من وجهة نظري تعتبر الخطوط السعودية من
افضل السيئين من ناحية خدمة الحجز عن طريق النت او زيارة احدى مكاتبها الرئيسية .
والاسعار طبعا حدث ولا حرج ولاننسى خدمة اعضاء الفرسان لديهم سيئة جدا

انا ماراح اتحدث عن اسباب الارتفاع الى حاصل للحجز من السعودية لانها اسباب مجهوله بالنسبه لي
ولكن بضيف على مقارنتك مقارنة هي اللي قهرتني جد
في احد المرات طلبت حجز من الدمام لجدة فكان سعر الخطوط السعودية 1030ريال ذهاب وعوده ولما شيكت السعر من البحرين على نفس التواريخ ونفس الطيران السعودي كان السعر 770 ريال ذهاب وعوده ...

يعني عشان احظى بالسعر الاقل لابد اروح البحرين ثم ارجع السعودية من جديد

للعلم انا اكثر سفراتي من البحرين لعدة اسباب
اولها فارق السعر الكبير بين الاقلاع من الدمام او البحرين
ثانيها المواقف بالبحرين ارخص بكثير من عندنا وهذا يفيد الي سفرته بالاسابيع
ثالثاً بالبحرين اذا وقفت سيارتك يجيك باص يشيلك مع عفشك حتى صالة المغادره وهذا الشي لايتوفر بمطاراتنا للاسف