| | |||||||
مـواضـيـع مـمـيــزة
2292الاعجاب |
| | LinkBack  | أدوات الموضوع | انواع عرض الموضوع |
12-01-2017, 08:14 AM
| #321 |
| خبيرة سفر   تاريخ التسجيل : Jan 2015 رقم العضوية : 1049 الجنس : انثى المشاركات : 596 | 
|
|  |
|
12-01-2017, 08:58 AM
| #322 | ||
| مراقبة العرب المسافرون  تاريخ التسجيل : Dec 2014 رقم العضوية : 331 الدولة : الكويت الجنس : انثى المشاركات : 12,945
|
| ||
|
| |
|
12-01-2017, 10:19 AM
| #323 | ||
| عضو قدير  تاريخ التسجيل : Dec 2014 رقم العضوية : 140 الدولة : الكويت - ديرة الخير الجنس : انثى المشاركات : 3,442
| 
وبالليل نرتاح التلفريك بسفرة 2013 كان هواااااااااااا وفجأه وقف فينا فوق طبعا من التحكممو عشان اخترب والصغار قاموا يبجون ويصرخون واحنا الكبار صمت رهيب  يعني ختمه قرآن سريعه لكن الحمد لله دقايق وتحرك اتصدقين كل شي بالدنيا يخوف ربي يعافيك امون  هلا دندون ، احب اهل الضمير يا زينكم والله من صجك ما زرتيه ولا مرة ؟؟ اكيد انتو مو ربع السوق بالسفر هذا المول عندنا اجباري اقل شي 3 مرات نزروه بكل سفرة  اكيد فيها سكر مع الصوص ، انا اقصد حليوة يعني لذيذة بس مو وايد حتى بالكويت عندنا فيه بعض الوصفات نحط نتفة سكر نعادل فيها الحموضة لاحظت بهالسفرة من بعد غياب عن ماليزيا 3 سنوات انهم جشعين وطماعين ولسانهم طويل على السياح والعرب وخصوصا الخليجين بالنسبة لهم ابار نفط متحركة  بالنسبة لي انا دايما سفرات بنهاية شهر 8 او بداية 9 الجو عجيب والمطر يهبل لكن اصرار اخواني يعيدون ( عيد الفطر ) بره هالسنة اضطريت اروح خفت اقعد بالكويت واتحسف مارحت معاهم الحمد لله انه استانسنا الحر كان اكثر شي في بينانغ هالسنة الطقم حل وايد بس السعر ناااااااااااار سعيدة لمتابعتك دندوووووني  انا اقترحت على الأهل نحجز كل شي قبل روحتنا بس ما حبوا يتقيدون بجدول تحسبا لأي ظرف طارئ واحنا هناك فمشينا على البركة كل يوم نخطط له بيومه ههههههههههههههه لا تحترين انا احتريت وانقهرت عن العالم كله معاهم وبردت قلبي فيها لا تحاتين مو كلهم جذيه والله مر علينا سواقين ما سمعنا صوتهم بالتكسي الناس أجناس سبحان الله الحمد لله استانسنا ورجعنا بخير جو اسيا حلو من اواخر 8 الى 11 عن تجارب بماليزيا وتايلند مارس لاااااا يقولون ناشف حتى مطر ماكو النافورة عجييييييييييبة والمكان بالطبيعة وايد احلى من الصور نورتي التقرير هلا أم حسن لا تحاتي من السواقين مو كلهم جذيه انت غلطانه اشلون تتنازلين عن التسوق بالسفر ؟؟؟ يوحفظك يارب ويحفظ غواليك   ان شاء الله نجرب البارك رويال في كوالا شكرا لك على متابعتكم الأكواريوم متعة افا عليك اعاند جد جدهم  حقي ليش اتنازل عنه السواق هالسفرة عجب فعلا التايمز سكوير متعة التسوق الحقيقية 3 مرا نروح له وما نشبع بس هالمرة شطبنا عليه عدل كل الأدوار انا لهم بالمرصاد لا والله مو كلهم صعبين قله منهم تجرأوا هالثلاث سنوات اللي غبت عن ماليزيا فيها الرطوبه بس في بينانغ صادفتنا لكن كوالا الجو كان عجيييييييييييييييييييييب كان ودنا نمدد ومالقينا حجز
| ||
|
| |
|
12-01-2017, 12:03 PM
| #324 |
| مسافر متميز تاريخ التسجيل : Dec 2014 رقم العضوية : 465 الدولة : المملكة الخليفية الجنس : انثى المشاركات : 264 |
إضافة جميلة كالعادة قصقوصة كنت أنتظرها بفارغ الصبر حظكم مع السواق مب شي هالمرة لازم تستخدمون أوبر وتريحون راسكم البريد ستوي كأنج حطيتي بيكري مثله إسمه بريد هيستوري أو يتهيأ لي؟؟؟ فعلاً لو حاجزين أون لاين جان وفرتو أعصاب ووقت ومجهود وفلوس أحياناً الأكواريوم رحته مرتين والمرة اللي راحت لا لذا أفكر نروح له هالمرة لو في شي يديد بخاطري أشتري من هناك عود ودهن عود بس أخاف يقصون علي أنا غشيمة في هالأمور البارك رويال سكنته العام بس الأجنحة مب الفندق خذنا ثلاث سويتات على عددنا ماشاء الله أما عن الجو أختلف معاج أحس المطر الوايد يخرب الرحلة مايحليها أنا أغلب سفراتي بنهاية يناير وبداية فبراير والجو يكون معتدل حر نعم بس مقبول ومحتمل في كوالالمبور شنو أحلى مكان زرتيه وتنصحين فيه وليش؟؟؟ وبعد شنو أحلى مطعم تحسين إنه مايتطوف؟؟؟ لاتنسين أنا ماحب الأكل الآسيوي ولا آكل سي فود مطلقاً هل تفكرين تسكنين المرة الياية في الصنواي لاغون ريزورت؟؟؟ والمهم بعد شلون كان بتري الآيفون يكفيج طول الطلعة؟؟؟ أنا مايطول معاي وايد ولا يكفيني لغاية مانرجع ولا أعرف شاسوي!! وياريت لو ممكن تعرضين مشترياتج من هناك وشنو اللي تحسينه يسوى وشنو اللي ماله داعي؟؟؟
|
|
| |
|
12-01-2017, 12:16 PM
| #325 | ||
| عضو قدير تاريخ التسجيل : Dec 2014 رقم العضوية : 140 الدولة : الكويت - ديرة الخير الجنس : انثى المشاركات : 3,442
|
 الملكة تعود بتفاصيل جديدة   اليوم الخامس في كوالا وبدأ العد التنازلي لإنتهاء رحلتنا .gif "(50)") والكل ضايق خلقه بسرعة طارت الأيام  .gif "(5)") والوالدة الله يحفظها كل يوم تقول يالله عاد بس رجعوا كافي  .gif "(149)")  بعد الفطور   طلب بعض اعضاء الرحلة الرجوع الى التايمز سكوير كل واحد بخاطره يشتري شي شافه امس وتوكلنا على الله وانطلقنا بالتكسى قريب علينا لكن ما حبينا نروح مشي عشان نحافظ على الطاقة للتسوق هالمحل بضاعته حلوة كل شي فيه بالدور الأرضي  وتفرقنا بالمول عشان تكون الحركة اسهل .gif "(34)") كل عايلة بروح واحنا الخوات مع بعض  تسوق مع ايس كريم مرة .gif "(94)") اصابع سينامون مرة عصير شاي .gif "(90)") اي حاجة تسد الجوع وتعطينا طاقة لأكمال مشوار التسوق والحمد لله  بالدور الأرضي شفنا هالمحل وريحته تكفخ بالراس تشيز تارت لذيذ لذاذة ما حصلتش وخصوصا لما يبرد بالثلاجة هذا هو المحل لا يطووووووووووفكم     عندهم عرض تشتري 5 حبات ومجانا 1 بسعر ممتاز العلبه انيقة ومرتبة     ياويل قلبي شكل التشيز تارت يشوووووووووق مسطر عدل  المحل مكانه بالضبط اول ما ندخل المول نروح يمين نلاقي اسكليتر ( درج كهربائي ) ننزل تحت نلاقي المحل  عشان نقعد ونحلي علي راحتنا دخلنا المحل الملاصق له وشربنا عصير طبيعي بنكهات غريبة  منقولة  رجعنا العصر الى الفندق نصلي ونريح ونحط الأغراض اللي اشتريناها
| ||
|
| |
|
12-01-2017, 12:39 PM
| #326 | ||
| عضو قدير تاريخ التسجيل : Dec 2014 رقم العضوية : 140 الدولة : الكويت - ديرة الخير الجنس : انثى المشاركات : 3,442
|
 وبعد المغرب تمشينا الى مول البافليون عشان نتغدا ونتعشا في آن واحد ( متعوب عليها الآن الواحد ) قريب وايد من فندقنا رويال شولان بعد الاستطلاع بالمول الشباب قالوا عن سر مسوينه من ورانا  اقترحوا يودونا مطعم جديد جربوه البارح من ورانا   وقالوا راح يعجبكم اكيد  بالطريق الى البافليون وصلنا المول بسرعة عن طريق الجسر ((( مطعم الحلبي ))))   هذا مكانه - منطقة الأكل - الدور السابع  صور عامة للمطعم وهو بالحقيقة مو بس مطعم يبيعون كل شي حلويات شاي حلقوم مرامية عسل فاكهة مجففة قهوة اواني مذهبة زيت زيتون دبس الرمان التركي فاكهة وايد شغلات ما شاء الله عندهم شووفوا الصور واستمتعوا .gif "(125)") المكان يشوق حسيت اني بسوبرماركت عربي تركي سوري             شاي الرمان التركي انا شاريته من تركيا بسعر ما يتعدا 7 ليرة وعندهم السعر مضاعف ( 3 مرات )       المطعم شرح والصالة كبيرة لكن الديكور احس مبالغ فيه هذا رأيي بس حلوووووووووووو      بهالمكان قعدنا يكون عالي مثل البلكونة بروحنااااااااااااااااااااااا      حان وقت الطلب  المنيوووووووووو       المنيو وايد منوع  وصور الأطباق تشوق تخليك تحتار شنو تطلب كل طلب عليه سعره بالصورة   اول الصيافة ( الخبز الحار ) ياويلي على الريحة والطعم بسرعة طار قضينا على الخبز بلمح البصر جوااااااااااااعة   احب الخبز والمعجنات والحلويات طلب العيال - ورق عنب - حلو سعره 15  خبزتي العزيزة  خبز بالثوم بنكهات تقول اختي لذيذ    ملوخية طلب الأهل الريحة عجيبة وذقتها خطيرة ومضبوطة  وغرق الغرقان أكثر  عيش بالشعرية لزوم الملوخية الخطيرة   والعيش مع المكسرات  باقي الطلبات   دجاج مشوي مع عيش ( تندوري )  طلب وليدي - المفروض هذا برياني لحم بس أنا اشوفه مجبوس لحم  بس وايد خنين ولذيذ مضبوووط كمجبوس  وندلع نفسنا بكوكتيل ملل كل يوم بيبسي ضربنا الرقم القياسي بهالسفرة بالمسروبات الغازية ولما رجعت شهر كامل ما دخلتها البيت  طلبي - مقلوبة دجاج حليوة ( يعني مو وايد حلوة ) البهارات فيها كثيرة مغطية على طعم العيش بشكل واضح مع ان لون العيش حلو من كثرة الدارسين ( القرفة )  معاها روب مضبوط كانه الروب اللي نسويه بالبيت   طلب باقي الشباب اعتقد هالأكلة كان اسمها شاكرية لحم باللبن مع عيش بالمكسرات يقولون وايد لذيذة لذيذة لذاذة اللذوذين   ونقاشات جميلة بعد ما شبعنا أو بالأحرى دخنا ربي لك الحمد على كل النعم  حسابي انا والعيال  ولاحظوا بالفاتورة ان المطعم تابع لشركة مطاعم الطربوش  بس الطعم يفوق الطربوش بكثير  وقفوا البنات يشترون حلقوم - السعر غالي لكن عن خاطرهم وكان لذيذ وطري جدا فرش  وبالغلط واحدة من البنات دعمت فازة فيها ماي وانكسرت .gif "(111)") بس الحمد لله ما تعورت جرح بسيط بريولها - حرام تفاجأت وخافت الوجه صار رمادي من الخوف   بسرعة نظفوا المكان وطبعا ما دفعنا اي شي عشان الفازة اللي انكسرت لأنهم ما تكلموا واعتذر مديرهم لنا لأنها انجرحت بس الحمد لله اصابة خفيفة ولفت نظري أرضية المطعم  نقشات دمشقية أصيلة  المرامية - فتحت الغطاء والريحة تبط الراس ما شاء الله دليل على انها جديدة   بعض القعدات الخارجية بكورنر لحالها بالمطعم  الأواني المذهبة      طرابيش للبيع ( المفرد طربوش )  كنا في هذا المطعم الجميل   هذا عنوانه  مكانه بالدور السابع وتوكلنا على الله لازم ننزل عشان نرجع الفندق  ما شاء الله زحمة مو طبيعية كل الناس بالبافليون  والجو حلو نتمشى على راحتنا نهضم اللي اكلناه علينا بالف عافية       تقييمي للمطعم : - اكل لذيذ وحلو - نظيف - الخدمة زينة بس يحتاجون يكونون اسرع شوي - الأسعار معتدلة مو غالي وايد - التعامل راقي - المكان روعة وشرح وايد - اعطية 9/10 أنصحكم تجربونه ان شاء الله يعجبكم ،،،،،،،،،،،،،،،، تحياتي لكم ،،،،،،،،، استراحة قصيرة وارجع اكمل ان شاء الله اذا لحقت 
| ||
|
| |
|
12-01-2017, 02:37 PM
| #327 | ||
| عضو قدير  تاريخ التسجيل : Dec 2014 رقم العضوية : 732 الجنس : انثى المشاركات : 1,600
|
| ||
|
| |
|
12-01-2017, 03:09 PM
| #328 | ||
| عضو قدير تاريخ التسجيل : Dec 2014 رقم العضوية : 140 الدولة : الكويت - ديرة الخير الجنس : انثى المشاركات : 3,442
|
دندوووووووون هههههههههههاي توقعتك علقتي على البارت اللي نزلته   طلعتي تفكرين بالغدا انا نفسك اسألهم يقولون كيفك واذا سويت قالوا ملينا من هالطبخة عوافي الشاكرية مقدما انقذتيني كنت شاكة ان الصورة اللي نزلتها مو هي الشاكرية شكرا لك 
| ||
|
| |
|
12-01-2017, 03:42 PM
| #329 | ||
| عضو قدير تاريخ التسجيل : Dec 2014 رقم العضوية : 732 الجنس : انثى المشاركات : 1,600
|
| ||
|
| |
وانا مع بيبي فيس، يا ريت تحكيلنا رأيك بالمشتريات عموما ولو نزلتي صور ما بنقول لأ 
|
12-01-2017, 09:03 PM
| #330 |
| مسافر متألق تاريخ التسجيل : Sep 2015 رقم العضوية : 5980 الجنس : انثى المشاركات : 410 |
|
|
| |
|
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| رحلتي العائلية 18 ليلة صيف 2015 من 16 يوليو إلى 3 أغسطس | abdullah h | تقارير لا تنسى | 420 | 28-03-2022 11:13 AM |
| نحييكم من اندونيسيا في رحلتنا العائلية نوفمبر 2015 | ابو تركي 99 | بوابة اندونيسيا | 95 | 24-04-2017 10:06 AM |
| الغردقة «ملكة المدن السياحية العربية» لعام 2015 | وليد عنبه | بوابة مصر | 33 | 01-04-2015 05:35 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Friendly URLs by vBSEO
Search Engine Friendly URLs by vBSEO
