مخططي الى الفلبين في اجازه عيد الاضحى ان شاء الله ارائكم ياخبراء اول مره اروح لها

رحـال · 13-08-2016, 04:10 PM

السلام عليكم ورحمة الله وبركاته
اسعد الله اوقاتكم جميعا

باذن الله رحلتنا انا والمدام وطفلين راح تكون في 31 اغسطس حتى 15 سبتمبر

يعني بتكون عدد الايام الي بقضيها 14 يوم لاني ماراح احسب اول يوم واخر يوم اغلبها بيكون بالطائره

ولي تقريبا شهر ادور بين المواقع ومن بينها موقعكم الرائع واكتسبت الكثير من المعلومات

الميزانيه بتكون 15 الف ريال من غير التذاكر لاني قصيها خلاص وهي تذاكر قابله للتعديل حسب الامكانيه اي وقت

الخطه كالتالي

الاقامه في مانيلا يومين بعد الوصول وثلاث ايام قبل العوده ازور فيها الاماكن التالية

اول يومين بعد الوصول

Hidden Valley Springs

Ocean Park

Manila Zoo

VILLA ESCUDERO

يومين ايام قبل العودة الى الرياض

Star City

Tagaytay

splash island

Mall Of Asia

واماكن اخرى من اقتراحاتكم ان شاء الله ان امكن الوقت

بعد اول يومين اقضيها في مانيلا سأتجه الى جزيره بالاوان لقضاء ست ايام باذن الله على النحو التالي

يومين في بورتو برنسيسا لزيارة الاماكن التالية

الاقامه في منتجع مختار استرخاء

underground river ( نهر تحت الماء )

واي اماكن سياحيه تقترحونها ان امكن الوقت

ثم التوجه الى جزيرة ال نيدو لقضاء اربع ايام

السكن ماراح اخذ غالي لان اغلب وقتي بيكون برا ما احب اجلس بالفندق الا للنوم
وحصلت فنادق كثيره اسعارها جدا مناسبه في كل المناطق
فما ادري هل الميزانيه مناسبه بمعدل 1070 ريال يوميا لشخصين بالغين وطفلين
سكن ومعيشه ومواصلات او ازيدها شوي

طبعا مثل ماتشوفون باقي لي 4 ايام تقريبا محتار وين اقضيها ودي اروح لسيبو ومنها ازور شلالات كاساوان وجبال الشكولاته في بوهول و منطقه Oslob Whale Shark Swim

قريت عنها بالمنتدى هنا بس احس الميزانيه ماتغطي
او اقلص عدد ايام الرحله

ابي رايكم بالجدول هذا واقتراحاتكم بخصوص الاربع ايام المتبقيه او اي تعديل على المخطط بشكل عام

ومشكورين الله يسعدكم

JAKALL · 14-08-2016, 08:22 AM

وعليكم السلام ورحمة الله وبركاته

الجدول مرتب والتنقلات فيه قليله وهذا اهم شي لانه معاك عائله والتحرك دايم بطئ مع الحريم

الاماكن اللي راح تزورها في اليومين الاولى ممتازه واختيارك حلووو لاتنسى انه فيلا ايسكوديرو

تبعد عن مانيلا بالباص ساعتين بالسياره اقل بشويتين

وكمان نفس الشي تقايتاي تبعد 3 ساعات واكثر وتستاهل انك تجلس فيها يوم كامل

لان الاجواء في الصباح جميله خصوصا انها منطقه مرتفعه نسبيا

تقدر تضيف برضو منطقة لاقونا باقسنقهان Laguna Pagsanjan تبعد ساعه ونص من مانيلا

فيها نهر طويل بين الجبال الخضراء وتركبون القوار الخشبيه الين الشلال الكبير تستاهل الزياره

اما بالنسبه لجزيرة بالاوان عدد الايام مناسب جدا بالرغم انه الجزيرة تستاهل شهر كامل

لانها جميله ورايقه تقدر تزور الاماكن هاذي وانته في بويرتو:
1- Honda Bay
2- Mt Salakot تحتاج تتسلق الجبل
3- Bonton Falls تحتاج تتسلق الجبل

واذا وصلت النيدو تقدر تنسق رحلات بحريه هناك مع قروبات او حتى لحالكم ع راحتكم
وتستاهل التجربه لانه افضل شي في النيدو زيارة Twin Lagoons

وبالنسبه للمعيشه صعب تحددها وانا اقول اكثر من 1070 ريال بحكم انه مانيلا اصبحت غاليه شويتين من اول

سيبو وبوهول تستاهل الزياره لكن جدولكم راح يكون متعب لو اضفتها في نفس الرحله

اي استفسارات اخرى حاضرين ان شاءالله

تحياتي

رحـال · 14-08-2016, 08:21 PM

تسلم ياكنق
اجل شورك وهداية الله اتوقع اني بستغني عن سيبو للاسباب الي ذكرتها فعلا التنقلات الكثيره بترهقنا وتقلل من متعة الرحله

على كذا بخلي الرحله 14 يوم بدلا من 16 وازيد يوم في ال نيدو ويوم في مانيلا
بس اتمنى اقتراح المزيد من الاماكن في ال نيدو على اقل من مهلكم : )
ابي اروح واشخص عليهم على اني فاهم

وباذن الله راح يكون لي تقرير مصور عن الرحلة

JAKALL · 15-08-2016, 07:34 AM

اقتباس : المشاركة الأصلية كتبت بواسطة رحـال

تسلم ياكنق
اجل شورك وهداية الله اتوقع اني بستغني عن سيبو للاسباب الي ذكرتها فعلا التنقلات الكثيره بترهقنا وتقلل من متعة الرحله

على كذا بخلي الرحله 14 يوم بدلا من 16 وازيد يوم في ال نيدو ويوم في مانيلا
بس اتمنى اقتراح المزيد من الاماكن في ال نيدو على اقل من مهلكم : )
ابي اروح واشخص عليهم على اني فاهم

وباذن الله راح يكون لي تقرير مصور عن الرحلة

زيادة يوم في النيدو افضل بكثير من ضياعه في التنقل والخروج والدخول الى الفنادق

لاتشيل هم الأماكن في النيدو اول ماتوصل المنتجع اللي راح تسكن فيه راح يعرضون عليك

كل الرحلات البحريه في الجزيرة وراح تزور 4 جزر مختلفه حول النيدو وماتنسى تزور مطعم

ع شاطئ النيدو صاحبه واحد الماني لكن اكله رووعه وخصوصا المنظر وقت الغروب.

واي إستفسارات أخرى حاضرين إن شاءالله

تحياتي

آخر مواضيع JAKALL

- الفلبين تعيد فتح السياحة ابتداءا من تاريخ 10 فبراير 2022 + المتطلبات والشروط (محدث)
- ## خبــر إعادة إفتتاح جزيرة بوراكــــاي وقائمة الفنادق المصرحة ##
- ## خبــر إغـــــلاق جزيرة بوراكــــاي مؤقتاَ ##
- تنويــــــــــــــــــــــه لجميع المسافرين للفلبين
- ♠ جمــــــال طبيعــــة مدينـــــــــــــــة بـــــــــــراغ ♠

توقيع : JAKALL

سبحان الله وبحمده
سبحان الله العظيم

التعديل الأخير تم بواسطة JAKALL ; 15-08-2016 الساعة 12:11 PM

رحـال · 15-08-2016, 12:49 PM

ماقصرت ياغالي عسى عمرك طويل
اخر سؤال واسمح لي كثرت عليك اسأله
هل تقترح علي مواقع غير بوكنق او اجودا للحجز مسبقا او احجز مباشره من الفندق وش رايك

JAKALL · 15-08-2016, 02:50 PM

اقتباس : المشاركة الأصلية كتبت بواسطة رحـال

ماقصرت ياغالي عسى عمرك طويل
اخر سؤال واسمح لي كثرت عليك اسأله
هل تقترح علي مواقع غير بوكنق او اجودا للحجز مسبقا او احجز مباشره من الفندق وش رايك

الله يجزاك خير ع الدعوة الطيبه (الله يبارك في عمرك)

خذ راحتك في الأسئله صدقني مستمتع في تقديم المساعده

من ناحية الفنادق اغلب فنادق الفلبين تحصلها ارخص من اقودا لكن هاذي ليست قاعده ثابتة

الأفضل اختار الفندق والتواريخ وشوف أسعاره في اقودا وبوكنق وإختار اللي يكون سعره أرخص

اما بخصوص المنتجعات الأفضل حجزها من موقعهم مباشره لان أسعارها في بوكنق غالية

وأي إستفسارات أخرى ماراح نقصر معاك إن شاءالله في شئ

تحياتي

رحـال · 16-08-2016, 06:41 PM

حبيب قلبي ماتقصر والله
بس تراني ما انعطى وجه بس دامك ملزم خذ سؤال

نظام التكاسي عندهم عداد او تفاوض
وهل الحساب يكون للشخص او للمجموعه

وبخصوص منطقه Laguna Pagsanjan
هذي رائعه الله يجزاك الف خير اشوى انها مافاتتني
القوارب الي فيها هل الاسعار للشخص الواحد او للقارب

فقط للمعرفه عشان لايلعبون علي

JAKALL · 17-08-2016, 07:14 AM

نظام التكاسي بالعداد ماعدا الرحلات خارج مانيلا تقدر تفاوض فيها خصوصا لو كان فيها انتظار

الاسعار تختلف الان عن الفتره اللي زرتها

لكن ماتتجاوز 1500 بيسو للشخص

الشعب طيب وصريح خلي ظنك طيب بالناس

تحياتي

رحـال · 18-08-2016, 01:58 PM

ممتاز
انا اشوف تعاملهم هنا راقين و خلوقين بالمستشفيات و المطاعم والشركات
بس بعض المواضيع تشكك وسألت من باب الاحتياط

يعطيك العافيه

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
السلام عليكم الله يجزاكم خير عندي سؤال عن حجز الفنادق اول مره اروح	ام محمد 44	بوابة اندونيسيا	2	24-06-2016 05:15 PM
مساعدة ترتيب رحله لاوروبا في اجازه الصيف	افنان	البوابة السياحية	5	31-12-2015 06:33 PM
ساعدوني في مخططي ..	خليفة المعضادي	بوابة المانيا	7	30-06-2015 02:22 AM
انتم عوني ولا استغني عنكم ...مخططي يحتاج لكم !!	مسافرة مسافرة	بوابة سويسرا	14	10-06-2015 01:59 PM
تعالوا شوفوا مخططي للمالديف وسيرلانكا	nicefeeling	بوابة الهند وسيرلانكا	10	20-04-2015 08:31 PM