04-10-2016, 12:39 AM
|
#11 |
مسافر فعّال
تاريخ التسجيل : Jan 2015 رقم العضوية : 1004 الجنس : ذكر المشاركات : 1,093
| أوسـمـة: Fahd |
كل الاوسمة:2 (more»)
| | 
الــــــــــيـوم الثــــانــي:
استيقظنا صباحا وعلى بال مانسوي الفطور ماحد فوت جلسة البلكونات والجلسات الخارجية للفيلا. كما أسلفت كانت رحلة المنغروف والتلفريك من الأنشطة الرئيسية و اتفقنا في الليلة السابقة على الذهاب لرحلة المنغروف كأول نشاط (لأنه كان يوم سبت وتوقعنا زحمة عند التلفريك) ولم نحدد بقية الأنشطة لأن في بالنا الذهاب لكواه للسوبرماركت وشرايح التلفون وقلنا نشوف كيف الوقت معانا. ربما يلاحظ البعض في الأجزاء التالية قلة الأنشطة اليومية وهذا يعود لسببين, أولها عندنا وقت كافي لزيارة ما نريد وماله داعي نضغط على أنفسنا, والثاني الزيارة اللي تاخذ منكم ساعة كشباب أو كزوجين راح تاخذ ساعتين أو ثلاث فيما لو كنتم عائلة أو مجموعه كبيرة. وهذا أمر ينبغي أخذه في الإعتبار عند التخطيط للوقت المتوقع للزيارات والأنشطة.
شملت زياراتنا لليوم الثاني الأماكن التالية (المنغروف – قمة جبل رايا – مسجد الهناء وسوق لنكاوي فير, وكذلك مطعم الفيشاوي)
رحــــــلة الـــــــــــمــنــغـــروف
Mangrove Tour Langkawi-
Kilim Geoforest Park
# هناك مكانين لإنطلاق رحلات المنغروف البحرية, الأول في شرق الجزيرة يبعد حدود ثلث ساعه من كواه وقريب من حديقة الطيور وهو اللي رحناه, والثاني عند شاطيء التانجونج رهو Tanjung Rhu وهو كان اقرب لنا لكن ما عرفت عنه إلا بعدين لما زرت الشاطيء.
# في المكان اللي رحناه كان هناك مواقف مجانية قريبة وقبل ما احد ينزل من السيارات وعشان اتأكد من توفر الرحلات ذهبت لـ مكتب الإستقبال وسألتهم عن توفر الرحلات والسعر بالنسبة لعددنا (أعتقد أن العدد لايهم كثيرا لأنك بتاخذ مركب لحالك في كل الأحوال سواء كنتم 2 ولا 10) وقالوا هذي اللوحة قدامك (كان 350 رنقت لساعتين) .. قلت انا جاي بنفسي من دون تاكسي وهنا تهللت وجوههم لأن محد راح يشاركهم المقسوم واتفقنا على 250 رنقت لمدة ساعتين واعتقد لو كاسرتهم على أقل لوافقوا ..
# طبعا يعرضون عليك الأماكن اللي بتزورها لكن في الغالب تقدر تروح لها كلها لو بغيت أو ممكن تختار اللي يعجبك وبالترتيب اللي تشوفه.
# نقطة مهمة جدا: أغلبهم إن لم يكن كلهم مايهتمون بسترات النجاه life jackets, موجودة عندهم ولكن إذا ما طلبتها ما راح يطلعها, الله سبحانه وتعالى هو الحافظ ولكن الأخذ بالأسباب مهم. طلبت من العامل أن يزودنا بها وكانت حالتها حالة لكن العوض ولا القطيعه وما كان موجود مقاس للصغار لكن مشيت سعود بوحدة كبيرة.
# ماطولنا على بال ماجا المركب وقال ابوديكم على مزارع الأسماك أول قلت لا حنا نبغى نتغدى فيها خليها آخر شي وبالفعل توجهنا لكهف الخفافيش وكانت قريبة جدا على بعد دقائق من مكان انطلاق الرحلات.
# كان العامل المشغل للمركب عمره صغير بالكاد يجي 20 وغير متفاعل ولايتكلم إلا إذا سألته بينما اتذكر لما جيت في 2009 كان العامل مايسكت ويشرح عن كل شيء.
# كانت رسوم الدخول للكهف لاتذكر أو بدون رسوم إن ماخاب ظني وإنما 1 رنقت للكشاف إذا أردت استخدامه, والمسار مصمم بشكل دائري تدخل من جهة وتخرج من الثانية, طبعا في أجزاء من الكهف وبسبب قلة الأكسجين كانت الرائحه كريهة . يوجد لوحات تعليمية باللغة الانجليزية على طول المسار والتجربة ممتعه أكثر للصغار .
# توجهنا كذلك لكهف التماسيح (إسطوره) ومنطقة إطعام النسور (جميلة جدا للمصورين).
# توجهنا بعد ذلك للبحر المفتوح ومن الممكن أن يأخذ اللفة كاملة ويجي من الجهة الأخرى من التانجونج رهو ولكن ما راح يكفي الوقت
(الأخ الكريم AbdullahH له وجهة نظر عن هذه الجزئية وفصل عنها في موضوعه لمن أراد المزيد من التفاصيل).
# توجهنا في الأخير لـ مزارع الأسماك وهذي كانت متعه خيالية لسعود لأنه شاف سمكة "العباية" على قولته وقدر يلمسها ويتفاعل معها بشكل هستيري : )
# أكلنا في المطعم وكان طلبنا تقريبا كيلو روبيان وحدود 2 كيلو سمك مشوي (سمكتين من الحجم المتوسط) مع البطاطس والشوربة والسلطات والعصاير الطازجة وكان الحساب في حدود 450 رنقت وهو أغلى سعر دفعناه لوجبة واحدة هناك وبصراحة الوجبه اللهم لك الحمد كانت عادية والروبيان بالذات مو الشي اللي يحبه قلبك.
# كان باقي على انتهاء الساعتين حدود نص أو ثلت ساعه لما وصلنا لمزارع الأسماك واتفق العامل مع عمالة المطعم انهم يوصلونا بعد ما نخلص.
# وجهة نظر:قد تكون رحلة المنغروف مناسبة انك تروح لها مرة وحدة لكن بعد كذا اشوف التنويع أفضل في رحلات الجزر المحيطة بـ لنكاوي وراح تكون بنفس الأسعار تقريبا.
|
|  |
1114الاعجاب
العرض الشجري
المواضيع المتشابهه 
