يا عابد

مشكلتك كل مشاركه تنزل جدول .

ترا بكذا ما راح ترسى على شي .

بقولك شي ..

اذا وصولك جوهانسبيرج

توجه مباشره الي كيب تاون على خطوط Kulula

و اول ما توصل استلم السياره واسكن حول الوتر فرونت

يا انك تسكن في الوترفرونت ( غالي السكن ) او في الجرين بوينت اوالسي بوينت

كيب تاون تستاهل اسبوع كامل . لكن في حالتك الاقامة راح تكون سريعه

5 ليالي .

بعدها توجه بالسياره الي موسيل باي .. حقها ليلتين فقط

قبل ما توصل موسيل باي .. تقدر تزور اخر نقطه في القاره الافريقية

وهي رأس اغولهاس .وتشاهد التقاء المحيطين الاطلسي والهندي .

بعد موسيل باي .. توجه الي نايزنا

المدينة جدا جميلة خذ فيها 5 ليالي

تقدر تزور منها اكثر من مدينة و فعاليه .

بعدها توجه للمحمية .

للمعلوميه / اغلب المحميات في القاردن روت عندهم برنامجين

سفاري و اقامه . او سفاري فقط .

انا جربت الخيار الاول .. الحمد لله كانت المحميه جدا جميلة بكل لحظاتها .

بعدها توجه الي مطار جورج .. وسلم السياره .. و توجه الي جوهانسبيرج

وخذ ليله او ليلتين فيها .

واسكن في ساندتون .. شوف فندق ماسلو أو فندق ذا كابيتال مولوكو

اهم شي اسكن في ساندتون .. واحاول تختار فندق يوصلك الي مانديلا سكوير و مول ساندتون .. لانهم يوصلون للساحه مجانا .

..


بخصوص التكلفه .

البلد جدا رائع ارخص من اوروبا بكثير .. .. الامان عالي في كيب تاون و القاردن روت و المحميات

الاكل الحلال متوفر في كل مكان ..

السياره مهمه تكون معك .. خاصة وان السائق الخاص مكلف .

صحيح ان السواقه عكسنا .. لكن الموضوع بسيط . خلال ساعه تتكيف مع الوضع

لتر البنزين حوالي 12 راند .حوالي 4 ريال .


..


اذا ودك في زيارة الصن سيتي .. لازم تعكس الجدول .

لان الرحلات لمطارها محدوده جدا .. و نوع معين من الطائرات توصل لهذه المدينة.


بالتوفيق ان شاء الله