حياك الله أخي العزيز.
أنا موجود في كيب تاون للدراسة، و لو أحتجت اي شيء لأي أمر كان فما يردك غير لسانك يالخوي.
أنصحك تسوق بنفسك لأن السياقة هنا متعة و أنت سيد نفسك، تروح و تيجي على كيفك.
عمري ما مسكت خط مرة وحدة، أحب يوم أتنقل في ايام الإجازات أني أوقف صوب المزارع و أستكشف المناطق. و الطبيعة هنا جدا جميلة و تشجعك على السياقة.
الإخوان ما قصرو في نصائحهم و مواضيعهم كافية و وافية و أنا حاليا أنزل موضوع بسيط مقارنة بمواضيع الأخوان جزاهم الله خير و مر عليه إذا بيفيدك.

إنطباعي الشخصي إن جوهانسبرج ما تستاهل يومين.
"لو" كان مكوثك لمدة أطول ،و حط تحت كلمة لو خطين ، كنت بنصحك تنزل في مطار نيلسبرت و تروح سفاري كروجر و تجلس 2-3 أيام و تستكشف مدينة سابي اللي حواليها. و عقبها تطلع من نلسبرت بالطيارة و تنزل في جورج عشان الجاردن روت و بعدها تطلع صوب كيب تاون بالسيارة و من كيب ناون ترجع للملكة العربية السعودية الشقيقة، مملكة القلوب.


موفق أخوي و زيارة ممتعة