السلام عليكم

احتاج مساعدتكم في رحلتي الي الصين انا وزوجتي بغرض السياحة والتجارة البسيطه للمره الاولى وعندي كم سؤال اتمنى تفيدوني

1- المدن السياحيه المناسبه واهم المناطق الترفيهية للعلم انا وزوجتي نحب المغامرة و الجنان بالاصح يعني لحد يقول حديقه و متحف هههههه

2 - المدن الي ممكن نشتري منها بضاعه متنوعه وفكرتنا نفتح حساب في برامج التواصل الاجتماعي وتكون بضاعتنا الاشياء الغريبه و المميزه

3- افضل شهر للسفر للمدن المقترحه بالنسبه للجو

4- كم يوم تقريبا ممكن نحتاج للرحله دي

5- المبلغ المتوفر معي( 55 الف ريال )يكفي للرحله كامله مثلا نص لشراء البضاعه و نص للتمشيات والتسوق الشخصي و الاكل و السكن ومايهمنا يكون من افخم الفنادق بس لوقت النوم لانو اغلب وقتنا اكيد حيكون برا الفندق ؟؟

6- ممكن الاقي مكاتب او اشخاص في جدة يرتبولي الرحله من البدايه للنهاية ؟؟؟؟ لانو اكثر المكاتب الي زرتها قبل كدا اتوقع للسياحه فقط



اتمنى تساعدوني لو بالقليل في اقرب وقت محتار و مو عارف اقرر شئ