ماليزيا+اندونيسيا 22يوم وصور بتقنية جديده (للتحدي) القسم الاندونيسي - الصفحة 5

رائد بومريم · 26-02-2015, 02:13 AM

اليوم العشرين والاخير
بعد الفطور طلعنا لمانقا دوا ولا ادري ليه المدام قالت تبي تروح له .. ايه صح كنا شايفين شنط بخمسين الف واشكالهم حلوه .. قلنا ممكن ناخذ منهم .. المهم قلنا خل نجرب التوك توك .. وقالنا بثلاثين الف بيوصلنا وحنا قبل يومين رايحين مشي من قرب المسافه وقلت له بالخمسة عشر الف وانا زايده بس قلت مافيه مشكله عشان التجربه بس والا لو اني اخذت البلو بيرد بالعداد ماوصل ذا السعر المهم ركبنا

ووصلنا ولفينا المانقادوا سكوير ووالمانقا دوا الثاني وقلنا وين نروح؟؟؟ وين؟؟ وطلعنا اخذنا البلو بيرد وقلنا رجعنا للفندق.. قال اوكيه واول مامشى قالت لي المدام ساله عن الشاطى ؟؟ قلت له وين منطقة انشول؟؟ قال قريبه من هنا.. بكم توصلنا ؟؟ قال بعشرين الف تقريبا ورحنا .. الدخول الى المنطقة بفلوس.. ونزلنا عند المول الفاضي من الناس وطلعنا عالشاطى شوي

ورجعنا مشي

لين لقينا تاكسي يرجعنا الفندق
وقتها حسيت كان الناس بدت تجي للشاطى ... الظاهر ان حنا رايحين بدري على الساعه واحده الظهر المهم جالسنا فالفندق ماعندنا مكان نروح له وكان فيه عندهم همبرجر ضخم قلنا نطلبه كتجربه.. البوفيه كان ١٨٠الف بس طلبنا البرجر العملاق ب٤٥٥ الف

طبعا هذا الهمبرجر عملاق يكفي لاربعه الى ثمان اشخاص .. بس مش واضح حجمه الطبيعي في الصوره والا الصحن اللي هو فيه يكفي حق حبة دجاج مع رز هذا مثال عشان تتخيل حجم البرجر .. المهم قلنا بنطلع نروح احد المجمعات نلعب شوي .. طبعا كان القرار على مجمع تامان انجريك.. المجمع يبهرك قبل تدخل له من الشاشه الكبيره اللي مغطيه واجهة المجمع.. بس ماادري وين راحت الصور حقت المجمع.. دخلنا وللاسف مافيه العاب وطلعنا ورجعنا للفندق ..طلعت الطلعه بلوشي ...ورجعنا نرتب الاغراض ونستعد للرجوع للديره بعد سفره طويله حلوه جدا جدا

رائد بومريم · 26-02-2015, 02:26 AM

يوم الرجوع
طبعا نزلنا فطرنا في الفندق
وسلمنا الفندق

كنت ابغى اروح المطار بالبلوبيرد بس قالي موظف الفندق خذ من الوايت هورس او البلاك الهورس اللي واقفين هنا عند الفندق.. ترى هم نفس البلوبيرد .. على العداد .. قلت طيب .. واخذت منهم واحد ومشينا .. وعرفت انه اخذ طريق طويل .. قلت له ليه اخذت ذا الطريق الطويل ولفيت كل هذه اللفه ؟؟ قالي زحمه .. قلت له مافيه مشكله .. ليه مااسألتني قبل تسوي ذا الحركه ؟؟!!.. (لان التاكسي اللي قبله كانوا يسألوني .. تبغى ندخل في الزحمه والا نروح على الطريق الطويل؟؟ ) المهم مشينا ودخل عند بوابه وقالي ادفع للبوابه
قلت له انت اللي تدفع
قالي لا انت
قلت له ماقلت لي من قبل
قالي الكل عارف
قلت له انا مش عارف .. ادفع انت
دفع وهو متضايق ويوم وصلنا المطار طلب من زياده ..
قلت له العداد يقول 300 الف تقريبا او اكثر .. نسيت
قال لا ماعليك منه .. لازم تدفع زياده حق البوابه
قلت له مافيه غير اللي في العداد
واخذهم وقام يسب وماادري ويش يقول بلهجتهم
وانا اطالعه ومعطيه وضعيت الحقران يقطع المصران
ودخلنا المطار ولفينا شنطتنا اللي انقطعت من كثر الاغراض

وركبنا الطياره

ووصلنا مطار دبي

وبكذا انتهى هذا اليوم

رائد بومريم · 26-02-2015, 02:30 AM

يوم الوصول الى السعوديه

ومن مطار دبي الرائع ولحسن الحظ حصلنا بنز كوكيز فاتح .. اخذنا منه كوكيز
وانتظرنا الطياره بفارغ الصبر
واخيرا جاء الموعد

وزحمة اجانب

ووصلنا السعوديه وكان توهم محتفلين باليوم الوطني

ومن كثر الشوق والوله
لازم نرجع باقصى سرعه ممكنه الى البيت
الى الاهل والوالد والوالده

والى هنا النهايه

رائد بومريم · 26-02-2015, 02:47 AM

في نهاية التقرير احببت ان اقول الحمدلله على السلامه
وشكرا لكم
شكرا لمن تابعني
شكرا لمن ساعدني بالمعلومات
وشكرا لكم جميعا
وبخصوص من يسأل عن ايهما احسن ماليزيا او اندونيسيا
في الحقيقه لا ادري هل كان الذهاب الى اندونيسيا بعد ماليزيا وجعلها في سفره واحده قرار صائب ام خاطى لانه في اماكن في اندونيسيا قلت مش رايح لها لاني رحت وشفتها في ماليزيا هذا مما جعلني لا ارتاح ولا تعجبني اندونيسيا بقدر اعجابي في ماليزيا هل كان من المفروض ان اخصص اندونيسيا في سفره مخصصه واروح كل الاماكن عشان اقدر احكم على الدوله بانصاف .. على العموم انا اعترف.. انا لم انصف اندونيسيا .. فلذلك لا استطيع ان احكم بين الدولتين ولكن...
لو جعلناها في نقاط فستكون كالتالي
-تعامل الجوازات في اندونيسيا ضايقني وهذا شي لايوجد في ماليزيا
-وجدت اغلب التاكاسي في جاكرتا لايتكلم الانجليزيه او العربيه بعكس ماليزيا اللي يتقدر تسأل فيها سواق التاكسي عن الاماكن السياحيه
-الازدحام الشديد في اندونيسيا (نحن نتكمل عن 250 مليون نسمه) يجعل الاسواق الرخيصه لاتطاق والاسواق الغاليه خاليه تقريبا بعكس ماليزيا بالرغم من الازدحام فهي لاتصل الى زحمة اندونيسيا
-لاتستطيع الاستغناء عن سائق خاص في اندونيسيا وفي بالي بالذات بعكس ماليزيا فهناك تستطيع تأجير سياره او التكاسي موجودين بكثره
-الاماكن السياحيه في بالي غير موجوده في ماليزيا
-السكن رخيص في اندونيسيا اكثر من ماليزيا
-التسوق في اندونيسيا يعتبر ارخص من ماليزيا

هذا مااستطعت ان اذكره حاليا
وارجع واقول انا لست كفؤ ان اقارن بين الدولتين .. فهي الزياره الاولى لي لماليزيا واندونيسيا وبالطبع مازرت كل الاماكن ولا شفت مثل اللي راح اكثر من مره ولكن هذا اللي الله اعانني عليه واستطعت ان اضعه لكم

دمتم سالمين
دمتم بود
محبكم رائد بومريم

فيصل · 26-02-2015, 10:59 AM

كل الشكر لك علي التقرير ابومريم
لا قصرت حقيقه سلطت الضوء علي مواقع مهمه وملاحظات قيمه

AZIZMIX · 26-02-2015, 12:06 PM

يعطيك الف عافيه
تقرير مميز ل ماليزيا واندونيسيا
تفاصيل وسرد اكثر من رائع

انا سبق لي زرت الدولتين
وبكل امانه هناك اختلاف بينهم
بالسعر -- اندونيسيا ارخص
بالبنية التحتيه -- ماليزيا افضل
الانشطه -- بالي الافضل وبها انشطه كثيره جدا
الشواطي -- جميع الجزر شؤطها جميله لكن تبقى بالي الافضل بوجهة نظري
تعامل الشعب -- ربما الشعب الاندونيسي بشوش اكثر من الماليزي
الزحمه -- اندونيسيا ازحم بكثير وزحمتها لاتطاق خاصه بجاكرتا
الاجواء -- متقاربه

ابو مريم الف شكر لك ولتقرير الجميله
واعتذر على المداخله البسيطه
لك كل الود
وربي يحفظ لك بنتكـ

Turki1407 · 26-02-2015, 02:31 PM

الله يعطيك العافيه تقرير جميل عن بلدين رائعين

رائد بومريم · 27-02-2015, 06:18 AM

اقتباس : المشاركة الأصلية كتبت بواسطة فيصل

كل الشكر لك علي التقرير ابومريم
لا قصرت حقيقه سلطت الضوء علي مواقع مهمه وملاحظات قيمه

تسلم ياعزيزي

اقتباس : المشاركة الأصلية كتبت بواسطة AZIZMIX

يعطيك الف عافيه
تقرير مميز ل ماليزيا واندونيسيا
تفاصيل وسرد اكثر من رائع

انا سبق لي زرت الدولتين
وبكل امانه هناك اختلاف بينهم
بالسعر -- اندونيسيا ارخص
بالبنية التحتيه -- ماليزيا افضل
الانشطه -- بالي الافضل وبها انشطه كثيره جدا
الشواطي -- جميع الجزر شؤطها جميله لكن تبقى بالي الافضل بوجهة نظري
تعامل الشعب -- ربما الشعب الاندونيسي بشوش اكثر من الماليزي
الزحمه -- اندونيسيا ازحم بكثير وزحمتها لاتطاق خاصه بجاكرتا
الاجواء -- متقاربه

ابو مريم الف شكر لك ولتقرير الجميله
واعتذر على المداخله البسيطه
لك كل الود
وربي يحفظ لك بنتكـ

يعطيك العافيه
مداخله طيبه وانا استفدت منها واتفق معك فيها

اقتباس : المشاركة الأصلية كتبت بواسطة Turki1407

الله يعطيك العافيه تقرير جميل عن بلدين رائعين

الله يعافيك

سلطان500 · 27-02-2015, 03:14 PM

تقرير جداً رائع وممتع تاخرت في قرائته لظروف السفر وقراته دفعه واحده ولا حسيت بالملل كان جداً ممتع يعطيك العافيه وكان بودي انك ماتستعجل وترجع من الجبل لجاكرتا وتستمتع بالجبل اكثر والحمد لله الديره امان

أبو لمى · 28-02-2015, 01:51 PM

الحمد لله على السلامه ومشكور على التقرير الرائع

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلة الى اندونيسيا و ايضا ماليزيا ارجو الافادة	ابو الوليد	بوابة اندونيسيا	10	30-07-2019 02:29 AM
محتاج مساعدتكم بجدول 16 يوم ماليزيا و اندونيسيا	abdullah551	ماليزيا	15	06-12-2017 07:08 PM
ماليزيا+اندونيسيا 22يوم وصور بتقنية جديده (للتحدي)	رائد بومريم	ماليزيا	226	04-02-2016 06:24 AM
مقارنة بين ماليزيا و اندونيسيا	ali-333	بوابة اندونيسيا	28	02-07-2015 06:15 AM
التصوير بتقنية 360 درجة ببرنامج bubbli على الايفون (للتحدي)	رائد بومريم	بوابة الكاميرات	20	27-06-2015 01:55 AM