بشششر ي ابو حسن اش صار على مخطط الرحلة حقك ؟؟!!


نصييحه انك تروح لـ جوهر بهارو وسنغافوره

( احلى مكانين للترفيه للاطفال وحيناسبوا اعمار اولادك .. )

جوهر بهارو اسكنوا في فندق الليغو
وسنغافورة اسكنوا في فندق المارينا باي ساندس اذا تبغى تجربه ماحصلتش ..


اما لانكاوي مدام حجزتوا غير مسترد فتوكل على الله وروح لها وكنسل بينانغ من الخطه

لانه الاثنين نفس بعض تقريبا فيهم بحر وانشطه بحريه ..


ما ادري ماكتبت ميزانيه الرحله ؟!!

المهم حاول انك تختار اختيار ذكي في الفنادق ،، يعني لا تروح فلوسكم كلها على الفنادق اللي حتستخدموها للنوم فقط ..

استفيد من المبالغ في ترفيهكم وبخصوص انه عندك اولاد كبار فحيحتاجوا صرفيه شويه زياده

يعني كوالا لا تاخذ شيء غالي لانكم حتقضوها تسوق برا الفندق ..
سيلانجور برضوا لاتاخذوا غالي مرا
لانكاوي خذوا اغلى شيء عشان حيكون كل الوقت استجمام واسترخاء ف الفندق والانشطه البحريه

جوهر بهارو فندق الليغو

سنغافوره المارينا باي ( يعتبر غالي ويستاهل التجربه )
من نصيحه اقارب ليا / يقولوا لو رحت سنغافورة وماسكنت في المارينا اعتبر نفسك مارحت سنغافورة

بس مو شرط انت شوف ميزانيتك كيف تسمح ولا لا ..!!


المهم انا ندمت اني رحت بينانغ وسيبت سنغافوره الجميله