ملكة السفرات العائلية في رحلتها الرابعة الى ماليزيا 2016 - الصفحة 8

توبليرون · 17-12-2016, 04:23 PM

ماشاءالله روعه الرحلة وخاصه ادا مع الخوات وانواع الوناسه بالالعاب والسباحة
والريوق عندهم العيش نفس الخبز عندنا

بس هذا راعي الشيشة ما حطهم الا هني عند قاعة الرياضه
ياسلام خوش صحة
†[/url]

أبن السلطنة, قصة حب, kdsaeeed و 5 آخرون معجبون بهذا.

q8ya metnaqla · 17-12-2016, 07:42 PM

مقهــــــــــــورين من المــاليـكــــا ابـــــــدعتي ياقصــــتنا
ياسلااام خوووش سفره ما شاءالله
خبره في سفره عائليه سنه 96 كانت لندن
وعقبها كله قروبات مجندات ههههههه
عجيييييب التقرير والتفاصيل ماشاءالله سلمت الانامل
وان ازور هالماليزيا
وسلامات ما تشوفين شر

أبن السلطنة, قصة حب, kdsaeeed و 5 آخرون معجبون بهذا.

آخر مواضيع q8ya metnaqla

- مركاز العرب المسافرون 11
- إندونيسيا استفسارات
- شبه الجـــزيـــرة الايبيـــريـــة ( اسبـــــانيــــا ) 2023
- هنــــا شبــــه الجــــزيــرة الايبيــــريـــة ( البــــرتغـــــال ) 2023
- ريوقنا في the orangery

توقيع : q8ya metnaqla

كويتية متنقله في أعالي جبال الأنديز، قاطعه فيها الإكـــــوادور من الشمــال للجنـــوب

https://www.arabtrvl.com/vb/t49320.html

كنزٌ دفين اكتشافُ ارضٍ ضائعةٍ كنا نعرف بوجودها ولكن لم نستطع الوصول إليها(كولومبيــا)

https://www.arabtrvl.com/vb/t48941.html

مراسلتكم من الاتحاد السوفيتي سابقا (روسيــا 2019 )

https://www.arabtrvl.com/vb/t45053.html

في قصص الشعوب طرائف لاتنتهي وعالم حلو بهي يسكن في القلوب في قصص الشعوب (المكسيـــــك)

https://www.arabtrvl.com/vb/t41667.html

الى الزيتونة وعقبه بن نافع وابن خلدون بلد العلم والثقافة والتاريخ( تــونس الخضـــرا )

https://www.arabtrvl.com/vb/t39247.html

سـكــة سفــر فيهـا مشـاويـر العمــر ( امـريكــا ديسمبــر 2017 )

https://www.arabtrvl.com/vb/t31951.html

كل انسان يصبح شاعرا اذا لامس قلبه الحب : من بلاد الفلاسفه (اليونان)

https://www.arabtrvl.com/vb/t7554.html

opera_kw · 18-12-2016, 08:10 AM

يعطيج العافيه

خوش بدايه

احنا دايما برحلاتنا نخلي سن واي لاقون اخر محطه

بس تمام اذا صارت اول شي

يستانسوون الاطفال (اذا بوديهم معاي )

يمكن المره اليايه اغير الخطه

أبن السلطنة, قصة حب, kdsaeeed و 4 آخرون معجبون بهذا.

طوق الياسمين · 18-12-2016, 08:17 AM

ماشاءالله ياعيني على التقارير النارية

اختيارات الفنادق ممتازة

اهنيك على السفرات العائلية فعلا ممتعة

وفندقكم فطورهم ملكي تستاهلي ياشيخة الملكات

اما النصب غريب على الماليزيين يمكن الشيطان وسوس لهم قالوا عايلة كبيرة ماشاء الله ومعاهم اطفال ماراح يدققون

لكن الواحد لازم يكون حريص براڤو عليكم

مستمتعة مع الكنافة

الف لابأس عليك وسلامتك

قصة حب, kdsaeeed, آخـــرفـــرصـــة و 3 آخرون معجبون بهذا.

قصة حب · 18-12-2016, 11:20 AM

اليوم الإتفاق على مكان اول مرة ازوره

((( بوتروجايا ))))

المنطقة الراقية جدا في ماليزيا

اخذنا 3 تكاسي من امام باب الفندق وتوكلنا على الله

ولكم هذه اللقطات
تلاقون الأسعار بالصور
اختصارا للوقت

الطريقة لها مو بعيد عن فندنا
ولما دخلنا المنطقة اندهشنا صراحة
نظيفة وراقية وشرحة

لكن الجووووووووووو حااااااااااااااااار فيها والشمس شقاقة من قلب على روسنا

وهذه اللوحة الترحيبة عند البوابة

سيارتي الماليزية

اتونس مجكنمة حيل كيييووووت

الغيوم كانت عجيبة يومها والسماء صافية ما شاء الله

تمشينا شوي
وشرينا ايس كريم نبرد على روحنا وشوية شبسات قبل ما نحجز الكروز اللي بيفتر فينا بالمنطقة

وفيه محلات للتذكار وبعض الملابس

عجبني لون هالزري بس هالخام نايلون
الوالدة عندها نفس الخام بس شي فخم من زمان أول ( الزري الأصلي)
للحين محتفظين فيه تتوارثه الأجيال ( كل بنوتة من عيالنا وعيال خواتي لبسته )

ربي يطول بعمر اميمتي ويشفيها ويخليها لنا يااااااااااااارب

هذه الأسعار بالصور

واستلمنا التذاكر

الرحلة كانت ساعة مرت بسرعة

هذا الكروز وحان موعد الرحلة

هذا الكابتن

طبعا الكروز وسيع ومكيف
واللي بخاطره يشوف يصعد ويطلع بره بالهواء الطلق

يتبع ،،،،،،،،،،،،،،،،،

فيصل, q8ya metnaqla, أبن السلطنة و 8 آخرون معجبون بهذا.

قصة حب · 18-12-2016, 11:23 AM

التصوير ظالم المكان
بالطبيعة شي شي ما حصل

والبحر كبييييييييييييييييييييير

هذا الجسر رهيب
عظيم
عجيب

ما أدري ليش حسيته فيلم

يا جمال هالصورة

ياجمال هالمسجد
ربي يعز الإسلام والمسلمين

خلصنا رحلة الكروز وتوجهنا للمسجد

((( مسجد بوتروجايا )))

ما شاء الله تبارك الله

المكان يشرح القلب

هالملصق على الأرض
عشان الأحذية ( عزكم الله )

البنات الصغار لبسوهم رداء عشان البنطلونات
اما احنا الكبار فكان عادي

دخلنا المسجد وتوضينا وصلينا ركعتين تحية المسجد
وقعدنا شوي داخل نتبرد

يازين الحجاب على الصغار
هالبنوته مع امها بالمسجد تصلي
حلو يعلمونهم من الصغر

السجاد حلو ونظيف

بالجهة الخارجية شفنا عرس
المعاريس قاعدين مأهلهم حوالينهم (والملاج ) اللي يعقد القران معاهم
ما قدرنا نصور لحساسية الموضوع
ولازم نستأذن اول

الله يبارك لهم ويوفقهم يارب

والورد الحلو بحوش المسجد

صارت الساعة 2 الظهر والشمس حارة
دخنا حيل

هذه لجمع التبرعات عند المسجد و بالحوش

طلعنا من بوتروجايا توكلنا على الله

وداعية

ورجعنا الفندق نريح شوي ونغير ملابسنا وننزل مول البراميد لأنه اقرب لنا
نتغداء ونتمشى ونتسوق لأن قريب نطلع من الفندق الى بينانغ

Deena, فيصل, q8ya metnaqla و 9 آخرون معجبون بهذا.

قصة حب · 18-12-2016, 11:50 AM

واسرع سريع الى المول
ولازم نمر على السكيتنق

اخترنا بيتزا هت لأن الجوع كان امبدع فينا ومالنا خلق نلف على المطاعم نختار

بيتزا ماليزيا حلوة بس مو مثل الكويت

وهذه عنونة ( صغير) حق الصغار

على فكرة حتى الحجم اصغر من الكويت

والميرندا حاضر ملك السفرة

هذا كنتاكي ما بغوه العيال

مع الحجز كنت طالبة كيكة لعيد ميلاد عيالي
اول يوم سألت سجلت الموظفة وقالت الليله نحطها لكم بالغرفة

رجعنا ماكو شي

يوم ثاني قلت حق مديرهم
لما دور على الكمبيوتر طلعت الموظفة ما بلغت المطبخ

ويابوها لنا اخر ليلة
رجعنا الغرفة لقيناها

واستانسوا العيال
كل سنة اسويلهم هالمفاجأة
الكيكة لذيذة ومجانية لكن الكاكاو عجيب

وبعد الهجوم عليها

ولازم نجهز اغراضنا هذه اخر ليله في سيلانقور
وباجر ان شاء الله الى بينانغ

تابعوني ,,,,,,,

Deena, فيصل, q8ya metnaqla و 10 آخرون معجبون بهذا.

آخر مواضيع قصة حب

- شاركوني باختيار فنادق جديدة
- ملكة السفرات العائلية في رحلتها الرابعة الى ماليزيا 2016
- برنامج تاباتوك
- فندق هوليدي ان بينانغ
- عاجل جدا باص الى بينانغ

توقيع : قصة حب

كل إنسآن سيـكون يومـآ مجرد .. ذكـرى ! أمنيتــي أن أكون .. { ذكـرى بيضآء } في قلوبكـ

لا تغير طبعك لترضيهم ، لاتبدل صوتك لتعجبهم ، لا تخالف مبدأك لتوافقهم ، لا تتصنع لتنال رضاهم
أنت لك بصمة ، عش بما يرضي ربك ، ثم يرضيك ويرضى طموحك

التعديل الأخير تم بواسطة قصة حب ; 18-12-2016 الساعة 11:56 AM

قصة حب · 18-12-2016, 01:14 PM

ولو ان الحضور والتشجيع 0%
وهذا شي محبط
شكلي بزعل عليكم والغي التقرير

فيصل, أبن السلطنة, الايمان و 2 آخرون معجبون بهذا.

قصة حب · 18-12-2016, 01:14 PM

ملخص زيارتنا لسيلانقور

الأماكن التي تم زيارتها :

1- الماينز حلو المكان انا شخصيا احبه
2- صن واي لاقون عجيبة لازم كل سفرة نزورها
3- بوتروجايا مرة واحد تكفيها الا اذا عندكم وقت للزيارة ممكن تدخلونها بالجدول
4- مول البراميد كل شي فيه حلو المطاعم والبضاعه فيه الغالي والرخيص وكبير يبيله 3 ايام ما يخلص – كل سفرة لازم نزوره

المطاعم في مول البراميد :
1- فش منهاتن
2- البيتزا هت
3- ماكدونالدز
4- ديب اند ديب
5- انتي آن

تصبحنا على خير وأفطرنا والحمد لله

ولازم وداعية للرقي الأصفر

والعيال عن خاطرهم دخلوا المسبح يبلبطون شوي
نص ساعه بس

الوداع الى لقاء اخر قريب ان شاء الله يا صن واي

وكنا من قبلها بليلة طالبين 2 فان يوصلنا محطة الباصات

الأسعار للأسف مو ذاكرة ابداً
كنت ادفع وبس
اختي المسئولة عن تنظيم الرحلة معاي
الله يعطينا العافية هلكنا من الاشراف بكل رحلة
يالله عاد مصختوها

والباقي كلهم مريحين بالهم وكل شي علينا

بس عطيهم انذار شديد اللهجة المرة الياية لأي سفرة احنا بنكون الضيوف وهم اللي يرتبون الرحلة من طقطق ليه سلام عليكم

فيه مثل مصري يقول ( ان كان حبيبك عسل ما تلحسوش كله )

الطريق تقريبا ساعة الا ربع
طلعنا من الفندق الساعة 10.30 تقريبا

رحلتنا الساعة واحدة الظهر

الجو يومها حلو

سعر الشخص 38 رينجت

وهذه التذكرة

وصلنا المحطة

يحلو هالباص دورين
باصات ماليزيا تشرح القلب وتسر العين

صراحة المحطة اعجبتني وايد مرتبة ونظام ونظيفة

ما شاء الله زحمة كأنها مطار

هذا المكان الناس واقفة طوابير عشان تحجز تذاكر

يا ربااااااااااااااااااااااااه

قعدنا بهالصالة ننتظر موعد الرحلة
واختي وزرعت التذاكر علينا
وانا اخذت لي ولعيالي واختي الكبيرة لأنها كانت بالسوبرماركت

والجناط يمنا وكل واحد ينتبه على اغراضه

بعد الصغار يحوسون شافوا السوبر ماركت وقاموا على حيلهم
وهذا نصيبي

عاد سمعوا الموقف اللي يذبح صارلنا

نزلوا كلهم بالسلم الكهربائي عشان نوصل بوابتنا
ولازم الموظف يمرر التذكرة على الجهاز

لما شافونا تأخرنا كلمت اخوي اقوله شنو صار وحرام حاولوا يصعدون لنا مرة ثانية
بالسلم الكهربائي النازل
تخيلوا يركضون على الجهاز بالعكس
اوصلوا حرام الا مهدود حيلهم

لقيت كل التذاكر الا تذكرة اختي

يالله ما باقي شي على الوقت والباص يمشي

قلبت الجنطة نفضتها نفاض
رحنا عند الزبالة كرمكم الله ندور بالاكياس اللي قطيناها

ياربي شنو نسوي
اذا مالقيتها يعني لازم نشتري تذاكر غيرها للكل لرحلة ثانية

بهاللحظة حسيت ضغطي صار 2000 وراسي يعورني بغيت اطيح
واختي العودة تهديني
ونذكر الله وقريت دعاء الأشياء الضايعة

واختي قالت بروح اشتري تذكرة جديدة
لكن هيهات يوصلها الدور عند الشبك على هالزحمة

وفتحت البوك مرة ثانية وفيه ورقة اشيلها واحطها حسبالي فاتورة

لما فتحتها الا هي التذكرة

ياويلي

قمت اصارخ لقيتها يالله
ويروح اخوي ينادي اختي من الطابور
ونزلنا مهدود حيلنا

انا ولاااااااااااااااااااا كلمة تعبت وقلب قام يرقع

ودي ابجي اشهالموقف البايخ

قعدت شوي على الكراسي ارتاح بس ابي القلب يريح لا اموت عليهم

طلعنا من البوابة اللي بيوصل منها باصنا

السايق صيني
قطيعة بس شاف جناطنا قام يصارخ ويأشر ويقول عرب عرب و بالانجليزي انه وايد جناط

انت شكوووووووووووووو شايلهم على ظهرك
يا علك السم ان شاء الله
هالانسان عنصري جدا
كان يساعد بس الصينين
الحمد لله الشباب ما قصروا دخلو الجناط بمخزن الباص وضبطو كل شي

وطول الطريق يسولف بصوت عالي عنا وما نسمع الا ( عرب )
حسبي الله عليك من صيني قذر

وحركنا بس الله واستودعت الجميع عند الرحمن

وهذا رفيق الرحلة

هذا الباص

وخواتي هذا رفيقهم في السفر ( التشيز كيك الياباني )

وتم توزيع الكيك علينا كلنا
احلى شي الشروكة المبروكه
كل شوي واحد يطلع اللي عند ويوزع
علينا بألف عافية

يالله ارزقنا بدأت تهل العطايا والتوزيعات

لقطات من الطريق

مصيبة راس ما صدع هالسايق طول الطريق ايده بالتلفون ويتكلم
دخنااااااااااااااااااا

وكان يوقف بمحطات غريبة يركب ناس
الظاهر الفلوس لحسابه الشخصي
لأن شفناهم يدفعون كاش له

العيال طلبوا ( التواليت ) ولما قلنا له
قام يصرخ
عاد هني زفيناه ما صارت
راكبين معاك بلاش

ولما وصلنا التواليت قال بس 10 دقايق

اشهالسايق المطيور وضرية

الطريقة المفروض من سيلانقور الى بينانغ 5 ساعات ونص

والله العظيم وصلنا عقب 8 ساعات
من كثر ما هالسايق ضيع وقتنا وهو يوقف يركب ناس من محطات ثانية

قربنا نوصل

على جسر بينانغ

شوفوا الزحمة في بينانغ حزة المغرب

Deena, q8ya metnaqla, أبن السلطنة و 9 آخرون معجبون بهذا.

آخر مواضيع قصة حب

- شاركوني باختيار فنادق جديدة
- ملكة السفرات العائلية في رحلتها الرابعة الى ماليزيا 2016
- برنامج تاباتوك
- فندق هوليدي ان بينانغ
- عاجل جدا باص الى بينانغ

توقيع : قصة حب

كل إنسآن سيـكون يومـآ مجرد .. ذكـرى ! أمنيتــي أن أكون .. { ذكـرى بيضآء } في قلوبكـ

لا تغير طبعك لترضيهم ، لاتبدل صوتك لتعجبهم ، لا تخالف مبدأك لتوافقهم ، لا تتصنع لتنال رضاهم
أنت لك بصمة ، عش بما يرضي ربك ، ثم يرضيك ويرضى طموحك

التعديل الأخير تم بواسطة قصة حب ; 19-12-2016 الساعة 12:00 PM

قصة حب · 18-12-2016, 01:54 PM

الحمد لله والشكر
وصلنا محطة في بينانغ
ونزلنا الاغراض
وراح المطيور الصيني الله لا يرده

كنت ناويه اشتكي عليها بالشركة بس بعدين نسيت الموضوع
مع الوناسة في بينانغ

ولقينا التكاسي اشكثرهم
عطونا سعر 50 رينجت الى فندقنا الهوليدي ان

ولما وصلنا للتكسي شاف الشنط
استخف
انتوا هدايا وايد وفلوس وايد

ياربي اشهالبلوة حاسدينا على هدومنا
وين الهدايا الله يقطعك
اعوذ بالله من عيون الهنود والصينين

اخر شي قال 80 رينجنت
وعلى فكرة يبلغ باقي التكاسي بالسعر واحنا واقفين
وكلهم نفس السعر صاروا بنفس اللحظة

حسبي الله عليكم طماعين

لكن احنا تعبنا وتوكلنا على الله بس خلونا نوصل الفندق

ركبنا التكاسي

وانا حدي جوعانه عندي تفاحة اكلتها

وشفت ( تسكو ) اعشق التسوق فيه
لازم ازروه بكل سفرة

والتكسي الا بيودينا محل القهوة واحنا نقول لااااااااااااا
عناد علينا لأن رفع السعر علينا بالتوصيل

وصلنا الباتو فرنجي
يا سلااااااااااااااااااام هذا الشارع اللي احبه

فندقنا

اول مرة نسكنه

حجزنا في البرج اللي مقابل التل

ولازم نعبي ورقة الدخول

Deena, Al-Hajri VIP, فيصل و 11 آخرون معجبون بهذا.

آخر مواضيع قصة حب

- شاركوني باختيار فنادق جديدة
- ملكة السفرات العائلية في رحلتها الرابعة الى ماليزيا 2016
- برنامج تاباتوك
- فندق هوليدي ان بينانغ
- عاجل جدا باص الى بينانغ

توقيع : قصة حب

كل إنسآن سيـكون يومـآ مجرد .. ذكـرى ! أمنيتــي أن أكون .. { ذكـرى بيضآء } في قلوبكـ

لا تغير طبعك لترضيهم ، لاتبدل صوتك لتعجبهم ، لا تخالف مبدأك لتوافقهم ، لا تتصنع لتنال رضاهم
أنت لك بصمة ، عش بما يرضي ربك ، ثم يرضيك ويرضى طموحك

التعديل الأخير تم بواسطة قصة حب ; 18-12-2016 الساعة 02:20 PM

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلتي العائلية 18 ليلة صيف 2015 من 16 يوليو إلى 3 أغسطس	abdullah h	تقارير لا تنسى	420	28-03-2022 11:13 AM
نحييكم من اندونيسيا في رحلتنا العائلية نوفمبر 2015	ابو تركي 99	بوابة اندونيسيا	95	24-04-2017 10:06 AM
الغردقة «ملكة المدن السياحية العربية» لعام 2015	وليد عنبه	بوابة مصر	33	01-04-2015 05:35 AM