الله يجزاك خير على التنبيه لي وجهة نظر مختلفه زرت ماليزيا ثلاث مرات في كل مره ازور الشارع تقريبا يوميا صراحه السنه هذي شارع العرب تغير وتحسن عن الأعوام الي قبل من ناحيه محلات المساج أغلقت وكان فيه مرقص أغلق يمكن الحفريات مسببه زحمه والباعه المتجولون غير كذا ماشفت وكل شخص رقيب نفسه وتصرفاته الله يهدي الجميع

أحترم وجهة نظرك..
لكن للتو عدت من هناك

بالعكس أشوف السكن في شارع العرب أفضل من ناحية الحيوية والأمان بسبب ان الشارع لاينام..
من ناحية الأمور الي تتكلم عنها واجهتني حتى في صنواي و حديقة klcc وتعتبر أماكن راقية..
هل يعني مااروح ماليزيا لهذا السبب؟

كل شخص يفعل مايريده ويترك مالايعجبه ويريح نفسه.
شارع العرب لو احتجت شيء اخر الليل عندي المحلات والمطاعم والبقالات واخرج متطمن..بغض النظر عن اختلاف وجهات النظر يبقى هو المفضل من اغلب السياح والدليل هو الأكثر نشاط..

في أي تكسي وأي حديقة ممكن يواجهني موقف محرج أو عاهرة تعرض نفسها..السبب منا بصراحة طالما أكثر زبائنهم عرب طبيعي تكون هدف جيد لهم!
أنا شفتهم في شارع العرب مااتوقف لهم مع انهم قليل..لكن المشكلة الوحيدين الي شفتهم يتوقفو لهم ويتفاوضون معهم العرب!

حتى اني طلعت عند حلاق احلق بجانبه غرف في نفس الدور كلها عاهرات يتسكعون مع شباب عرب!

المشكلة تطاردنا أينما ذهبنا,غير منطقي أترك شارع العرب عشان لايعرضون عليا هذي الخدمات وقد تعرض علي حتى في أرقى مكان.

من ناحية الغلاء صحيح المطاعم العربية غالية ونصابين,لكن برضو فيه مطاعم ممتازة وسعرها مناسب ولاتجدها خارج شارع العرب وشغالة 24 ساعة

سؤال لماذا لايواجه الأوروبيين وباقي السياح نفس المشاكل الي نواجهها؟

الجواب: المطاعم العربية غالية لأن العربي يدفع ومايدقق,العاهرات يضايقونا لأن العربي يتفاوض معاهم واذا رفض يبتسم لهم!
والمتسولين كثرو لأن العربي يعطي


الزبدة هذي المشكلة حتى لو هربت من شارع العرب ستطاردني