمان عبر الزمان	مسقط الخير	بوابة سلطنة عمان	6	31-01-2017 07:20 PM
موسوعة تفصيلية في التحفة السريلانكية – 04/2014 بالفيديو والصور	مجدي	بوابة الهند وسيرلانكا	58	03-07-2015 01:18 PM