مزرعة الفراولة - Walser Erdbeerparadies

fanda · 11-02-2015, 10:04 PM

[justify] [/justify][justify][/justify][justify][/justify][justify][/justify]
[justify]

مزرعة الفراولة - Walser Erdbeerparadies

[/justify]

في رحلتنا الاخيره للنمسا كانت لنا تجربة ممتعه ومميزه و هي قطف ثمار الفراولة الطازجه من المزرعة .

المزرعة تبعد عن وسط سالزبورغ حوالي 13 كم , احنا زرناها في طريقنا من ميونخ الى سالزبورغ لانها كانت على نفس الطريق .

نظام المزرعه انه تقطف الفراوله بنفسك وبعد ما تخلص يوزنونه وتدفع قيمته , ما اذكر السعر بالضبط بس ما كان غالي ابدا اقل من 5 يورو . وعندهم بعد فراولة مقطوف وجاهز للبيع ومربى فراولة وعصير فراولة كلهم للبيع.

المزعة تفتح في اوقات محدده جدا بين شهر 6 و 7 ميلادي فلازم قبل الزياره تتاكدون انها فاتحه او لا .

ونصيحه ... دخلو الى نهاية المزرعة راح تلاقون فراولة اكثر واكبر في الحجم لانه اكثر الزوار يبدون يقطفون من اول ما يدخلون فتلاقون الفراولة صغيره ما يمديها تكبر وكل ما دخلتوا داخل يكبر حجمها .

الاحداثيات ( من برنامج Koredoko )

N 47 46 20 .382

E 12 57 41 .981

العنوان

Baierlbauer
Walser Straße 12
5071 Wals bei Salzburg

Tel. 0043-(0)662-850085

Fax 0043-(0)662-850085 4

والحين اخليكم مع الصور

المدخل وشعار المزرعه وراح تشوفونه كثير منتشر في سالزبورغ على طول الشارع اكشاك تبيع فراولة

اول ما تدخلون تقدرون تاخذون سله تجمعو فيها الي تقطفونه اذا ما كان عندكم شي تحطون فيه .

مقطوف و جاهز للبيع

الكل مشغول بالقطف

حصيلة ريوم

حصيلتي

الي رايح سالزبورغ في الصيف وعنده ايام كافيه انصحه يزور المزرعه خصوصا اذا معاهم يهال وايد ممتعه الشغله بالنسبه لهم .

تحياتي

هاوية الاسفار · 12-02-2015, 12:58 AM

يا سلام احلى شيء أنكم تتمشون بين الحقول و الخضره و لو كانت الأشجار أطول بيكون بعد اروع و أكيد طعم الفراولة حلو مب مثل اللي عندنا
تسلمين على الموضوع الحلو مثل الفراولة

Azzam · 12-02-2015, 01:07 AM

يعطيك العافية يا ام ريم ........ تقرير مميز كصاحبته

عبودي · 12-02-2015, 09:07 AM

مشكورة اختي ....

وصولي 23/5 مايو ان شاءالله لـ سالزبورغ و راح اجلس ثلاث ايام .. تتوقعي راح احصلها مفتوحة ؟؟

وهل هي مفتوحة طوال ايام الاسبوع ؟

fanda · 13-02-2015, 10:52 AM

اقتباس:
المشاركة الأصلية كتبت بواسطة عبودي
مشكورة اختي ....

وصولي 23/5 مايو ان شاءالله لـ سالزبورغ و راح اجلس ثلاث ايام .. تتوقعي راح احصلها مفتوحة ؟؟

وهل هي مفتوحة طوال ايام الاسبوع ؟

المزرعة تفتح في اشهر محدده جدا يعتمد على الطقس وقتها . في هذي الاشهر تكون فاتحه يوميا من الساعه 9 الصبح حتى 7 المساء

هذا هو رابط المزرعه وممكن عن طريقة تتاكد من اذا كانت فاتحه او لا او ممكن تراسلهم قبل الزياره عشان التاكد.

http://www.walsererdbeerparadies.at/

للان ما تم تحديث المعلومات عن وقت الافتتاح لعام 2015.

fanda · 13-02-2015, 10:46 AM

اقتباس:
المشاركة الأصلية كتبت بواسطة هاوية الاسفار

يا سلام احلى شيء أنكم تتمشون بين الحقول و الخضره و لو كانت الأشجار أطول بيكون بعد اروع و أكيد طعم الفراولة حلو مب مثل اللي عندنا

تسلمين على الموضوع الحلو مثل الفراولة

تجربة حلوه كانت للكبار والصغار
الفراولة كانت صغيره توقعتها مب ناضجه بس طلع الطعم جدا لذيذ

اقتباس:
المشاركة الأصلية كتبت بواسطة Azzam
يعطيك العافية يا ام ريم ........ تقرير مميز كصاحبته

الله يعافيك
شكرا لك

وجهات أوروبية · 13-02-2015, 03:05 PM

ماشاء الله المكان جميل جدا
والفراوله كفايه انها شكلها حلوو واقطفها احلى

دائما مبدعه مشرفتنا ام ريم

فيصل · 13-02-2015, 04:25 PM

شكرا لك ام ريم والله يحفظها لك
أحسها نفس ما تفضلتي ممتعه للصغار أكثر
وتشكرين علي النصيحه الذهاب لآخر المرزعه

hajaya · 13-02-2015, 08:45 PM

فكره حلوه
لمن يزور تلك البلاد
تسلمي ام ريم ..ومنظر الفراوله رائئئئئع ....بس اللي عندهم اكييييييد مش مهرمنه .!!!....زي اللي عندنا ....شو رايك ؟

fanda · 14-02-2015, 08:32 AM

اقتباس:
المشاركة الأصلية كتبت بواسطة hajaya
فكره حلوه
لمن يزور تلك البلاد
تسلمي ام ريم ..ومنظر الفراوله رائئئئئع ....بس اللي عندهم اكييييييد مش مهرمنه .!!!....زي اللي عندنا ....شو رايك ؟

فكرة حلوه نفتدها في بلدانا
ما فهمت شنو معنى مهرمنة ؟؟!!

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تجربة السكن في مزرعة weissenhof in lenngries --بقلم /ommalik1985	فريق التطوير	بوابة المانيا	6	10-06-2019 01:57 AM
الورد و الفراولة و الشكولاته .. كلُ على كلُ عسل ... مرتفعات جنتق	أبوعبدالله (الاسفار )	بوابة ماليزيا	22	08-07-2018 05:44 PM
في مزرعة صديقي (اطيب مندي بحياتي )	طارق عنايات	هايكنق و رحلات برية	82	02-11-2015 09:15 AM