طبعا بعد وجبة الغداء الخفيفه كانت بحدود اربعة وثلاثين يورور يابلاش والله كنت أتوقع انها أغلى من كذا المهم أخذت جولة سريعه في سنتر زيلامسي وتوجهت الى بحيرة زيلامسي



بعد البحيرة توجهت الى الفندق اول ماوصلت هناك ناداني المالك وجلست انا وياه على شرفة الفندق وقدم لي شاي وجالس يتكلم بالإنجليزي وصراحه ماكنت فاهم شي الا احس في كلامه ترحيب وسعاده سألني وش اسمك قلت اسمي نادر الا جالس يردد سعودي ارييبيا بيبول فيري نايس ردت عليه ثانيكو ثانيكو ورحت اضحك المهم دقه ميانه معي وطلع جواله وكانه حاس اني بجيب العيد في زيلامسي وفتح قوقل ترجمه صوتيه وشوفوا انواع الضحك ههههههه بعد ماسوالفنا بالقوقل هههه قام واحضر لي كتييب جدا جميل عّن زيلامسي بالعربي وجلس يكتب بقوقل اكتب العنوان واسم الشارع ورقم المنزل في ال gps ويطلع لك الموقع بالضبط
وكتبي لي بالترجمه جدا سعدت بمعرفتك من اول مارايتك ارتحت لك كثييرا شفت كلامه ابتسمت له وصافحته ومشيت


والحمدلله كان الموجه لي بعد الله و هالكتييب ايضا افادني كثير برحلتي بصور لكم بعض من الأماكن المهمه

للأسف المقدمة شققته البنت


هذا من الخلف



وميزت هالكتييب كل شي مسجل فيه الأسعار ونبذه عن المكان اللي تبي تروح له


هذي الخريطة كامله


في اليوم ( الثالث )

على الساعة 12الظهر ركبت السيارة وحطيت عنوان تلفريك وزحافات جبل بيبرغ في سالفلدن




هذا قبل الدخول



وطلعت التلفريك تقريبا بحدود عشر دقايق في قمة الجبل بعدها ركبت الزحافات وكانت رهيبه والله ولو اني بالبداية كنت قلق كيف اهدي وأسرع فيها وطلعت سهله وحماسيه ماودك تنزل منها فله صراحه هههههههه


https://vimeo.com/182017183

بعدها طلعت ورحت لنهر قريب من الفندق تصوير للسيارة هههههه



https://vimeo.com/182018104



https://vimeo.com/182018356

بعد التصوير رجعت زيلامسي وقفت في نفس الموقف ورحت امشي من عند المحطة وناظر في الناس اللي تعبي من المحطة هههههه ابي اعرف شلون طريقتهم كيف يعبون فضول ههههه بعدها رحت لمطعمي علي بابا اثنين في واحد غداء عشاء بعد ماطلعت مريت السوبر ماركت بيلا اخذت مويه وخفايف
وللأسف المويه طلعت غازيه ههههههه اول درس تعلمت منه كان طمعه مو حلو أبدا

نريح ونستكمل التقرير غدا ليله سعيده نبي تفاعل هههههههه



Sent from my iPhone using Tapatalk