3 ايام سلانجور ( شقة فندفية جناح اكابيلا)
4 ايام بينانج ( جولدن ساندن غرفتين مطلة)
3 ايام لانكاوي ( ميريتوس الورطة والحمد لله)
2 يوم جوهر لان واعدة البزورة والرحلة عشانهم والله عالم متي الواحد بيرجع يروح ( اختك لها 3 سنين توعدهم وتاجل ) ( شقة فندقية سومسريت مديني نورجسايا)
6 ايام كوالالمبور منها يوم لجنتغ والقرية ( شقة فندقية اسكوت)



ياهلا بام حسن وأبو حسن خليتوني افتح الوورد في جهازي وابدا اكتبلكم
هذا اخر ترتيب وصلتوله والأفضل تثبتوا عليه من وجه نظري
وجنتنق و الحديقه الفرنسيه روحوها بسياره خاصه بمبلغ 350 رينجت
والله يعينك يا ام حسن على فك الشنط وترتيبها


دحين ببدا اكتب ملاحظاتي على الأماكن اللي اعرفها وتبغوا تروحوها

عموما لانكاوي ما رحتها بس من اللي قريته المميز فيها التلفريك وشفت صور كثيره للمكان ضروري تزوروه

ورحله المانغروف يقولوا تكفي عن باقي الرحلات البحريه

وسابق السيارات
عموما اللي معروف عن الجزيره انها جزيره رومانسيه خففوا الانشطه واستمتعوا بالبحر وخلوا الوقت للاسترخاء
عندهم الشلالات في لانكاوي بس من اللي قريته ان طريقها متعب
بس الانشطه البحريه في بينانق ارخص


19 - التوجه الى سلانجور والدخول للفندق للراحة (تاكسي )
20 - ملاهي صنواي لاقون + التمشية بمجمع البراميد والعشاء والعودة للفندق
21 - كيدزانيا + الماينز + اي ستي او الفراشات المضئية او مطعم برج كومتار


19 يوافق يوم خميس طبعا اليوم رايح عليكم رايح بسبب الوصول المتأخر

يوم الجمعه 20( سن وي لاقون والاي سيتي )

من وجهه نظري ممكن تزور صن وي لاقون طبعا تأكد انك تشتري التذاكر اون لاين لانها ارخص بكثير

الاون لاين ب 120 للبالغ و 97 للطفل على ما اعتقد
لكن من كاونتر البيع ب 150 البالغ الطفل ب 120

والموقع الرسمي لصن وي دايما يسوي عروض بس حاليا كلها عن 2016 لازم نستنى كم يوم وبشيك لكم من موقعهم

وكمان في ناس بيشتروا التذاكر من اسيا ترافلر البالغ على ما اعتقد ب 90 والطفل ب 70 بس مو دائما متوفره

بس لازم تتاكد من الشروط لان بعض التذاكر لا يمكن استخدامها الا بعد أسبوع عمل

أوقات من 10 الصباح الى 6 المسا من وجهه نظري ريحوا ساعه وروحوا الاي سيتي لانكم تبغوا تخلوا الاي سيتي اخر يوم ممكن تتأخروا ويضيع عليكم اليوم اللي بعده في بينانق

والاي سيتي افضل وقت بعد 6 المسا

انا اتكلمت في تقريري عن الاي سيتي في يوم 6 نوفمبر اذا حابه تعرفوا معلومات اكثر


الشي الثاني كيدزانيا قريبه من كوالالمبور في الأعلى والماينز وندرلاند في الأسفل للشرق والاي سيتي في جهه للغرب

صعب جدا تتنقلوا كل هذي الأماكن في يوم واحد


الماينز وندرلاند المميز فيه الرحله النهريه

https://www.google.com.sa/maps/place...85!4d101.71649

كيدزانيا
مغلقه يوم الاثنين
من الاحد للجمعه من 10 الصباح الى 5 المسا
السبت من 10 الى 7 المسا
يعني لو رحتيها يوم 21 ثالث يوم في سيلانجور حيكون مره تمام
بس ارجعي بدري وقضي اليوم في مول سن وي لاقون
او خلي زيارتها من كوالالمبور

ويصير تروحي بوترجايا اذا انت تبغي تروحيها لانها اقرب لسيلانجور
وفيها انشطه كثيره
وفيها رحله بحريه وتقضي باقي اليوم في مول البراميد

اسعارهم على حسب الاعمار

الرضيع لعمر السنه مجاني

والاسعار تختلف اذا بتشتريها اون لاين ولا من نفس المكان

من عمر 2 الى 3
اون لاين ب 36.90 من الكاونتر 41

من عمر 4 الى17

اون لاين ب76.50 من الكاونتر 85
من عمر 18 الى 59
اون لاين ب 36.90 من الكاونتر 41
عموما شيلوا صور من الجوازات من باب الاحتياط

https://www.kidzania.com.my/admissions/entrance-fee/

https://www.google.com.sa/maps/place...6!4d101.613771

ترى المولات تفتح من 10 الصباح 10 المسا بستثناء السينما


22 - مغادرة الفندق والتوجه الى بينانغ ( باص )
22 - الوصول للفندق والستكشاف المنطقة والراحة
23ر- باص الهوب هوب + منتزه ايكو سكيب ثم العودة للفندق
24 - محتار بين هذي الاماكن ( القطار والشلالات والهضبة وادفنشر زون وحديقة تامنيك بردانا )
25 - البقاء في المنتجع والاسترخاء والسباحة والالعاب البحرية )


22 يوم احد استكشفي المكان ممكن تسووا الانشطه البحريه اذا الجو مناسب وطبعا لازم تتمشوا في السوق الليلي بس لا تشتري شي منهم البضاعه مقلده تقليد سيء والاسعار مبالغ فيها
او مثلا تودي الأطفال ادفنشر زون وبما انكم ساكنين في قولدن ساندس شانغريلا

Children: MYR 48 nett for half-day package, or MYR 24 nett per two-hour session
الطفل ب 48 رينجت لنص يوم
او 24 رينجت لساعتين
ويفتح من 10 الصباح الى 7 المسا
Luxury Hotel in Penang - Golden Sands Resort, Penang

https://www.google.com.sa/maps/place...!4d100.2512902

باقي الأيام عندك خيارات كثيره لا تنسي تزوري حدائق الفواكه والتوابل والفراشات لانها اتجددت وافضل من اللي في كوالالمبور
عموما باص الهوب اوف هوب اون انا كنت متحمسه له بس بعد تفكير بسيط والاطلاع على الخريطه من الموقع الباص مثلا ما يودي لحديقه الفواكه ولازم تستخدمي تاكسي لان الباصات العامه ماتودي كمان

متحف البيت المقلوب والخدع ما يمديك تروحيه بالباص يعني حتوقفي في برج كومتار ومن هناك تروحي مشي او باوبر

والمبلغ مو بسيط اذا ماتعرف السعر

الباص لمده 24 ساعه بس الاستخدام الفعلي 12 ساعه فقط لان الباص يتوقف في الليل
البالغ ب 40 والطفل ب 19
وغالبا يومك يروح في أماكن جنب بعض وما حتحتاجي الباص كثير وماحتلحقي تروحي كل الأماكن

اما اذا انت حابه الموضوع كتجربه فاحس المميز فيه ان الباص مفتوح من فوق
بس لا تنسوا الجو يا مطر وصعب تستخدموه او الجو شمس وما حتستمتعوا في الجهه المفتوحه

يعني بتدفعوا تقريبا 140 وممكن التكلفه باوبر جدا بسيطه

هذي مجرد وجه نظر بعد ماوصلت ماليزيا كنسلت الباص


Penang Hop-On Hop-Off Official Website


في مكان جميل أتوقع الأطفال بينبسطوا فيه انا للامانه مارحته بسبب ان الطريق اتقفل
اللي هو متحف فيه جميع شخصيات الكرتون

الهضبه جميله وموجود فيها القطار لانكم بتصعدوا لها عن طريقه وان شاء الله بنزل معلوماتها في تقريري خلال الأيام الجاي

الشلالات بسبب الجو ماقدرت اروحها ودحين جدا ندمانه

صعب تسافري لأول مره وماتشوفي شلال حقيقي

Botanical Garden
تفتح من 5 الصباح الى 8 المسا
وهيا قريبه من الهضبه حق كم دقيقه بالسياره انا ما رحتها بس عندي معلوماتها من قوقل ممكن تزوروها قبل ماتروحوا الهضبه
https://www.google.com.sa/maps/place...!4d100.2666646

30 - الوصول للفندق والذهاب الى(.................) المكوث بالفندق الى يوم 4 - 2 - 2017

الحين بقلكم الاماكن اللي نفكر بزيارتها
حديقة الطيور والقبة الفلكية و عالم البحار و ملاهي التايمز سكوير ومنارة كوالالمبور للعشاء في المطعم حديقة البرجين والنافورة الراقصة و رحلة لجنتغ لركوب التلفريك والمدينة الفرنسية ورحلة البطة
الاسواق ( ابغي اهم سوقين في ماليزيا يكونوا منوعين فيهم ترفيه وتسوق واسعارهم طيبه )
وان في اماكن اخرى لامانع
اذا يوجد احد يعرف اسعار الدخول للاماكن خصوصا اني قرات ان الاسعار اتغيرت
ارجو من الجميع الاسهام بتصميم الرحلة واتقبل جميع الافكار والاراء وتقبلوا خالص شكري

حديقه الطيور والقبه الفلكيه ذكرتها في تقريري وفيه جميع المعلومات والاسعار

عالم البحار اللي هو الاكواريوم

مناره كوالالمبور العشا او الغدا على كلام صحبتي لازم الحجز المبكر واسعارهم مرتفعه جدا للعشا

طبعا انت تقصدي المطعم الدوار

•
Lunch Buffet ( Mon - Sun, 11:30am - 01:00pm)
• Lunch Buffet ( Mon - Sun, 1:30pm - 03:00pm)
• Afternoon Tea ( Mon - Fri, 03:30pm - 05:30pm)
• Hi-Tea ( Sat, Sun & Public Holidays, 03:30pm - 05:30pm)
• Dinner Buffet ( Mon - Sun, 06:30pm - 08:30pm)
• Dinner Buffet ( Mon - Sun, 09:00pm - 11:00pm)


هذي الأوقات
كل يوم
الغدا له وقتين من 11 ونص الى 1 الظهر
من 1ونص الى 3

السعر الشخص ب 97.30

وعندهم شي اسمه
افتر نون تي من يوم الاثنين للجمعه من الساعه 3ونص الى 5ونص
سعره 63.95
وعندهم شي اسمه
هاي تي يوم السبت والأحد من 3ونص الى خمسه ونص

74.95 سعره

العشا
كل يوم
له وقتين
من 6 ونص الى 8 ونص
ومن 9 الى 11

218.30 السعر ب

ما انتهى الموضوع هنا

اذاحابه الطاوله تكون مطله لها سعرمعين

RM25 للغدا
للوجبه حق الشاهي ب 25 رينجت
للعشا ب 50 رينجت

صراحه في الأخير ماتدري اكلهم يستاهل او لا

وماتدري الأطفال نفس الأسعار او المطعم للكبار فقط
عموما اذا ماعندك مشكله في الأسعار اتواصلي معاهم واتاكدي
Atmosphere 360


مدري اذا تبغوا تزوروا المناره او لا

هذي اسعارهم اللي بالاحمر هيا للأجانب
بس الشي المميز عندهم اللي هو تستخدمي المنظار
او تطلعي لاعلى مكان
او الغرفه الزجاجيه

اما الاكواريوم والحديقه وباقي الأشياء وقت البحث ما كان فيها شي مميز وانا للامانه مارحتها بس كنت مسويه بحث عنها وام جسومي زارتها
https://www.menarakl.com.my/mobile/tickets.html
اذا محتاجه شي اترجمه قوليلي

النافوره الراقصه جميله جدا واحلى وقت في الليل هيا عند سوريا كي ال سي سي
الاكواريوم كل يوم من الساعه 10 الى 8 المسا اخر دخول الساعه 7 المسا

عندهم أوقات مختلفه لتغذيه

زي القرش وكذا

الأسعار للبالغين 64 والأطفال 53

كمان في حديقه الحيوان جميله جدا الأخت دينا زارتها مع اطفالها واستمتعوا فيها
اذا حابه أي معلومات عنها كلميني


رحله البطه اللي بتتكلموا عنها ما اعرف شي عنها ياريت توضحولي اش هيا

في النهايه اذا في مكان من اللي ذكرته لكم وما كان في بالك
وتبغوا معلوماته كلموني


واي شي تبغوني ابحثلكم عنه خبروني بس وابشروا

تسلمي اختي ليمو ماقصرتي وجزاك الله الف خير تعبتك معاي
ترا انا حاطه ببالي الاماكن اروح لعا بالتساهيل تعرفي مع الاطفال الوحده ماتقدر تلتزم بالجدول ابد
كويس قلتي لي علي باص بينانغ فعلا مايسوي اروح له بكنسله وبجرب حق كوالالمبور
عاد مطعم المنارة مااتوقع اروح له اصلا لو تشوفي الصغير اللي عندي ايش يسوي في جدة فبالتالي قلتلابوحسن نكنسله ممكن نطلع المنارة وبس لانه اشوف صعبه شي مااعرف ايش نوع الاكل واغامر خصوصا بعد تجربة ام جسومي ببرج كومتار ممكن ناخذ قهوة من عندهم او سناك وطبعا وذا راجع للحبيب الصغير ومدي روقانه

جاني اقتراح انو نستاجر سيارة في لانكاوي هو حلو واريح ولو قلت لها ل ابو حسن بيفرح لو عرف انه سهل استىجار سيارة بس لا يااختي ماني ناقصه يضيع اليوم خليها تاكسي اريح ولعدين هو مسكين لازم كمان يريح من السواقه

وباذن الله ان جا في بالي سوال بحطه هنا واشاورك
لاتستغربوا ممكن قبل الرجله بيوم تلاقوني حاطه سوال عاد تحملوني وباذن الله ارجع لكم بتقرير محترم

ارسلي السناب شات حق المنتدي اخلي ابوحسن يعملكم بث مباشر من هناك باذن الله
لاتقوليً شحم مااطيقه كويس نبهتيني
صدقتي البزورة هم اللي ينخاف مايتقبلوا اي شي
اصبري عليا بس اخلص ترتيب الشنط وبنزل الاستفسارات لان جا في بالي كذا سوال
لو اقدر اعطيك رقمي واتواصل معاك بس مااعرف الطريقه

ام حسن افتكرت شي اكيد حتتسوقي في كوالالمبور
اذا انت تحبي مكياج ماك mac الاسعار في ماليزيا ارخص من السعوديه وفي فرق جامد