29-08-2016, 01:31 AM
|
#1 |
خبير ماليزيا
تاريخ التسجيل : Dec 2014 رقم العضوية : 859 الجنس : ذكر المشاركات : 2,073
| أوسـمـة: himzmz |
كل الاوسمة:1 (more»)
| | 
اليوم الثالث الاحد 10 يوليو : صحينا الصباح بدري فطرنا واخذت جولة ثانية على الفندق عند المبنى القديم وبعدها تشك اوت سريع واخذت التأمين كاش واخذت تاكسي الساعة 11 ونص الى محطة tbs بجراب تاكسي ب 30 رينجت والمسافة تقريبا 25 دقيقة مع الزحمة في الطريق دخلنا على 12 ظهر وكانت المحطة كبيرة وكأنك في مطار جدة في الصيف وموسم الحج ورمضان من قوة الزحمة زحمة غير طبيعية وجلست مذهول كيف اوقف في الطوابير الطويلة جدا وسبب الزحمة اجازة عيد الفطر (هري رايا) اضافة الى انه يوم احد لدرجة اني صرت اقول ممكن تروح الرحلة علينا حسيت كأني في رحلة دولية من الاجواء في الصالة وعلى طول اخذت عربة للشنط وعلى الاستعلامات فين الطابور حقي ... مستر مازن go to gate c وقفت في الطابور اكثر من نص ساعة لقطع البوردينج ويطلبوا الجوازات والتذاكر (عبر شاشة الجوال عادي )منك وبعدها اذا معك شنط تروح لكاونتر الاستعلامات عند المصاعد عشان تنزلك الموظفة لتحت اما اذا ما عندك اغراض فتنزل بالسلالالم الكهربائية .. نزلنا تحت واتجهنا لرقم بوابتنا ويوجد شاشة فيها ارقام الرحلات ومقاعد انتظار ... سألنا الموظفة عند البوابة وتأكدنا منها وكل شوية يجي باص لرحلات لوجهات ومدن ثانية من نفس البوابة وانا اقوم اسأل الموظفة هذا باص كاميرون اللين طفشت مني لان جات باصات كثيرة تقريبا كل ربع ساعة باص وكان الوقت تجاوز 1 ونص ... مشينا تقريبا 2 واستغرق الطريق الى محطة تاناراتا بكاميرون 4 ساعات ونصف شاملة توقف واستراحة نصف ساعة لمرة واحدة وكان في استراحة ثانية قرب كاميرون بس محد نزل وواصل على طول من غير توقف الطريق كان جميل اضافة الى انه متعب نوعا بسبب تعرجه عند الصعود للمرتفعات وطبعا اكثر من يتعب الاطفال او اللي عنده مشاكل من التعرجات ودوار البحر وغيره ( بالنسبة لنا كان الوضع عادي عدا تمارا اللي استفرغت الله يكرمكم واعتقد في واحد في اخر الباص كمان استفرغ ) .. استمتعنا لما قربنا من كاميرون بالاجواء العليلة والامطار اللي استقبلتنا بها وعدينا على شلال اسكندر وكان عنده زحمة سيارات فكانت فرصة 5 دقائق لمشاهدة الشلال اثناء توقف الباص للاستراحة طلب مني السواق اسم الفندق وقال انزلك عنده 25 رينجت قلت غالي وجهه تغير وحقد عليا وطنشته .. وشفته عرض على فرنسيات نفس الموضوع بس رفضوا ونزلنا كلنا عند مكتب cs وليس المحطة لكنها قريبة والتكاسي موجودة حولين المكتب ومسوين رباطية ومتفقين في الاسعار وكانت وجهتي فندق كاميرون هاي لاند ( طبعا التطبيقات ما تشتغل في كاميرون ووقتها جوالي كمان مقفل) معايا 3 شنط وواحدة منهم كبيرة ويقولوا لازم تاخذ سيارتين تاكسي ... قلت مع نفسكم ... ام محمد انتظري هنا مع الاولاد جنب المكتب ولاتتحركي اروح اجيب تاكسي وكانت الامطار تهطل .. مشيت مسافة 200 متر في منطقة تاناراتا وجبت تاكسي متهالك بس الرجال طيب 10 رينجت وصلني للفندق وتم استقبالنا في الفندق بمشروب دافي مثل الشاي الاخضر مع زنجبيل ومنشفة دافئة واخذوا مني تأمين 300 رنجت وعلى طول على الغرفة وكان تقريبا الوقت مغرب صلينا وارتحنا شوية واخذنا تاكسي ب 10 رينجت من الفندق نفسه الى مطعم ماري براون تعشينا هناك تحت زخات المطر على المراجيح واخذنا لفة على المحلات في تاناراتا ورؤية الجولات السياحية من المكاتب اللي هناك ونشوف جديدهم ورجعنا مع نفس التاكسي بعد ما اخذنا رقمه والرجعة ب 15 لان الوقت متأخر شوية ... وقتها كلمت الاستقبال هوني مون يا اخوان ما يصير كدا ههههه قالت لي الموظفة ابشر بكرة اجهز لك مفاجئة في الغرفة ... دخلنا الغرفة ونمنا على المروحة والهواء البارد من البلكونة والمطر ينزل بزخات خفيفة (نومة ممتعة)
| توقيع : himzmz | |
سبحان الله وبحمدهسبحان الله العظيم
سحر الطبيعة والعشق والرومانسية منتجع أندامان لنكاوي
|
التعديل الأخير تم بواسطة himzmz ; 29-08-2016 الساعة 02:22 AM |
| |
2015الاعجاب
العرض المتطور
المواضيع المتشابهه 
