السلام عليكم ورحمه الله وبركاته

اريد السفر الى تركيا في شهر يناير من يوم 12يناير الى 22يناير
وش المدن المقترحه الي تنصحوني اروحها
العدد زوجين وطفله
وهل تنصحوني احجز من مكتب ولا عن طريق بوكنق

شكرا ع اقتراحك انتظر رايي البقيه

انا سافرت بشهر يناير
من سنه ونص .. البرد كان مش طبيعي خصوصا بالليل مع ثلوج
كنا ندور اي مكان فيه شوية شمس من البرد

بدون مبالغة بالليل وصلت درجة الحرارة 7 تحت الصفر تاريخ 8 يناير .. بس للأمانة الثلج جميل والتجربة حلوة

يعني لو تكثفون باللبس خصوصا ان معاكم طفلة ما راح تعانون بأذن الله

بالنسبة لي كنت بروح بورصا بس قالولي ان صعبة بالعبارة لأن الموج كان عالي
فخفت خصوصا ان انا بديرة غربة وما ادري لو رحت شلون برجع

اما اسطنبول رائعة بالشتاء جدا جدا جداااااا بس مثل ماقلت سابقا ان البرد بيكون عائق بسيط

احجزوا الفندق قبل لا تطلعون من ديرتكم واخذوا العنوان بالضبط وبس توصلون اخذوا وسيلة المواصلات المناسبة للعنوان
وافضل منطقة بنظري ( شيشلي ) جنب تقسيم وهادية جدا

وبالتوفيق ورحلة سعيدة بإذن الله

العام الماضي كنت برأس السنة بإسطنبول


الجو بااارد لكن اذا أخذتوا احتياطكم مايعيق

اهم شي اول ماتوصلون اشتروا من هناك بوتات للثلج لان المشي بيكون متعب اذا شوزاتكم عادية او رياضية


والجاكيتات المخصصة للثلج او المطر ضرورية

ولا تنسين الأدوية للاحتياط خاصة ان معكم طفل

مضاد
خافض حرارة
فيتامين سي
قطرة للأنف او بخاخ

وان شاء الله تستمتعون

انا افضل السكن في بايزيد بالنسبة لي انسب مكان

اسطنبول رااااائعه بالشتاء
الجو بارد يحتاج لَبْس ثقيل وبالنسبه للطفلة اذا تحتاج عربيه يفضّل تأخذين كفر بلاستيك لعربيتها تعزلها بالإمطار وبنفس الوقت تخفف شوي من بروده الجو
بورصه مناسبه بهالوقت تطلعون لجبل الالوداغ وتتمشون فيها تكفيها يومين الى ثلاثه
الحجز برأيي بوكينج حلو الا بحاله حصلتو الأسعار اقل بمكتب ممكن تأخذون منه

ربي يعطيكم العافيه ع ردوودكم
وربي فرحت لمن شفت تفاعلكم لانه بجد احس اني بسافر
لاول مره واحس بخوف وتردد
المهم انا غيرت موعد الرحله ل 5 ديسمبر
لمده عشره ايام
ايش رايكم بذا الشهر هل هو اقل بردوه من يناير
وايضا اذا عندكم خرائط لترام والمترو والباصات
ارسلوها لي والله يجزيكم خيير

انا كلمت مكتب قالي يبي اليوميه ب 100 دولار في اسطنبول
وفي بورصه ب 150 دولار اليوميه
والذهاب والعوده من المطار 50 دولار ذهاب و 50 دولار رجوع للمطار
الذهاب والعوده من البورصه الاجمالي 325 دولار

احس الاسعار مره مبالغ فيها

وش تنصحوني ؟؟