ههههه ليمو والله موقف مش سهل، بس المهم الإرادة القوية . انا لو مكانك بصراحة ما بستنى .. احييك على مثابرتك ..
وليش بتقولي ما بتعرفي تروي مواقف.. ! ظلمتِ نفسك بهالكلام

غردقاوي .. كاستين الشاي فصلوني من الضحك .. ووصفة العلاج الشعبي حاجة تانية خالص



رامز احياناً بتصير معي شغلات اني اشوف مخلوق ما حدا شايفه ... والله شي بيعقّد وبيخوف فعلا.. خاصة انهم دايما مخلوقات غريبة ومش مفروض تكون حوالينا أصلا....

قبل فترة دخلت أنام وبعد دقائق قمت مرعوبة وبصرخ .. وهي حالة أندر من النادرة بالنسبة الي .. المهم رحت لزوجي على الصالة وانا بحكيله اني شفت عنكبوت كبير جاي على وجهي ..
هو بالبداية صدقني واجا يدور معي على العنكبوت رغم استغرابه لاني ما بخاف من الحشرات عموماً ولا ممكن أعمل موقف متل هيك بسبب عنكبوت .. دورنا ما لقينا شي فسألني عن مواصفاته .. قلتله بحجم اليد ولونه اسود وكله شعر
اعطاني نظرة وقال لي عم تتخوتي علي؟؟ من وين بدو يجي هيك عنكبوت هو احنا عايشين بالأمازون!!

وانا احلف وهو يحلف .. بالآخر اضطريت اصدقه اني كنت احلم مع اني ما نمت ولا لحقت اغفى اصلاً..

نفس الشي صار مرة مع مخلوق عجيب ولا حتى عرفت اوصفه .. بمجرد ما لفيت وجهي انادي الوالد، اختفى تماماً..

عم افكر اخد نفس الكورس اللي وصفهولك الدكتور الغردقاوي