X سُعداء بتواجدكم بيننا ونتمنى لكم قضاء وقت ممتع ، نأمل منكم زيارة صفحة شروط الإستخدام ، تفضلوا مشكورين بالتسجيل*** اضغط هنا *** لإثراء الجميع بخبراتكم السياحية
Loading...





عدد المعجبين2279الاعجاب
إضافة رد
 
LinkBack أدوات الموضوع انواع عرض الموضوع
قديم 11-01-2017, 09:30 AM   #311

عضو قدير

الصورة الرمزية قصة حب
 
تاريخ التسجيل :  Dec 2014
رقم العضوية : 140
الدولة : الكويت - ديرة الخير
الجنس : انثى
المشاركات : 3,454



أوسـمـة: قصة حب

كل الاوسمة:1 (more»)
افتراضي




والله موقف رهيب لو مشى عنكم سايق الباص بس المفروض ماتسكتون دام متفقين معاه يعوضكم لازم يلتزم

ذا بيكري لو يدري عن الدعاية اللي مسويتها جان عشاكم ببلاش

التحف اللي بغيتي تاخذين منهم حلوين بس صج خوفج ينكسرون وسعرهم مب هين

ماقيمتي لنا المطعم اللي تعشيتو فيه؟؟؟
والله كنا على أعصابنا
خفنا يمشي عنا ومافي تكاسي هناك
ما سكتنا عنه بس هو خايف من المكتب واكيد نسعان يبي يرجع بيته
هو طول الطريق وهو يسوق نايم

انا المفروض ماليزيا بكبرها تعطينا تذاكر مجانية لي ولعائلتي الصغيرة مجانا لمجة 5 سنوات

طالما قلت مطعمنا المفصل عيني حلو

الأكل لذيذ والشبس عندهم خطير غير عن كل المطاعم

طلبي صح واختاري مكونات طبقك بكل دقة وشوفي الطعم اللذيذ

اتمنى لك سفرة موفقة ما باقي شي وتسافرون

 

توقيع : قصة حب

كل إنسآن سيـكون يومـآ مجرد .. ذكـرى ! أمنيتــي أن أكون .. { ذكـرى بيضآء } في قلوبكـ

نقره لعرض الصورة في صفحة مستقلة



لا تغير طبعك لترضيهم ، لاتبدل صوتك لتعجبهم ، لا تخالف مبدأك لتوافقهم ، لا تتصنع لتنال رضاهم
أنت لك بصمة ، عش بما يرضي ربك ، ثم يرضيك ويرضى طموحك
قصة حب غير متواجد حالياً   رد مع اقتباس
قديم 11-01-2017, 10:35 AM   #312

مسافر جديد

 
 
تاريخ التسجيل :  Jan 2017
رقم العضوية : 13615
الجنس : ذكر
المشاركات : 53



افتراضي


تقرير رائع وجاري تسجيل الملاحظات للوجهه القادمه ماليزيا

 


التعديل الأخير تم بواسطة Ahmed86 ; 11-01-2017 الساعة 12:10 PM
Ahmed86 غير متواجد حالياً   رد مع اقتباس
قديم 11-01-2017, 10:41 AM   #313

عضو قدير

الصورة الرمزية قصة حب
 
تاريخ التسجيل :  Dec 2014
رقم العضوية : 140
الدولة : الكويت - ديرة الخير
الجنس : انثى
المشاركات : 3,454



أوسـمـة: قصة حب

كل الاوسمة:1 (more»)
Talking



تسلمي حبيبتي سفرنا باذن الله يوم 19 يناير يعني بعد اسبوع باذن الله
وراح نسكن بشقق اسكوت اللي قريب البرجين جنب فندق ماندرين
الله يسهل عليكم ان شاء الله
لا تحاتين اللي باقي من التقرير مو وايد




عادي حبيبتي براحتك التقرير اصلا وقت مااكون فاضية بالسفرة بقعد اكمل قرات التقارير في المنتدى صار المنتدى يومي ادخلي لا ارديا

حياك الله





ما شاء الله نقلت روعة المكان بصور رائعة عشنا معك أجواء جنتنج الباردة

مزرعة الفراولة أراها من خلال صورك إنها أفضل من مزارع الفراولة في الكاميرون هايلاند من حيث الترتيب وكثرة الأقسام فيها بالرغم من تشابه بعض الأشياء فيهما مثل إضافة حديقة زهور بها وعمل مجسمات دببة الباندا

أرى من وجهة نظري إنه يحتاج على الأقل السكن ليلة واحدة في جنتج لتغطية مزرعة الفراولة وركوب التلفريك والاستمتاع بالأجواء الباردة وفي اليوم التالي مغادرة الفندق وزيارة القرية الفرنسية ثم الرجوع لفندق كوالا .. فهل توافقينني على ذلك أم لا ؟؟

واصلي إبداعك مشرفتنا فكل الإثارة والمتعة موجودة في تقارير الملكة

تسلم ما قصرت على هالكلام الحلو
جنتق حلوة بس لو تفتح الألعاب الحارجية تصير نااااااااااااااااااار
انا جربت السكن في جنتق سنة 2011 في فندق أوانا
3 ايام عشان الألعاب الخارجية
كنا جدا مبسوطين كل يوم نطلع بالتفريك من الصبح ونرجع الساعه 12 بالليل

احترم رأيك وبقوة
لكن الآن فما اشوف ماله داعي السكن بجنتق
لو عائلة صغيرة وعندكم وقت للمبيت بجنتق فليش لا !
كل انسان يخطط رحلته حسب راحته

شكرا شكرا ان شاء الله نكمل اليوم
تابع ولا تباعد ،،،،،،،




السواق الله يعينكم عليه


3 ساعات ونص مو سهله صراحه تروح عليكم

مزرعه الفراوله بما أنها مطوره مش خساره زياده سعر التذكر والتذكره رمزيه


صراحه سعر التلفريك أعتبره رمزي جدا مناسب


علي فكره متي ينتهي تطوير جنتنغ


مشكله هالسائق واذا خصمت أو اشتكيت يعطيك الفيس


عاد بيروح ويخليكم تخيلي صارت والله مشكله كبيره

شفت السايق عجيب وينرفز
الوقت اللي ضاع كثير
والحمد لله عدت على خير لكن كنا على أعصابنا

سعر المزرعة والتلفريك لا يزال معقول ورمزي
ان شاء الله ما يزيد لما تفتح الألعاب الجديدة بجنتق

فعلا احنا كنا نحاتي لو راح اشلون نرجع كلنا
لكن الحمد لله

 

توقيع : قصة حب

كل إنسآن سيـكون يومـآ مجرد .. ذكـرى ! أمنيتــي أن أكون .. { ذكـرى بيضآء } في قلوبكـ

نقره لعرض الصورة في صفحة مستقلة



لا تغير طبعك لترضيهم ، لاتبدل صوتك لتعجبهم ، لا تخالف مبدأك لتوافقهم ، لا تتصنع لتنال رضاهم
أنت لك بصمة ، عش بما يرضي ربك ، ثم يرضيك ويرضى طموحك
قصة حب غير متواجد حالياً   رد مع اقتباس
قديم 11-01-2017, 11:51 AM   #314

مراقبة العرب المسافرون

الصورة الرمزية الايمان
 
تاريخ التسجيل :  Dec 2014
رقم العضوية : 331
الدولة : الكويت
الجنس : انثى
المشاركات : 11,751



أوسـمـة: الايمان

كل الاوسمة:1 (more»)
افتراضي


يوم كله نشاط وركض
حديقة الفراوله تهبل والالوان عجيبة
اما التلفريك لما ركبناه اخترب وعلق فينا واحنا فوق بعد فترة يالله شغلوه
الاكل شكله لذيذ عليكم بالعافية

 

الايمان غير متواجد حالياً   رد مع اقتباس
قديم 11-01-2017, 01:47 PM   #315

عضو قدير

الصورة الرمزية قصة حب
 
تاريخ التسجيل :  Dec 2014
رقم العضوية : 140
الدولة : الكويت - ديرة الخير
الجنس : انثى
المشاركات : 3,454



أوسـمـة: قصة حب

كل الاوسمة:1 (more»)
افتراضي


بعد ما أصبحنا على خير ونعمة





درجة الحرارة




نزلنا للريوق وشبعنا الحمد لله







اتفقنا اليوم للتسوووووووووووووووووووووووووووووق

اخذنا تكسي من اللي واقفين عند باب الفندق
والسعر بالمتر ( عداد )

واخترنا التايمز سكوير مول



بالطريق شفت هالمكان والبالونات طالعة من الدريشة تونس
كافيه





يمدحون البارك رويال ان شاء الله اجربه السفرة القادمة




التايمز سكوير
بضاعته منوعة بين الغالي والمعتدل
وكل شي فيه
هالمول عمري ما خلصت كل الأدوار اللي فيه
ما شاء الله كبير ويبيله لياقة كبيرة






وشفنا الحب الكبير Bread Story

المعجنات عنده شي عجيب ولذيذ
كنا نشتري منه بلنكاوي موجود في الميناء Jetty Point
سبق وذكرته بتقريري للسفرة الثانية




كنت اصور والا تنط وحدة من العاملات ممنوع التصوير
حسافة ضاق خلقي
ما شبعت تصوير بالمحل






وهذه لقطات من التايمز سكوير

اول ما دخلت كنت اصور بعدين تعبت ومالي خلق نفسي
ههههههههههه
يا زين السوق زيناه




شرينا هالجناط طبعا تقليد
لكن مهما تحطين فيها اغراض خفيفة
اتهبل
سعرها 70 رينجت



من هذا المحل




هالمحل بضاعته حلوة - تلاقونه بالدور الأرضي





البنيات الصغار اشتروا كفرات للأي فون
سعر الواحد 25 لكنهم خذوا 5 عطاهم الواحد ب 18





ولازم تصبيرة من ( انتي آن )






وقضينا فيه تقريبا يوم كامل لما هلكنا

ورجعنا الفندق نريح شوي ونطلع نتعشى
لكن نص الفريق قعد بالفندق والنص الثاني طلعوا يدورون مطعم بالبافليون


انا طبعا من الفريق اللي قعد بالفندق لأن خلاص ريولي ما تشيلني

وطلبنا من الفندق عشاء
وقعدنا عند اختي بغرفتها

وكان هذا المقسوم

الطاولة كشخة اشحلاتها
يابها العامل للغرفة
وفتحها من الأجناب وصارت كبيرة
وحركات ورد

نستاهل والله



دلع يا ناس دلع




طلبت معكرونه - حلوة لكن تحتاج ملح شوي



وبيتزا - حليوة لكن واضح انها علبه مجمدة وحطوها بالفرن




العيال همبورجر وشبس
راهي ويشبع




الأسعار مرتفعة نوعا ما
لكن ما باليد حيلة
دفعنا وعلينا بألف عافية


والبنات شارين مانجا عجيبة ما شاء الله
كبيرة وعسل






اكلنا وسولفنا لما دخنا
وكل واحد راح غرفته للنوم


وانتهى اليوم الثالث في كوالا على خير ،،،،،،،،،


ربي احفظنا من عيون لاتذكر الله

اللهم اني استودعك نفسي واطفالي واهلي جميعا عندك


 

توقيع : قصة حب

كل إنسآن سيـكون يومـآ مجرد .. ذكـرى ! أمنيتــي أن أكون .. { ذكـرى بيضآء } في قلوبكـ

نقره لعرض الصورة في صفحة مستقلة



لا تغير طبعك لترضيهم ، لاتبدل صوتك لتعجبهم ، لا تخالف مبدأك لتوافقهم ، لا تتصنع لتنال رضاهم
أنت لك بصمة ، عش بما يرضي ربك ، ثم يرضيك ويرضى طموحك

التعديل الأخير تم بواسطة قصة حب ; 11-01-2017 الساعة 02:01 PM
قصة حب غير متواجد حالياً   رد مع اقتباس
قديم 11-01-2017, 02:54 PM   #316

عضو قدير

الصورة الرمزية قصة حب
 
تاريخ التسجيل :  Dec 2014
رقم العضوية : 140
الدولة : الكويت - ديرة الخير
الجنس : انثى
المشاركات : 3,454



أوسـمـة: قصة حب

كل الاوسمة:1 (more»)
افتراضي


اليوم الرابع

بعد الأفطار اتجهنا الى

(((( الأكواريوم )))


بناءا على طلب الصغار

اول تكسى مشوا للأكواريوم على طول

كل التكاسي اللي اخذناهم ( تويوتا أنوفا ) كبيرة نوعا ما

التكسي اللي انا فيه والثاني اخوي
السواق ودونا مكان والا نشتري منهم تذاكر الأكواريوم

السايق يبي يقنعنا انه قاعد يخدمنا عشان ما نوقف بطابور التذاكر بالأكواريوم
الصراحة شي ينرفز

الا تنزلون تشترون
وتهاوشنا معاه ما نبي نشتري من هذا المكان

وفجأه قام يتحلطم ويدق على التكسي الثاني
طبعا شكلهم ربع ( أصدقاء) وعطاني تلفونه عشان اكلم اخوي

اشتبي ؟؟؟؟؟؟؟؟؟؟؟؟؟؟ انا اعصابي تلفت كان ودي ازنطه
كلمت اخوي قال احنا شرينا تذاكر

وعناد على السايق قلت له ما راح نشتري
يالله تحرك ونزلنا عند الأكواريوم بسرعة

طبعا هم ياخذون عموله على كل تذكرة
الأصح انه يقولنا بنروح هالمكان ناخذ تذاكر عشان عمولتي
مو غصب

وحضرته معصب ويمشي سرعة بالشارع

ولما نزلنا من التكسي
والا حضرته زايد بالسعر عشان وقفنا عند هذا المحل
طبعا هو واقف يستعبط علينا عشان العداد شغال

وقال انتو المفروض 4 بس بالتكاسي وانا سمحت للشخص الخامس
لازم تدفعون زيادة 10 رينجنت
وهو ما قالنا من الأول

حاسبناه كما ظهر لنا العداد وبس
وقام يصارخ ويسب ويلعن فينا
اخر شي قال ان شاء الله تحترق ديرتكم فيكم

حسبي الله عليك يا حقير

كان هذا السايق من احقر ما صادفت بكل سفراتي



ونزلنا بسرعة اول شي نزلنا العيال بعدين الكبار
خاف ياخذهم وينحاش هالمجنون

الاكواريوم
ووقفنا بالطابور نشتري تذاكر
وما طولنا الحمد لله

وهذه اللقطات اهداء لكل اللي يطالعون التقرير من خلف الكوليس بدون أي تعليق
يطيب الخاطر


الأكورايوم ( بكل سفرة نزوره )
هذه الزيارة الرابعة








اشفيهم زعلانين مالهم خلق ؟؟؟؟؟؟؟؟



التصوير كله بالأي فون
للأسف الكاميرا نسيت اضبطها
الصور كلها سوداء

المكان نوعا مظلم ويحتاج فلاش
والفلاش ممنوع حتى ما تزعج الحيوانات


الذهب للناس الذهب










سبحان الخالق












ودخلنا صالة العروض
الصراحة الأسعار غالية ومبالغ فيها كثير










ياحلوهم المنكيات صافين دور







شوفوا السعر بهالصورة





خواتي اشتروا هالطقم
حلو بس غالي




الوانه حلوة




الأكواب حلوين بس السعر كان غالي








حلوين كتحف بالبيت







ملاحظة : الأكواريوم مسوين احواض جديدة ومغيرين المكان بشكل جميل
وارتب من السابق

يستحق الزيارة مرة او مرتين بالكثير


وخلصنا الأكورايوم
وطلعنا نتمشى عشان نصور البرجين
الجو كان مغيم لكنه حار

اكره السفر بشهر 7 الجو لا يطاااااااااااااااااااااق









المنظر عند النافورة خطير





دخلنا مول ( كي ال أل سوريا )

وشفنا هالشموع عند المدخل احتفال بشي معين لكن ما أذكر



هالمول صج حلو لكنه غالي اشوف كله ماركات وكبير وايد
بصراحة يدوخ

افترينا فيه شوي والكل اتفق انه ممل
وطلعنا ألى الفندق نرتاح شوي

وعقبها نطلع نتغدا ونتعشى بوقت واحد

 

توقيع : قصة حب

كل إنسآن سيـكون يومـآ مجرد .. ذكـرى ! أمنيتــي أن أكون .. { ذكـرى بيضآء } في قلوبكـ

نقره لعرض الصورة في صفحة مستقلة



لا تغير طبعك لترضيهم ، لاتبدل صوتك لتعجبهم ، لا تخالف مبدأك لتوافقهم ، لا تتصنع لتنال رضاهم
أنت لك بصمة ، عش بما يرضي ربك ، ثم يرضيك ويرضى طموحك

التعديل الأخير تم بواسطة قصة حب ; 11-01-2017 الساعة 03:05 PM
قصة حب غير متواجد حالياً   رد مع اقتباس
قديم 11-01-2017, 06:23 PM   #317

عضو قدير

الصورة الرمزية Deena
 
تاريخ التسجيل :  Dec 2014
رقم العضوية : 732
الجنس : انثى
المشاركات : 1,600



أوسـمـة: Deena

كل الاوسمة:2 (more»)
افتراضي


تفاصيل جميلة قصوصة .. متابعة معك بضمير

التايمز سكوير تصدقي ولا مرة دخلته للتسوق.. بس حبيت المحلات والبضاعة الي صورتيها والأسعار موو صج على كلامكم ! لازمه زيارة باذن الله قريبا ..

المكرونة في آسيا دايما حلوة تقولي بيحطوا لها سكر



اما سائق التاكسي شو هالحقارة!! فعلا ما شفت متل هيك، شين وقوي عين، ما بكفي وقفكم وأخركم كمان بيطلب فلوس زيادة وبيدعي !! حسبي الله ونعم الوكيل


حظكم مع السواقين مش ولا بد .. لا سواق جنتنغ ولا هالسواق .. الحمدلله مرت على خير وزين ما عملتوا انكم ما دفعتوا الزيادة


الله يعين الحر والرطوبة مزيج قاتل ومتعب للجسم والأعصاب صراحة .. انا بتحمل الحر قد ما كان بس الرطوبة بنخنق منها..


الطقم الي شروه خواتك حلو كتير .. شفت متله بالزبط في لنكاوي في مكان للحرف اليدوية وبيع المشغولات .. ما بتذكر السبب اني ما اشتريته بس كان رخيص .. طبعا في الاكواريوم الاسعار مضاعفة

 

توقيع : Deena

"فاطر السماوات والأرض أنت وليي في الدنيا والآخرة توفّني مسلماً وألحقني بالصالحين"
Deena غير متواجد حالياً   رد مع اقتباس
قديم 11-01-2017, 08:22 PM   #318

مراقبة العرب المسافرون

الصورة الرمزية q8ya metnaqla
 
تاريخ التسجيل :  Dec 2014
رقم العضوية : 73
الدولة : وطن النهار
الجنس : انثى
المشاركات : 14,798



أوسـمـة: q8ya metnaqla

كل الاوسمة:2 (more»)
افتراضي


عليكم بالعافيه قصه السوق والعشا

ليش ما تحجزون تذاكركم من الانترنت ؟ مو احسن لكم ؟
ياربي انا ترا قاعده احتر من هالسواق والمعامله احس اني لو اروح ديرتهم ما راح اتحملهم ويدعي بعد لا بالله ناوين على شر ..


الحمدلله انكم استانستوا خوش صور عند النافوره وايد حلوين
يتراوالي اجوائها حلوه من اكتوبر لي مارس ؟ عدل

 

توقيع : q8ya metnaqla


كويتية متنقله في أعالي جبال الأنديز، قاطعه فيها الإكـــــوادور من الشمــال للجنـــوب

https://www.arabtrvl.com/vb/t49320.html

كنزٌ دفين اكتشافُ ارضٍ ضائعةٍ كنا نعرف بوجودها ولكن لم نستطع الوصول إليها(كولومبيــا)

https://www.arabtrvl.com/vb/t48941.html

مراسلتكم من الاتحاد السوفيتي سابقا (روسيــا 2019 )

https://www.arabtrvl.com/vb/t45053.html


في قصص الشعوب طرائف لاتنتهي وعالم حلو بهي يسكن في القلوب في قصص الشعوب (المكسيـــــك)

https://www.arabtrvl.com/vb/t41667.html

الى الزيتونة وعقبه بن نافع وابن خلدون بلد العلم والثقافة والتاريخ( تــونس الخضـــرا )

https://www.arabtrvl.com/vb/t39247.html

سـكــة سفــر فيهـا مشـاويـر العمــر ( امـريكــا ديسمبــر 2017 )

https://www.arabtrvl.com/vb/t31951.html

كل انسان يصبح شاعرا اذا لامس قلبه الحب : من بلاد الفلاسفه (اليونان)

https://www.arabtrvl.com/vb/t7554.html

q8ya metnaqla غير متواجد حالياً   رد مع اقتباس
قديم 11-01-2017, 11:52 PM   #319

مشرف سابق

 
 
تاريخ التسجيل :  Oct 2016
رقم العضوية : 12650
الدولة : السعودية/ مكة
الجنس : ذكر
المشاركات : 1,677



أوسـمـة: ابو حسن 9

كل الاوسمة:1 (more»)
افتراضي


ياربي خوفتيني من السواقين ياحلوة بس زين عملتي فيه
عاد من الحين جالسه ادعي ربي يرزقنا سواقين اخلاقهم زينة
كويس في محل المعجنات بكوالالمبور يصير لو عجبنا نعتمده
ليه كذا تصوري الشنطة الحين بعمل خطة عشان اشتري لان ابو حسن متحدين انو لو مااشتريت ولا شنطة بجائزة الحين كيف بصبر
الله يحفظك انت وعيالك اهلك من شر كل ذي شر
ام حسن

 

ابو حسن 9 غير متواجد حالياً   رد مع اقتباس
قديم 12-01-2017, 04:27 AM   #320

مجلس الإدارة

 
 
تاريخ التسجيل :  Dec 2014
رقم العضوية : 15
المشاركات : 15,889



افتراضي


ان شاء الله تسكنين في البارك المره القادمه
يوم تسوق جميل
للأسف السواقين مره معاكم سيئين الله يعينكم

الأكواريوم غرام الأطفال

 

توقيع : فيصل

الْحَمْدُ لِلَّهِ الَّذِي بِنِعْمَتِهِ تَتِمُّ الصَّالِحَاتُ

معرفاتنا بوسائل التواصل الإجتماعي


نقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلة

فيصل غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
رحلتي العائلية 18 ليلة صيف 2015 من 16 يوليو إلى 3 أغسطس abdullah h تقارير لا تنسى 420 28-03-2022 11:13 AM
نحييكم من اندونيسيا في رحلتنا العائلية نوفمبر 2015 ابو تركي 99 بوابة اندونيسيا 95 24-04-2017 10:06 AM
الغردقة «ملكة المدن السياحية العربية» لعام 2015 وليد عنبه بوابة مصر 33 01-04-2015 05:35 AM

الساعة الآن 07:38 AM
Powered by vBulletin® Copyright ©2000 - 2022, Jelsoft Enterprises Ltd.
Search Engine Friendly URLs by vBSEO