| | |||||||
مـواضـيـع مـمـيــزة
2292الاعجاب |
| | LinkBack  | أدوات الموضوع | انواع عرض الموضوع |
26-12-2016, 09:49 PM
| #171 |
| مسافر جديد  تاريخ التسجيل : Sep 2016 رقم العضوية : 12349 الجنس : انثى المشاركات : 55 | 
|
|  |
|
26-12-2016, 09:55 PM
| #172 |
| مسافر جديد تاريخ التسجيل : Sep 2016 رقم العضوية : 12349 الجنس : انثى المشاركات : 55 |
|
|
| |
|
26-12-2016, 10:27 PM
| #173 |
| مسافر متألق  تاريخ التسجيل : May 2016 رقم العضوية : 9167 الدولة : بلاد الحرمين الشريفين الجنس : ذكر المشاركات : 470 |
فيه شوكلاتة وكافي في المحلات الكبرى نسيت اسمها وباسعار اقل أرسلت بواسطة iPhone بإستخدام Tapatalk
|
|
| |
|
27-12-2016, 10:55 AM
| #174 | ||
| عضو قدير  تاريخ التسجيل : Dec 2014 رقم العضوية : 140 الدولة : الكويت - ديرة الخير الجنس : انثى المشاركات : 3,442
| 
كل شي زايد نصيحة قرقشي مخباتك عدل هناك واستمتعي انا مو وايد مع القهوة لأنها ترفع لي الضغط بس اشتريها لأن زوجي وعيالي يحبونها اخذت بس مش كمية كبيرة عن خاطري صور محل القهوة مو لاقيتهم ان شاء الله راح اضيفهم بعدين روحي الهضبة حلو المكان وصار مرتب احسن من اول ههههههههههههاي انت تشبهيني احس انا معاك نفس الشي انا بعد البسها مع العباية والحياة سعيدة مع ان وايد يقولون لي اشلون ؟؟ قلت اهم شي راحتي الناس ما يهموني اصلا لو تشوفين كل الكويت تلبسه حريم ورجال الحين حتى بالدوام البسه  حياك الله ونستتيني بمتابعتك ربي يحفظنا ويحفظكم احنا وصلنا الظهر تقريبا بس الجو كان حلو الحمد لله الله يسلمك شكرا لك وطالما العرب يشترون من القهوة والشوكولا فلازم تزيد الأسعار شكرا لمتابعتك تسلم اخوي الشر ما يجيك ان شاء الله الفواكهة في اسيا شي ما حصل لذيذة عسل نرجع الحمد لله الوجه مورد هذه الدنيا ماكو شي يظل على حاله والله يرزقنا دوم عشان نسافر انا بعد سمعت ان في مول كي ال ال فيه محل يبيع ارخص دورته بس ما حصلته للأسف المول كبير وايد دوووووووووخة يسلمووووووو ام جسومي انشوينا بس بأماكن ثانية  انا افضل السكتيشرز على الكروس اختي الكروس صلخ رويلاتها مع المشي وظلت تعالج شهرين منه صاجة العروض في ماليزيا ما تتطوف لازم نستغلها عدل تقطعون الـ 8 جزم بالعافية الهضبة حلوة وكل مرة تتطور الله يعطيه طولة العمر هالريال نفس المكان ومؤدب جدا اعتقد انه من اصول هندية لكنه ماليزي اوووووووووووه الأقفال صارت موضة هالأيام سمعت انهم بزيلون جزء منهم عشان لا تثقل الجسر ويصير اي حادث لأنهم كثار ما شاء الله سعيدة لمتابعتك هلا ابرااااااااااااااري الجميلة ايه حلو المكان هههههاي كل مكان صار فيه استغلال بس على مين معانا كاميرات ونصور بريحاتنا الله يعافيك هلا وغلا اسفرت وانورت عليكم بالعافية خوش خبر يمكن بالصيف عليهم ضغط وشغلهم اي كلام اشرايك بالقلاصات لما رحتوا ؟؟؟ ايه هذا شفته وقابلته تونسي اعتقد مو سوري وقدمت له كذا شكوى لكن حطيت عليه اكس لما طلبت المدير وقال انه مسافر وهو يكذب انا طلبت المدير وجاني بالمبنى اللي ساكنين فيه خلال ربع ساعة بعدين لاحظت انه يلزق ويقرب مني كثير وانا اتكلم معاه ارجع ورا ويقرب لما عطيته النظرة القاتله احترم نفسه بس الله يعلم شنو قصده والا هذه طبيعته وطريقته يقرب من الناس وايد ان شاء الله ناويه ازور مناطق جديدة الله يسهل يسلموو على الافادة ما قصرتي 
| ||
|
| |
امر محزن والله
|
27-12-2016, 11:24 AM
| #176 | ||
| عضو قدير تاريخ التسجيل : Dec 2014 رقم العضوية : 140 الدولة : الكويت - ديرة الخير الجنس : انثى المشاركات : 3,442
|
طلعنا نتمشى بالسوق الليلي بس ما عجبنا شي بالمرة البضاعه ما تغيرت والكشكات زايدو وقريبة من بعض لدرجة ان الممر ضيق والناس تتلزق ببعض عشان تطوف طبعا هذا الشي ما يناسبنا فيه رجال ما تستحي ما توسع للحريم مثل عندنا بالخليج   فلغينا فكرة التسوق بهالمكان اضافة الى الأسعار الغالية على اشياء ما تستاهل وكان الجووووووووووو ناااااااااااااااار بهالمكان حر لأنه ضيق وناس وايد خواتي اشتروا شنط تقليد الأصلى حلوين وعليكم بالمكاسر ليه نص السعر وراح يعطونكم بس مو كل البياعين انا عجبتني اباجورة صنع يدوي قالت بخمسين رحنا ورجعنا قالت 70 قلنا لها قبل شوي قلتي خمسين اتصدقون ما رضت وقالت ما قلت !!!!!!!! وعناد عليها ما اشتريناها ههههههههههاي عشان تنقهر   تذكرنا المطعم الايطالي بسفرتنا الأخيرة ( فيفا ايطاليا ) عجيب اكلنا فيه بلنكاوي وفي بيننانغ لما وصلنا المطعم والا الأسم غير  وصاير مطعم عربي لكن نفس الطاولات والديكور سألتهم قالوا ايه كان موجود وغيرنا من ايطالي الى هندي وقعدنا ناكل فيه كنت متخوفة يطلع اختيار سئ لأنه كان اختياري لكن الحمد لله طلع عجيب ونظيف وشي مرتب  وإليكم اهداء هذه اللقطات اسم المطعم (((( ماروش ))) المطعم عنده منيو عربي ومنيو هندي    خبز النان عجيب اصلي  وكنت واقفة عند التنور وهو يخبزه اصور فيديو  وهو مستانس قلت له بنزل لك اعلان مجاني في المنتدى وفرح الموظف وايد اللي ياخذ طلبات مصري بس خوش ريال الأكل منوع هندي ايطالي عربي خليجي كل شي عنده   البرياني وايد حلو ومضبوط   هذا اعتقد كان كاري طلب اخواني  شيش طاووق لذيذ طلب وليدي  دجاج تندوري ريحته تبط الراس اصلي على فكرة الطباخين هنوووووووووووووود انا رحت اطل عليهم من شباك المطبخ اللي يطل على الصاله يعني نقدر نشوف نظافة المطبخ وطريقة الطبخ محبتكم ( شيف )  اراقب الوضع    الباستا وايد لذيذة حق بنوتي  للأسف باقي الصور انمسحت ان شاء الله الاقي نسخة في البيت  تقييمي للمطعم :  - لذيذ - نظيف - خدمة روعه - الطعم اصلي مو تقليد ( لان فيه مطاعم الشكل شي والطعم لا يمت له بصلة ) - الأسعار مقبوله وعادية وعلينا بألف عافية يارب ،،،،،،،،،،،،، طلعنا من المطعم غصب نمشي وشفنا الذرة المشوية لكن للأسف ما كو مكان بالبطن الكرشة طافحة على الآخر بس اخذنا حبة وحدة عن خاطرنا قسمناها بينا انا وعيالي سعرها 6 ريجنت لذيذة لذاذة اللذوذين  جزء منا ظلوا يتمشون بين الأزقة بالسوق الليلي انا رجعت الفندق وعلى الفرااااااااااااااااش اسقاط ربي لك الحمد يوم جميل
| ||
|
| |
|
27-12-2016, 11:59 AM
| #177 |
| مسافر متألق تاريخ التسجيل : Oct 2016 رقم العضوية : 12772 الجنس : ذكر المشاركات : 562 |
|
|
| |
|
27-12-2016, 01:00 PM
| #179 | ||
| عضو قدير تاريخ التسجيل : Dec 2014 رقم العضوية : 140 الدولة : الكويت - ديرة الخير الجنس : انثى المشاركات : 3,442
|
 وأشرقت شمس صباح جديد في حياتنا ربي لك الحمد والشكر نزلنا نفطر بالمبنى الرئيسي المطل على البحر والمسبح لازم عند استقبال الفطور فيه موظف يسأل ويتأكد من رقم الغرفة     هذا مكتب حجز الرحلات بالفندق لكن ولا مرة حجزنا منهم حجوزاتنا من فندق بارك رويال     وقعدنا شوي على المسبح نسولف  بذمتكم المنظر ما يشوق   وللأسف القلاصات بنفس الشكل وطلبت قلاص انظف وجاني طلبي  جاني الشاب التونسي يسأل ويعتذر عن شكوى الأمس وانه بلغ الإدارة بخصوص هذه الموظفة التعيسة وقال انا بخدمتكم لأي شكوى تشكرت منه وتريقنا على السريع .gif "(125)") المقسوم ( بيض ومربى وعصير وكرواسون وطبعا زبدة الفول السوداني اللذيذة )      هذا الركن اضافي للفطور بس دايم فاضي  وللأسف الموظفة مستمرة تمر جنب طاولتنا وتتحلطم وتأشر علي من بعيد .gif "(7)") لما قلت لها تسكتين وتحترمين نفسك والا بزنطك ههههههههههههاي راحت تركض تقولهم بتذبحني يعني نظام ( ضربني وبكى وسبقني واشتكى ) بلغت الشاب التونسي وشاف كل شي بعينه  وطلبت مديره فورا مرة ثانية لأني كنت طالبته امس وقالي مسافر وهذه كذبه منه  .gif "(123)") يمكن عشان يبين للإدارة انه يشتغل وراح يحل الاشكال  والله ما وصلت المبنى الثاني الا المدير واصلني ماليزي طبعا شرحت له كل شي واعتذر مني بصورة خجلتني .gif "(5)") لدرجة انه انحنى حيل وهو يعتذر وقالي انا موجود ومو مسافر ولا أحد بلغني بشكوتك وهذا ذوق منه وخوفا منه على سمعة الفندق وخبرته انه راح اكتب عنهم بالنت على هالتعامل السئ وهذه اول مرة اسكن الفندق ولن اكرر التجربة  ولازم تجي تعتذر بنفسها عما بدر منها من قلة ادب وطوالة لسان عطاني كرته لأي شي وبعد نصف ساعه لقيت بغرفتي كرت اعتذار وصحن فاكهة ههههههههههاي لو حاط كاكاو احسن والا كرت ادخل فيه السبا  اريح بدل حرق الأعصاب اللي نشوفه كل يوم بالريوق حسبي الله عليها هالهندية فورت دمي    حقي ولازم اخذه ادري فيه ناس بتقول انتي ناشبتيهم على شي ما يستاهل  انا بنظري يستاهل وايد  انا دافعة فلوس مبلغ محترم المفروض الاقي خدمة ممتازة مقابلها ونوعاً ما ارتحت بس مو وايد !!!!!!!!!!  بعد مابردت حرتي فيها  خواتي يقولون بس لا تذبحك  قلت فيها خير تقرب بس  
| ||
|
| |
|
27-12-2016, 01:14 PM
| #180 | ||
| مراقبة العرب المسافرون  تاريخ التسجيل : Dec 2014 رقم العضوية : 73 الدولة : وطن النهار الجنس : انثى المشاركات : 17,499
|
| ||
| |
|
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| رحلتي العائلية 18 ليلة صيف 2015 من 16 يوليو إلى 3 أغسطس | abdullah h | تقارير لا تنسى | 420 | 28-03-2022 11:13 AM |
| نحييكم من اندونيسيا في رحلتنا العائلية نوفمبر 2015 | ابو تركي 99 | بوابة اندونيسيا | 95 | 24-04-2017 10:06 AM |
| الغردقة «ملكة المدن السياحية العربية» لعام 2015 | وليد عنبه | بوابة مصر | 33 | 01-04-2015 05:35 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Friendly URLs by vBSEO
Search Engine Friendly URLs by vBSEO
