27-09-2016, 03:21 PM
|
#11 |
خبير ماليزيا
تاريخ التسجيل : Dec 2014 رقم العضوية : 859 الجنس : ذكر المشاركات : 2,073
| أوسـمـة: himzmz |
كل الاوسمة:1 (more»)
| | 
اليوم العاشر الثلاثاء 19 يوليو : كنت قد اتفقت مع السواق الهندي واسو لايصالنا الى كوالالمبور وكان الاتفاق ب 400 رينجت طبعا تجنبت الباص لعدم وجود رحلة مناسبة في التوقيت كنت ابغى اوصل العصر لفندق مايا في كوالالمبور للحاق بعرض السبا استيقظنا كالعادة على صوت الامطار ثم نزلنا وتناولنا الافطار اللذيذ وبعدها كان في خطأ مني لحجز القارب السريع للوصول الى ميناء لوموت اثناء التشيك اوت ... المفروض احجز العودة من وقت الوصول واسجل اسمي عندهم لاني كلمتهم قبل التشيك اوت بيوم واحد على اساس الخروج 12 لكن كان فل ... قالوا بامكانك على رحلة 1 ظهرا وهذا الخطأ تسبب في تأخير ساعة وكويس انها جات على كدا عملنا تشيك اوت من الاستقبال ودايركت الشنط تجي على القارب ... انت بس جهزها في الغرفة وهم يجو ياخذوها بس لازم عند ادخالها للقارب تتأكد من عدد شنطك واغراضك ... استغليت الساعة بالصعود للفل اللي في الاعلى في الجهة الثانية بينما زوجتي والعيال في الغرفة ركبنا القارب وكان في توديعنا بعض العاملين في المنتجع وفي مقدمتهم مديرهم الاوروبي وفي لفتة جميلة منهم صاروا يلوحوا بأيديهم لاكثر من دقيقتين مع مديرهم والابتسامة تعلو وجوههم ووصلنا للميناء في 10 دقائق وكانت الاجواء مشمسة مع شوية غيوم ركبنا السيارة وانطلقنا على الواحدة والربع ظهرا الى كوالا واستغرق الطريق الجميل المليء بالمزارع والبحيرات 3 ساعات ونص من غير توقف وكان الطريق في البداية مشمس وبعدها صار غيم وجات فترة في الطريق نزلت علينا امطار رائعة وصلنا الفندق وعملنا تشيك ان سريع واخذوا 200 رينجت تأمين كاش وطلبت من السيدة في الاستقبال ان توفر طلباتنا ... قالت راح اسوي لك ترقية غرفة كبيرة جناح ديلوكبس في الدور الرابع ولك من الساعة 6 الى 9 تطلع تجلس في سكاي لاونج في الدور 13 مع تناول الوجبات الخفيفة والقهوة وغيره ... توكلي على الله دام الجناح كبير وهذا اهم شي بالنسبة لي عشان الاولاد وبالفعل كان الجناح جميل وكبير ومرتب وقبل طلوعنا للغرفة كان في حفل زفاف ماليزي وشفناهم من جهة الاستقبال رتبنا اغراضنا وهوووووبا على باقة المساج المجاني لشخصين وقبلها حجزت موعد المساج لزوجتي على 7 مساء وانا بعدها بمجرد ان تنتهي ... دخلت زوجتي المساج وان استغليت الوقت بالجلوس امام المسبح انا والاولاد والحديث مع مدرب الصالة الرياضية وامتد الحديث تقريبا لساعة وبعد ما خلصت زوجتي وصلتها الغرفة واتجهت انا للمساج وكان روعة وروقان بمعنى الكلمة سبب اختياري للفندق هو عرض باقة المساج اللي من الممكن ان تكلف لشخصين حدود 400 رينجت بينما كان سعر الغرفة مع الباقة 508 ريال خلصنا المساج وبعدها طلعنا للسكاي لاونج وكانت جلسة جميلة امام واحد من البرجين ومنارة كوالا وتناولنا السناكات الخفيفة والكيك مع العصيرات والقهوة .. الجلسات يوجد جلسات مكيفة واخرى في الهواء الطلق ... احنا كنا في الخارج وبالفعل جلسة روقان بعد المساج وخاصة تمارا كانت نايمة بعدها خرجنا من الفندق على 9 ونص وكنت شايل فكرة اني اروح جهة البرجين لان الوقت خلاص ضيق مع العلم ان المسافة قريبة جدا لمجمع سوريا مشيا على الاقدام 500 متر اقل من 10 دقائق الفندق في شارع امبانج وهو شارع رئيسي ويوجد بجانب الفندق بعض القنصليات وبعض الكافيهات والمطاعم على الشارع اضافة الى ان في نهاية الشارع محطة المونورول بوكيت نانس وصرنا نمشي الى ان وصلنا الى مول كيو ويل سيتي مول واخذنا جولة عالسريع وخلاص معظم المحلات بتقفل ... طيب كيف العشا كان في عندهم همبرجر شيك فيول بس خلصت الطلبات وقلنا خيرة ناخذ من الفندق لان خلاص تعبانين من رحلة بانكور وما في حيل اروح مطاعم شارع العرب اللي فاتحة للفجر سواء عربية او وجبات سريعة ... المول فيه بعض الماركات العالمية ومحلات دايسو ومطاعم بيتزا هت وكنتاكي وصب واي وسفن الفن وغيره رجعنا الفندق وطلبت عشا ثم نوووووووووم استعدادا للسفر للساحرة لنكاوي ... تقييمي لفندق مايا كوالالمبور من 10
الراحة 8
الفخامة 7
الاثاث 8
الموقع 8 (قريب جدا من البرجين مشي اقل من 10 دقائق والشارع اللي امام الفندق امان بعد الله وحيوي وفيه انارة يعني لو تمشي في نص الليل امان ) النظافة 8
المرافق 8 جودة الطعام 7 السعر مقابل الخدمة 9
طاقم العمل 8 : متعاون .. سرعة الاستجابة
سرعة الواي فاي 8 : مجاني في الغرفة وفي كل مرافق الفندق
دورة المياه الله يكرمكم يوجد بها شطاف الجنا ح كان كبير وشرح الجناح كان فيه كل المستلزمات حتى الابرة والخيط وبراية ومسطرة وممحاة وقلم رصاص المطاعم والجلسات تحت متعددة ونظيفة يوجد بجانب الصالة الرياضة حمام بخار بعض من مرفقات الفندق تحس انها فخمة وبعضها تحسها عادية
من عيوب الفندق
خلف الفندق مقبرة واعتقد اللي تكون غرفته من الخلف راح تكون حاجة سلبية له الممرات في الفندق غير مكيفة التلفزيون من العصر الحجري الجناح متصل بغرفة اخرى وهذا ايجابي للعوائل الكبيرة اذا اخذوا جناحين وسلبي من ناحية الازعاج اذا العوائل ما تعرف بعض والحمدلله ما سمعنا شي الاستقبال الرئيسي صغير والكراسي قليلة للانتظار... يوجد استقبال اخر لرجال الاعمال الغرف ليست بتلك الفخامة لكنها نظيف وسعرها رائع للي يفضل السكن بجانب البرجين | توقيع : himzmz | |
سبحان الله وبحمدهسبحان الله العظيم
سحر الطبيعة والعشق والرومانسية منتجع أندامان لنكاوي
|
التعديل الأخير تم بواسطة himzmz ; 27-09-2016 الساعة 08:46 PM |
| |
2015الاعجاب
العرض الشجري
المواضيع المتشابهه 
