![]() |
| LinkBack ![]() | أدوات الموضوع ![]() | انواع عرض الموضوع ![]() |
|
![]() | #1 | ||
عضو قدير ![]() ![]() ![]() ![]() ![]() ![]() ![]() تاريخ التسجيل : Dec 2014 رقم العضوية : 140 الدولة : الكويت - ديرة الخير الجنس : انثى المشاركات : 3,442
| ![]()
![]() خفنا يمشي عنا ومافي تكاسي هناك ما سكتنا عنه بس هو خايف من المكتب واكيد نسعان يبي يرجع بيته هو طول الطريق وهو يسوق نايم ![]() ![]() انا المفروض ماليزيا بكبرها تعطينا تذاكر مجانية لي ولعائلتي الصغيرة ![]() طالما قلت مطعمنا المفصل عيني حلو الأكل لذيذ والشبس عندهم خطير غير عن كل المطاعم طلبي صح واختاري مكونات طبقك بكل دقة وشوفي الطعم اللذيذ اتمنى لك سفرة موفقة ما باقي شي وتسافرون ![]()
| ||
![]() | ![]() |
![]() | #2 | ||
عضو قدير ![]() ![]() ![]() ![]() ![]() ![]() ![]() تاريخ التسجيل : Dec 2014 رقم العضوية : 140 الدولة : الكويت - ديرة الخير الجنس : انثى المشاركات : 3,442
| ![]()
ملاحظة كان اتفاقنا عند حجز الباص ان يكون السعر للباص من الساعه 10.30 صباحا وحتى الساع 7 مساءا لكن الباص تأخر علينا نصف ساعه اخذنا من الفندق الساعة 11 وربع تقريبا و3 ساعات ونص لما صادفنا حادث وقلنا للسايق لازم تعوضنا لأن الحادث مو ذنبنا قال اوكي واعتمدنا على كلامه ![]() ![]() المحطة الثالثة : جنتنق ( التلفريك ) ![]() ![]() وصلنا الى التلفريك وكان قريب جدا من المزرعة وهذا شباك لحجز الباصات Express Bus لكن ما أعرف اي باصات للأسف ما سألت ![]() والحمد لله كان شغال قصينا تذاكر ( صعود ونزول ) تذكرتين سعرة التذكرة الواحدة 6.40 رينجت احتفظ بتذكرة النزول لأنها لو ضاعت تشتري غيرها ![]() الأسعار زايدة شوي ![]() ما شاء الله فيه ناس وايد ما توقعنا على هالمطر ![]() ![]() ![]() ![]() ![]() ![]() بسم الله توكلنا على الله الجو كان مخيف ضباب ومطر وهواء عالي فوووووووق ![]() ![]() وكل ما صعدنا للأعلى صار الجو ابرد وايد ![]() ![]() ![]() ![]() ![]() ![]() صخة ما تسمع صوت الطيور كما تعودنا ![]() ![]() صوت المطر والهواء بس ![]() ![]() ![]() ![]() ![]() ![]() ![]() وصلنا بالسلامة والحمد لله طبعا الأعضاء الجدد على ماليزيا كانوا خايفين اختموا القرآن على ما وصلنا ![]() ![]() ههههههههههاي واحنا نضحك متعودين عليه بأول سفرة كنا نرجع من جنتق الساعه 12 بالليل والتلفريك صخة وظلمه بس صوت الطيور والحيوانات ![]() بعض الأكشاك الموجودة هناك ![]() ![]() كنت أدور الحب الجميل ( الكستناء) ![]() اللي ما يذوق الكستنا بماليزيا وخصوصا جنتق كأنه مازارها ![]() ![]() ![]() ![]() الكيس الكبير ب 12 رينجت الصغير 6.5 رينجت ![]() الكستناء حجمها صغير لكنها لذيذة بدرجة عجيبة اعشقها ![]() لفينا وايد عشان نوصل لصالة الألعاب الداخلية عشان الصغار لأن فيه بعض الاماكن محولين اتجاهها عشان تطوير الألعاب الخارجية في جنتنق دخنا الـ 10 دوخات ووصلنا اخيرا ![]() ![]() ![]() ![]() ![]() الصالة الداخلية للألعاب ![]() ووالصدمة الرابعة اليوم : ان الألعاب اللي تشتغل عددها 3 بس يا للهول ![]() يعني مشوارنا راح على الفاضي 3 العاب سخيفة اللي تشتغل بس ![]() ![]() هذه اسعار التذاكر ![]() ![]() ![]() ![]() اسعار الـ 3 العاب اللي تشتغل للكبير 29.70 رينجت الصغير 31.80 رينجت لو تدفع كل لعبة لحالها 8.5 رينجت اسعار صالة الثلج الكبير 31.8 رينجت الصغير 26.5 رينجت بكج عائلي ( 2كبار + 2 صغار ) 106 رينجت وطبعا ما حجزنا شي وفضلنا نروح لمنطقة الألعاب الألكترونية عشان الكل يلعب نحلل فلوس تذكرة صعود التلفريك ![]() يالله الحياة وخصوصا السفر كله تجارب وصدمات لكن الانسان هو اللي يتغلب عليها بارادته ويتجازوها ![]() أخذنا كرت تعبئة من شباك التذاكر بأي مبلغ على راحتك وتلعب اخذت 50 رينجت لكل كرت كان كفاية اخذت كرتين الجو بالخارج برد وهوااااااااء وضباب لكن يدخل بالعظم برررررررد صقيع ![]() ![]() ![]() صورت فندق الفيرست وولد ( الملون ) ![]() وعقب ما خلصنا الالعاب الالكترونية ![]() حان وقت العشق الكبير كافيه الحلويات The Bakery ![]() ![]() ![]() ![]() ![]() ![]() ![]() ![]() وبكل اسف ان التشيز كيك الحلو بالفراولة او المانجو كان خالص ![]() ![]() ![]() ![]() ![]() وهذه كيكتي اللي اخترتها ![]() ![]() ![]() ![]() صارت الساعة 7 مساءا وقت العودة للفندق اتصل السايق قال انا ناطركم قلنا وين تعويض الساعات اللي ضاعت علينا ؟؟؟ قال لاااااااااااااا ما أقدر الحين المكتب يسويلي مشكلة ![]() ![]() ![]() تباً لك انت والمكتب ![]() ![]() اتصل اخوي على مكتب الفندق وللأسف الغبي اللي كان موجود غير اللي حجزنا منه قال كلموا السايق كلمنا السايق قال كلموا المكتب وضعنا بالطوشة ![]() لكن بالأخير كلمنا السايق قلنا يبا ذبحتنا كل ربع ساعة يتصل ومعصب راح نعطيك زيادة بس خلنا نتعشى وننزل ![]() اخترنا مطعمنا المفضل في جنتنق ( The Bubbles & Bites) ![]() مكانه بنفس الدور اللي فيه كافية ذا بيكري قريب منه بالزاوية ولون المحل واضاءته مميزه بنفسجي لان مافي وقت نختار شي غيره الأكل حلال ومجربينه مرتين بسفراتنا السابقة ![]() ![]() ![]() المنيو كأنه جريدة يونس ![]() ![]() القلاص لونه ايهبل بنفسجي ![]() ![]() طلبنا وكان زحمة وتأخرت طلباتنا والسايق كل دقيقة يدق أخر شي قال بروح عنكم ![]() ![]() ويهدد بعد يحليله الشايب ![]() ![]() ![]() اختي قالت له بعطيك زوووووود بس انطم ![]() ![]() والا يسكر التلفون خخخخخ عصب الشايب علينا ![]() ![]() صور بعض اطباقنا ![]() ![]() ![]() ![]() فيه اطباق تأخرت اخذناها معانا تيك اوي دفعنا الحساب ![]() شفت هالتحف في المحل اللي مقابل المطعم عجييييييبة وتاخذ العين والقلب راحت بشتري وانصدمت بالسعر وتراجعت خفت تنكسر بالشنطة واحنا راجعين ![]() ![]() ![]() ونزلنا نركض للسايق ونزلنا بالتلفريك والوقت المستغرق 20 دقيقة وكل شوي يدق ويصكه بدون كلام ![]() وصار مافي سيرفس نتصل فيه بالتلفريك حسبي الله عليه صرقعنا ![]() وركضة لباب الخرووووووووج ![]() ![]() ونوصل للباب الغلط ونرجع نلف هاليوم كان فيلم عجيب تكسرت ريولنا ![]() وشفنا ما كو احد بالمواقف خرمس ![]() كل الناس راحت بس هو اللي واقف لما ركبنا اختي زفته ![]() ضمنا نركب اول عشان يوصلنا وبعدين زفته ووصلنا بحمد الله الفندق الساعة 11 والمطر اخرنا والشارع زلق مع الشايب طلب زيادة 150 رينجت بناءا على اوامر مكتب الحجز بالفندق وقال ترا مو حقي بسلمهم المكتب واكرمناه ب 100 عشان تأخرنا عليه وايد بدون لا نذكر للمكتب وراح متشقق على الفلوس ![]() وغسلنا وصلينا ما فاتنا جمع تأخير وأحلى نووووووووووووومة على هالركض كأنا بمارثون ![]()
| ||
![]() | ![]() |
![]() | #5 |
خبير سفر ![]() ![]() ![]() ![]() ![]() ![]() تاريخ التسجيل : Jul 2016 رقم العضوية : 11046 الدولة : سلطنة عُمان الجنس : ذكر المشاركات : 2,606 | ![]()
|
![]() | ![]() |
![]() | #6 |
مجلس الإدارة ![]() ![]() ![]() ![]() ![]() ![]() ![]() ![]() ![]() تاريخ التسجيل : Dec 2014 رقم العضوية : 15 المشاركات : 15,812 | ![]()
|
![]() | ![]() |
![]() | #7 | ||
عضو قدير ![]() ![]() ![]() ![]() ![]() ![]() ![]() تاريخ التسجيل : Dec 2014 رقم العضوية : 140 الدولة : الكويت - ديرة الخير الجنس : انثى المشاركات : 3,442
| ![]()
لا تحاتين اللي باقي من التقرير مو وايد حياك الله ![]() تسلم ما قصرت على هالكلام الحلو جنتق حلوة بس لو تفتح الألعاب الحارجية تصير نااااااااااااااااااار انا جربت السكن في جنتق سنة 2011 في فندق أوانا 3 ايام عشان الألعاب الخارجية كنا جدا مبسوطين كل يوم نطلع بالتفريك من الصبح ونرجع الساعه 12 بالليل احترم رأيك وبقوة لكن الآن فما اشوف ماله داعي السكن بجنتق لو عائلة صغيرة وعندكم وقت للمبيت بجنتق فليش لا ! كل انسان يخطط رحلته حسب راحته شكرا شكرا ان شاء الله نكمل اليوم تابع ولا تباعد ،،،،،،، شفت السايق عجيب وينرفز الوقت اللي ضاع كثير والحمد لله عدت على خير لكن كنا على أعصابنا سعر المزرعة والتلفريك لا يزال معقول ورمزي ان شاء الله ما يزيد لما تفتح الألعاب الجديدة بجنتق ![]() فعلا احنا كنا نحاتي لو راح اشلون نرجع كلنا لكن الحمد لله
| ||
![]() | ![]() |
![]() | #8 |
مسافر جديد ![]() تاريخ التسجيل : Jan 2017 رقم العضوية : 13615 الجنس : ذكر المشاركات : 59 | ![]()
|
![]() | ![]() |
![]() | #9 | ||
مراقبة العرب المسافرون ![]() ![]() ![]() ![]() ![]() ![]() ![]() ![]() ![]() تاريخ التسجيل : Dec 2014 رقم العضوية : 331 الدولة : الكويت الجنس : انثى المشاركات : 12,927
| ![]()
| ||
![]() | ![]() |
![]() | #10 | ||
عضو قدير ![]() ![]() ![]() ![]() ![]() ![]() ![]() تاريخ التسجيل : Dec 2014 رقم العضوية : 140 الدولة : الكويت - ديرة الخير الجنس : انثى المشاركات : 3,442
| ![]()
بعد ما أصبحنا على خير ونعمة ![]() ![]() درجة الحرارة ![]() نزلنا للريوق وشبعنا الحمد لله ![]() ![]() اتفقنا اليوم للتسوووووووووووووووووووووووووووووق اخذنا تكسي من اللي واقفين عند باب الفندق والسعر بالمتر ( عداد ) واخترنا التايمز سكوير مول ![]() بالطريق شفت هالمكان والبالونات طالعة من الدريشة تونس كافيه ![]() يمدحون البارك رويال ان شاء الله اجربه السفرة القادمة ![]() التايمز سكوير بضاعته منوعة بين الغالي والمعتدل وكل شي فيه هالمول عمري ما خلصت كل الأدوار اللي فيه ![]() ما شاء الله كبير ويبيله لياقة كبيرة ![]() ![]() ![]() وشفنا الحب الكبير Bread Story المعجنات عنده شي عجيب ولذيذ كنا نشتري منه بلنكاوي موجود في الميناء Jetty Point سبق وذكرته بتقريري للسفرة الثانية ![]() كنت اصور والا تنط وحدة من العاملات ![]() ![]() حسافة ضاق خلقي ![]() ما شبعت تصوير بالمحل ![]() ![]() ![]() وهذه لقطات من التايمز سكوير اول ما دخلت كنت اصور بعدين تعبت ومالي خلق نفسي ههههههههههه يا زين السوق زيناه ![]() شرينا هالجناط طبعا تقليد لكن مهما تحطين فيها اغراض خفيفة اتهبل سعرها 70 رينجت ![]() من هذا المحل ![]() هالمحل بضاعته حلوة - تلاقونه بالدور الأرضي ![]() البنيات الصغار اشتروا كفرات للأي فون سعر الواحد 25 لكنهم خذوا 5 عطاهم الواحد ب 18 ![]() ولازم تصبيرة من ( انتي آن ) ![]() ![]() وقضينا فيه تقريبا يوم كامل لما هلكنا ![]() ![]() ![]() ورجعنا الفندق نريح شوي ونطلع نتعشى لكن نص الفريق قعد بالفندق والنص الثاني طلعوا يدورون مطعم بالبافليون ![]() ![]() انا طبعا من الفريق اللي قعد بالفندق ![]() وطلبنا من الفندق عشاء وقعدنا عند اختي بغرفتها وكان هذا المقسوم الطاولة كشخة اشحلاتها يابها العامل للغرفة وفتحها من الأجناب وصارت كبيرة وحركات ورد ![]() ![]() ![]() نستاهل والله ![]() دلع يا ناس دلع ![]() طلبت معكرونه - حلوة لكن تحتاج ملح شوي ![]() وبيتزا - حليوة لكن واضح انها علبه مجمدة وحطوها بالفرن ![]() العيال همبورجر وشبس راهي ويشبع ![]() الأسعار مرتفعة نوعا ما لكن ما باليد حيلة دفعنا وعلينا بألف عافية والبنات شارين مانجا عجيبة ما شاء الله كبيرة وعسل ![]() ![]() اكلنا وسولفنا لما دخنا وكل واحد راح غرفته للنوم ![]() ![]() وانتهى اليوم الثالث في كوالا على خير ،،،،،،،،، ربي احفظنا من عيون لاتذكر الله اللهم اني استودعك نفسي واطفالي واهلي جميعا عندك
| ||
![]() | ![]() |
![]() |
| |
![]() | ||||
الموضوع | كاتب الموضوع | المنتدى | مشاركات | آخر مشاركة |
رحلتي العائلية 18 ليلة صيف 2015 من 16 يوليو إلى 3 أغسطس | abdullah h | تقارير لا تنسى | 420 | 28-03-2022 11:13 AM |
نحييكم من اندونيسيا في رحلتنا العائلية نوفمبر 2015 | ابو تركي 99 | بوابة اندونيسيا | 95 | 24-04-2017 10:06 AM |
الغردقة «ملكة المدن السياحية العربية» لعام 2015 | وليد عنبه | بوابة مصر | 33 | 01-04-2015 05:35 AM |