مساعدة في التخطيط لرحلتي الى سويسرا

أبو مهاب · 18-01-2017, 10:07 AM

اقتباس : المشاركة الأصلية كتبت بواسطة ليلك

السلام عليكم ..

ان شاء الله ستكون رحلتي مع عائلتي المكونه من الزوجين و 3 اطفال(5 و 12 و 16 سنه) في شهر 7 او 8 ميلادي وننوي ان تكون الرحلة لسويسرا و باريس وديزني لاند ان شاء الله ويهمنا ان تكاليف الرحلة تكون معقولة
تفكيري المبدئي باريس 3 ليالي و ديزني ليلتين اما سويسرا محتاره في عدد الليالي

استفسارتي بخصوص الرحلة :

1) ايهما افضل لبدء رحلتي هل ابدأها بسويسرا وانهيها في باريس او العكس ؟؟ نبي الاسهل بما انا عائلة

ما تفرق كثير ، شوفي أسعار الطيران الذهاب باريس والعودة جنيف او العكس واختاري الأرخص

اذا مافي فرق بالسعر ، باريس وصول والعودة من جنيف ، انا شخصيا ما احب افصل السكن في باريس وديزني

5 ليالي في باريس (يومين اروح فيها ديزني وارجع بنفس اليوم)

2) شنو اقتراحاتكم لي في مخطط الرحله؟؟ ما اعرف شنو عدد الليالي المناسبة لانترلاكن مثلا اهم شي ان مانبي نمل في المكان ..من خبرتكم هل اسكن في انسي او تقترحون مكان ثاني ؟؟

انترلاكن أقل شي 5 ليالي ، 7 مناسبة تماما

اذا العودة من جنيف ، فالسكن في أنسي مناسب أو القرى الأقرب مثل ديفون و فرنيه فولتير

3)بالنسبة للسكن شنو اقتراحاتكم في كل منطقة وايهما افضل السكن في اجنحه فندقيه او شقق ؟؟ ووين تقترحوا اسكن في انترلاكن ؟؟

السكن في الشقق بيكون أفضل وبيوفر عليكم (حتى في باريس)

شهر 7 - 8 في انترلاكن السكن بيكون غالي في السنتر

ممكن تشوفي استلفالد - برينز - لوتربرونين - جراندلفالد

وانصحك تشوفي موقع https://www.airbnb.com/

بالاضافة الى بوكنج

4)هل لازم نستأجر سياره في سويسرا ؟؟ وايهما اوفر استئجار سيارة او التنقل بالمواصلات العامه؟؟

السيارة أفضل وراحة وخصوصية وأوفر

5)من خبرتكم كم احط ميزانيه للمصروف اليومي ؟؟ وكم تتوقعون تكلف الرحلة ؟؟

أصعب سؤال لأنها تعتمد على الحاجة والرغبة والذوق ووووو

بس على عددكم 1000 - 1200 ريال يوميا (بدون السكن)

6)كيف راح يكون الجو في سويسرا شهر 7 و8 ؟ هل اكتفي بالصيفي او لا ؟؟

بيكون حلو ، بس الجاكيت ضروري عشان المرتفعات والقمم

7)شنو افضل خطوط الطيران اللي جربتوها من ناحية السعر ؟؟

انا دايم على السعودية ولو أغلى شوي عشان دايركت وخصوصا عائلة،لكن لا يمنع الترانزيت اذا كان السعر مغري جدا

8) شنو احلى الشلالات اللي تستحق العنوه لان حسب ما فهمت ان فيه شلالات وايد فمو عارفة الافضل

شلالات الراين - جس باخ - ثرومل باخ

9) سمعت بسويسرا المصغرة ان شاء الله ناويه اروحها لكن مادري وين مكانها ...وبالنسبه لبيت هايدي اقدر اروح له من انتلاكن؟؟

سويسرا المصغرة في لوجانو وبعيدة شوي عليكم ومالها داعي لأنها مو في طريقكم

بيت هايدي 5 ساعات رايح جاي (ما أنصحك لنفس السبب)

اعذروني اذا كثرت اسأله لكن هذي اول مره اخطط بنفسي لرحله وزوجي معتمد علي في التخطيط بسبب انشغاله واللي خلاني اخطط بنفسي اني سمعت ان الحجز عن طريق لمكاتب السياحيه راح يكلفنا اكثر بواايد من لو حجزنا بنفسنا

كلام سليم رتبي كل شي بنفسك وان شاء الله الاخوان هنا ما يقصروا معاكي

وأهم شي اسألي وشاوري بعدين استخيري والله يوفقكم

وجهات أوروبيةمعجبون بهذا.

ليلك · 18-01-2017, 09:14 PM

اقتباس : المشاركة الأصلية كتبت بواسطة أبو مهاب

كلام سليم رتبي كل شي بنفسك وان شاء الله الاخوان هنا ما يقصروا معاكي

وأهم شي اسألي وشاوري بعدين استخيري والله يوفقكم

الف شكر اخوي ابو مهاب ماقصرت وجزاك الله خير

1)بخصوص باريس وديزني قصدك اني اسكن في باريس 5 ليالي واترك الشنط في الفندق واروح ديزني ابات ليلتين؟؟...لكن بهالطريقة راح ادفع لفندق باريس ليلتين انا ما احتاجهم !! صحح لي اذا كنت غلطانه

2)ورايك اذا كانت بداية الرحلة باريس هل اتجه لديزني مباشرة اول ما اوصل لو ابات ليلة في باريس ويوم ثاني اروح لديزني ؟؟

3)بالنسبه للسكن في انسي او ديفون و فرنيه فولتير تقترح كم ليلة ؟؟ انا في بالي نروح مصنع نستله وحديقة الحيوانات سيرفيون رايك اي منطقة من هالثلاث اقرب لو ما تفرق ؟؟

4)حديقة القطارات المصغرة هل هي نفسها سويسرا المصغرة؟؟ واذا مو نفسها هل تستحق الزيارة؟؟

5)شنو اقتراحك للسكن سواء شقق او غيره في انسي و ديفون و فرنيه ؟

6)بالنسبة لاقتراحك لخط الرحلة هو : باريس ثم انترلاكن ثم انسي او ديفون وفرنيه بحكم قربهم من جنيف والمطار ...صح؟

7)بالنسبة للسيارة كم راح يكلف استئجارها في سويسرا وكم احط ميزانية للبنزين والباركينق ؟؟

ا8)لمصروف اليومي اللي اقترحته شنو يشمل ؟؟ هل يشمل دخول الاماكن السياحية؟؟

9)حسب ما فهمت ان فيه اكثر من قمه ثلجية واكثر شي اسمع عنه تتلس هل هي الأفضل لو في افضل منها ؟؟

10) نسيت اسأل عن طريقة التنقل من باريس لسويسرا هل هي قطار ام طيران ؟؟

11)اذا بستأجر سيارة في سويسرا منوين استلمها وفي وين اسلمها؟؟ وشنو المواقع الي تقترحها علي من ناحية السعر والتعامل

12) من وين استخرج الفيزا ؟؟فرنسا لو سويسرا؟؟

اوروبا عشقي و وجهات أوروبية معجبون بهذا.

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
أرجو مساعدتي في التخطيط لرحلتي	abeekgrby	بوابة اسبانيا	10	24-03-2017 03:21 AM
مساعدة فى التخطيط لرحلة	همس الليالي	بوابة سويسرا	7	18-10-2016 02:46 AM
مساعدة ف التخطيط لشهر عسل	Ayman2016	بوابة سويسرا	3	20-03-2016 01:51 PM
مساعدة في التخطيط لشهر عسل لمدة 23 يوم	رحال02	بوابة سويسرا	17	07-12-2015 08:21 AM
ارجو المساعده في التخطيط لرحلتي الى هونج كونج وجوانزو	ابـو تركي	بوابة الصين وهونج كونج	20	08-11-2015 09:01 AM