السلام عليكم


كيف حال اعضاء المنتدى الرائع وبالخصوص مشرفنا اخر فرصة

وش رأيكم اقدم على الفيزا من مكتب او انا اجهز كل شيء ، علماً ب أني جهزت الاوراق وطبعت النماذج حقت السفارة وسويت تأمين بس ما بعد سددت وطلعت تعريف بالراتب وجهزت تقريباً كامل الأوراق بس خايف يردوني وانا ابقدم قبل سفري ب شهر تقريباً ، واذا كنتم تنصحوني اتوكل على الله واقدمها بنفسي يا ليت تكتبون لي جميع المتطلبات الي تشمل حالتي :

المسافرين :
الوالدة
انا 20 سنة( معي فيزا سابقة ل اسبانيا تنتهي في شهر 12 ميلادي وانا سفري في 8/11 والعودة 17/11 يعني قبل انتهائها )
اخ 15 سنة معه احوال
اخت 12
اخ 4 سنوات ونص
-------------------------------
معلومات إضافية :
الوالد مهب مسافر
الوالد مدرس ( جبت تعريف عمل عربي وفيه تحت لينك ( ترجمتها انا بنفسي ل انجلش ( هل لازم مكتب ترجمة معتمد او تمشي ) )

-------------------------------
الأوراق الموجودة:
النموذج تمت تعبأته و الوالد وقع في أماكن التوقيع ل نماذج للاطفال ما عدا الوالدة
صورتين
كشف حساب بنكي 5 شهور انجليزي
حجز الطيران
حجز الفنادق
ورقة تكفل بالمصاريف موقعة من قبل الوالد لكل شخص بأسمه
ورقة سماح بالسفر للأطفال موقعة من الوالد والوالدة
بطاقة عمل الوالد ( ابروح اترجمها في مكتب معتمد )
اوراق التأمين
التعهد تم توقعيه ووضع علامة صح على النماذج الموجودة
ورقة الموعد
صورة من دفتر العائلة
صورة من بطاقة الأحوال للوالد
-----------------------------
اسئلة :
هل الوالدة لازم تعريف عمل او نفس مستندات الاطفال ( ماعدا السماح بالسفر من قبل الوالدين )
من الي لازم يجي يبصم ومن الي ما يحتاج
وهل الاوراق اوقعها عندهم او اخلي الوالد يوقع على كل الأوراق الي تحتاج توقيعه



في إنتظار مشرفنا الغالي اخر فرصة الله يجزاه خير

واسف على الإطالة

وعليكم السلام

الكل هنا ما يقصر

رأيي تقدم بنفسك و توفر كثير

الاوراق كلها تمام ولو فيه شي ناقص الموظف راح يساعدك
وهذي نقاط انتبه لها

1- المعلمين فيه موقع عين ممكن تستخرج منه ورقة التعريف بالانقليزي
لو كان غير ممكن لازم تترجم التعريف من مكتب معتمد
2- الوالد يعمل خطاب تكفل بالمصاريف لكل واحد بما فيهم الوالدة
3- كل واحد 12 سنة فما فوق لابد من حضوره للتبصيم و اللي أقل لايلزم حضوره
4- الوالد يوقع على كل النماذج بتوقيع مطابق للموجود في جوازه
ويلزم احضار كشف حساب 6 أشهر + تعريف عمل بالراتب + صورة جوازه
اللي فيها ( صفحة البيانات + صفحة التوقيع )