06-03-2015, 02:36 AM
|
#36 |
مسافر متميز
تاريخ التسجيل : Jan 2015 رقم العضوية : 1472 الجنس : ذكر المشاركات : 252
|  رد: استفسار فنادق كوالالمبور
 |
اتمنى لك اخي الكريم بدايه رحلة سعيدة وهذه ملاحظاتي على الجدول :
اول شي لم تدرج مدينه الألعاب المائيه الصن واي لاقون في جدول سيلانقور والمدينة ملاصقه للفندق تماما
لا تضيع فرصة زيارتها من الصباح 10 الي الساعه 6 مساءا جدا ممتعه
والتذاكر اخر سفرة لنا كانت الكبير 120 رينجت والصغير 90
وفي نفس يوم زيارتها ومن بعد الراحة شوي في الفندق تكملون يومكم بالتسوق في المول التابع للفندق
ما اعتقد ان بنزورها لأننا لا تعشق الأالعاب المائية
مدينة الأضواء زياتها مساءا حتى ترون الجمال والأضواء من بعد الساعه 6 مساءا ( مجانا بدون تذاكر)
والصباح ممكن تروحون الشلال وبالطريق الأبار الحاره ممكن زيارتها
او حديقة الحيوانات ( زو نيقارا) الحديقة اعتقد كانت التذكره 50 ريجنت للكبير و35-40 للصغير مو متذكرة
يمكن تكون ارتفعت الحين شوي (هذا شي طبيعي )
انزين بس حديقة الحيوان المعروفة مكانها سيلانجور ولا كوالالمبور لين الحين مب عارف
بوتروجايا لم يسبق لي زيارتها لكنها حلوة والكل يمدحها تروحون لها العصاري
بنحاول زيارتها مع أن احس الوقت ما يكفي
والصبح تقضونه بمكان اخر تسوق مثلا في اي من مجمعات كوالالمبور لأن سيلانقور جزء منها
ممكن تاخذ جوله في باص الهوب هوب
وين يودينا الباص ومن وين ناخذه ؟
لنكاوي :
عن تجربه المنقروف رحلة العصر اونس والجو الطف
الصبح ممكن تزور الاكواريوم
- التلفريك وحديقه الفاكهه
وميدان النسر ملاصق لميناء الجتي بوينت للسوق الحرة تلاقي فيه بعض الشغلات اسعارها حلوة ورخيصة
- ما فهت المقصودة بالهوبنج تور ؟؟؟؟
الهوبنج تور انا جفته في النت هي رحلة بحرية تقريبا نفس المنغروف بس بكنسلها خلاص
الشلالات اكيد رحلتها الصبح وغالبا ما تكون متعبه لأن فيها صعود ونزول تحتاج لياقه بس ما يمنع زيارتها
العذراء الحامل اكره هذه الرحلة وما أنصح فيها لأن الأمواج عاليه جدا لما تطلع بالقارب جهه تايلند مرعبه جدا
ما أنصح فيها لو معاكم اطفال
احتمال زيادة عدد المسافرين حسب ما سمعت اليوم من العائلة الله يستر خخخخخخ
لنكاوي ما فيها اسواق
بينانغ :
حديقة الطيور والفراشات مضيعه للوقت ما أنصح فيها بس اذا عندك وقت فاضي ممكن تروح
- الهضبة ومصنع الشوكوته والقهوة تكون بيوم واحد تتفق مع سائق للجولات بالساعه ممكن السعر 25-30 رينجت بالساعه
وكل السواقين معاهم بروشورات بالأماكن السايحية تختار منها ما يعجبك
يمكن انزور حديقة الطيور اذا معانا اطفال ولكن حقنا حديقة الحيوانات تكفينا مع حديقة الفواكة
السوق الليلي موعده من 6 مساءا الي منتصف الليل للتمشي وكاسر بالأسعار كثر ما تقدر للنصف
بس تحذر تكاسر وانت مو ناوي تشتري تراك بتسمع مسبات وكلام قذر منهم فتوخى الحذر ماله داعي
اكيد ما بكاسر بالسعر اذا مب ناوي اشتري خرعتيني
رحلة الصيد والقرود تاخذها من المكاتب السياحية او المكتب السياحي في الفندق اللي انت فيه
موعدها من 10 ص الي 4 عصار انا استمتع فيها جدا وتكون مع الغداء مشويات بحريه لذيذة
وفيه ناس ما تعجبهم لكن الجزيرة حلوة والمكان يشرح
ان شاء الله من ضمن الخطة
الأسواق : لاتنسى القيرني بلازا ممتع وفيه مطاعم داخل وخارج المجمع القعدة حلوة واسعار المحلات حلوة
- كوينسبي مول - وجنب القرني بلازا فيه مول جديد نسيت اسمه
ممكن تسألون السايق او الفندق ويخبرونكم بالأفضل
والأسعار للتكسي في بينانغ محددة ومتشابهه من الحكومه
وان شاء الله بس اذكر شي بخبرك
راح انزل تقرير رحلتي الثانية هاليومين ممكن تستفيد منه
بانتظار التقرير
كواللالمبور :
جنتنق من الصبح من بعد الفطور وتمر بالطريق للمعبد الواقف المكان حلو بس لا تصعد 286 درجه عشان معبدهم ما يستاهل
لكن المكان حلو للتصوير
ومنها الي حديقة الفراوله حلوة وانصحك تشتري حليب بالفراوله والعصير لذيذ جدا
ههه انا بروح جنتينغ عشان الفرولة يا سلااااام
وبعد فيه القريه اليابانية والشرقيه يمدحون المكان للتصوير والمتعه وراحة النفس لكن لم يسبق لي زيارتها
ثم تصل الى جنتق تجرب التلفريك وتتجول بالمول التابع لهالفنادق بالمنطقة وترجع
لأن الألعاب الخارجيه لسه ما افتتحوها لازال العمل فيها شغال وبتكون ديزني جديدة واحلة حسب ما سمعت
فيه العاب للصغار بالصاله الداخلية وسينما رباعية وبعض الألععب اللي تخص الكبار
المنارو والبرجين ما زرتهم وما اعرف عنهم الكثير
مجمع سوريا كي ال ال هو ملاصق للبرجين وتقدر تزور الأكورايوم جنبه ثم تتسوق بالمول وتقضي وقت ممتع لليل من كبره وضخامته
وفيه مطاعم كثيرة
هذا كل ما يحضرني الآن
رحلة سعيدة وبالتوفيق | |
شكرا لج اختي على المعلومات القيمة ويعطيج العافية على التفاصيل اللي ذكرتيها وبانتظار التقرير |
| |
العرض الشجري
المواضيع المتشابهه 
