26-08-2016, 06:17 PM
|
#1 |
مسافر جديد
تاريخ التسجيل : Aug 2016 رقم العضوية : 12121 الجنس : ذكر المشاركات : 19
| 
 |
اسأل الله العظيم في هذا اليوم المبارك ان يوفقك ويسعدك على سعة صدرك وتجاوبك السريع وان يكثر من امثالك
آمين أجمعين .. تسلم
والله ما جات في بالي اني انزل في اوساكا والرجوع من طوكيو .. لكن اتوقع ان الخطوط الاماراتيه ما تنزل في اوساكا !! ما ادري صحيح والا لا ؟؟
بلى تنزل في اوساكا بمطار Kansai
انا مسافر لوحدي ومافي احد معاي ..
الغرفه في super hotel Shinjuku مساحتها 12 م2
تنصحني اني اغيرها ؟؟ .. مع ان سعرها وايد حلو شامل الافطار والفندق عليه ريتنج حلو ..
إذا كنت مرتاح لها خلك عليها خصوصا انك بروحك
بالنسبه لي ما اعتقد حتكون تنقلاتي كثيره خارج طوكيو .. تعرف لوحدي والمده قصيره .. ايش تنصحني بالاماكن القريبه خارج طوكيو لو فيه .. وكيف طريقة التنقل بالمترو والا JR ؟؟
ممكن فوجي إذا كان عندك وقت كافي وتحتاج خط JR وخط خاص لـ فوجي للوصول لها والتذكرة تكلفك للذهاب تقريباً 4,000 ين
ديزني لاند تنصحني ازورها بما اني مسافر لوحدي ؟؟ تعرف المتعه في الألعاب اكثر مع الرفقه
صحيح المتعة أكثر مع الرفقة ولكن إذا ما زرت ديزني من قبل أنصحك تزور المدينتين ديزني لاند بيوم وديزني سي بيوم لأتك راح تستمتع بالأجواء والفعاليات هناك خصوصا العرض الأخير
اوساكا :
مقرر ان شاء الله ازور ( كيوتو _ كوبي - نارا - هيميجي ) بما اني حجلس تقريبا 6 ايام
كلها حتكون الانطلاقه من الفندق والرجوع في نفس اليوم ..
كيف تشوفها ؟؟ طريقه متعبه والا لازم اسكن في بعض المناطق ؟؟
اختيارات موفقة .. لا ما راح تكون متعبة الرحلة لهم سهلة وممتعة وما ياخذ وقت في التنقل
من خلال مخططي تنصحني اني لازم اشتري تذكرة JR قبل السفر لمدة 14 يوم .. والا فقط اشتري التذكره من هناك ل JR على حسب المنطقه الخارجيه اللي بروحها .. واللي يهمني تذكرة طوكيو اوساكا - اوساكا طوكيو ..
راح أحسبها لك اليوم إن شاء الله وأشوف إذا كانت تسوى ولا لأ
بالنسبه لو اخذت معاي بعض الاكل من هنا ( اجبان - علبه صغيره شاي -مكسرات ) هل جمارك المطار يدققوا عليها والا عادي ؟؟
ما اعتقد يقولون شي إذا كميات بسيطة
ناوي اخذ تمر قطع صغيره - وبعض الاشياء كهدايا هناك لليابانيين او لمن يقدم لي خدمه .. هل تشوفها طريقه كويسه .. لاني حسب ما قرأت ان الشعب الياباني يقدر الهدايا حتى لو كانت رمزيه ..
صحيح وأنا طبقت هذي الفكرة من قبل وكنت أعطيهم (ماء لقاح) وكانوا فرحانين منها
الفكرة ممتازة
اتمنى اني ما ثقلت عليك ..
تقبل تحياتي وشكري ..
بالعكس كنت ضيف خفيف ومنور القسم بوجودك
وإن شاء الله تستمتع بالرحلة وتكتب لنا تجربتك بعد ما ترجع بالسلامة
| | الف شكر مشرفنا الغالي والله لا يحرمنا منك ومن ردودك وابداعاتك
انتظر منك بخصوص تذكرة JR لاني اشوفها غاليه وممكن ما رح استفيد منها كثير الا في تنقلي من طوكيو الى اوساكا والعكس ..
الا اذا عندك رأي ثاني وتنصحني فيه اكون لك من الشاكرين
أرسلت من SM-G925I بإستخدام تاباتلك |
|  |
7الاعجاب
العرض المتطور
المواضيع المتشابهه 
