رحله الكريسماس 2016 (لندن- مانشستر- كارديف) - الصفحة 6

opera_kw · 03-06-2017, 01:56 PM

اقتباس : المشاركة الأصلية كتبت بواسطة آخـــرفـــرصـــة

الكل مهتم يعرف وش صار على تذاكر المباراة
و أتوقع دخلتوا المباراة و استانستوا

حلو التصوير في لندن وقت زينة الكريسماس
بس محبط تقفيل المحلات والاندرقراوند
وقت مناسب لمشاهدة فيلم جديد

متابعين وياك

ان شالله بتعرفون شصار

وهذا درس لازم الكل يستفيد منه

وانا اول وحده خلااااص ما احج اي شي الا عن طريق الموقع الرسمي

opera_kw · 03-06-2017, 01:58 PM

اقتباس : المشاركة الأصلية كتبت بواسطة ام سلطانة

رحلة جميلة 😍مشالله بس بانتظار التكملة تحمسنا نعرف وش صار

اقتباس : المشاركة الأصلية كتبت بواسطة Haksa77

أجزاء رائعة من المبدعة أوبرا
كلشي مقفل
متاابع ويااج أن شاء الله
شكراً لك بحجم السماء

اقتباس : المشاركة الأصلية كتبت بواسطة ليون

متابع لرحلتكم الجميلة
لاحظت انكم تتمشون في الليل
كيف الوضع من ناحية أمنية؟

وبخصوص التذاكر متحمس مع الشباب أعرف نهاية القصة
شافوا المفاجأة أو لا

شكرا جزيلا عالمتابعه والكلام الطيب

اما عن الامن .. ابد مافي شي الكل يمشي بالليل والوضع طيب
والكل يمشي بالليل

الايمان و Haksa77 معجبون بهذا.

opera_kw · 03-06-2017, 02:25 PM

اليوم الخامس : 26/12/2017

اليوم المنتظر

بوكسينق دااااي

من الصبح بنخلص السوق علشان موعدنا المباراه الساعه 3

بس

ذكرت من قبل انه عيالي مشتركين مع ارسنال ...

وبعد ما حجزت التذاكر

اعلنو انه عندهم رحله الى لندن بالكريسماس وبياخذون الاعضاء برحله داخل النادي وتصوير مع اللاعبين ودخول المباراه

طبعا انا حاجزه تذاكر فكلمناهم انه نبي ياخذونهم وياهم لدخول الملعب ويشوفون التدريبات واللاعبين

المهم الحين موعدنا قبل المباراه بساعتين

يعني لازم نكون موجودين الساعه 1 عند الملعب علشان ياخذون الاولاد معاهم

طلعنا عقب الريوق

والمحلات طوابييييييييييير

بالبدايه رحت بريمارك

بس ماكو شي يستحق الشراء بهذا اليوم

وبعد مابي اشيل معاي اكياس من الملابس وانا عندي شي اهم منه

وبريمارك موجود بمانشستر وكارديف فماكان شي مهم بالنسبه لي

رحنا للمهم

سلفرج

وبعد الوقفه بالطابور

دخلنا

زحمه

الملابس عليها خصومات

ملابس الاطفال ما تتطوف عليها خصومات حلوه

شريت للاطفال بس الاغلب شتوي

وشريت لي جاكيت

اما الشنط ماعليهم خصم

انا كنت حاطه ببالي اكثر من شي ابي اشتريهم وكلهم اخذتهم بالسعر العادي ماعليهم خصم

وهذا الكافيه موجود في سلفرج ماعندي وقت للقهوه

زحمه وايد تسوقنا عالسريع

و دور على استرجاع الضرائب

تخلي الواحد يقول لا مابي استرجع قيمه الاشياء اللي شريتها

بس بصراحه شارين وايد اشياء والمبلغ بيطلع شي محترم

وقفنا بالدور

بس الدور بسررررعه يمشي ما تاخرنا

الحمدلله

وتمشينا بالشارع

ومحل ديزني مسوي خصم كبييير

شرينا وايد اشياء باقل من نص السعر

ولابد من محلات الرياضيه

والاولاد يدورون جواتي اللاعبين االمفضلين

بس طبعا ماعليهم خصم بعد

بس في اشياء زينه تستحق

ونكمل الشارع

والى هاوس اوف فريزر

وهذا العطر اخذته ماعليه خصم

بس عجيب ونفس الماركه عندهم عطور عليها خصم

اخذت منهم

واستراحه صغيره

يتبع...

q8ya metnaqla, الايمان, Haksa77 و 1 آخرون معجبون بهذا.

opera_kw · 03-06-2017, 02:48 PM

تابع اليوم الخامس...

بعد ما رجعنا الفندق حطينا الاغراض اللي شريناها

وانطلقنا الى الملعب

وا ول ماتنزلون من المحطه

كل مكان تلاقون شعارات واعلام ارسنال

ووصلنا الملعب

وراحو الطفال مع الكوتش

واحنا استغلينا الساعات بالجوله حوالين الملعب

والكشكات بالشوارع يبيعون تقليد

ماعندهم حقوق حفظ

عادي يم الملعب ويبيعون تقليد

ماكو مشكله والوضع طيب

ورجعنا باللمحل الاصلي لارسنال

ملابس الاطفال

شرينا بعض الاشياء
واهم شي اسكارفات للتشجيع دخل الملعب

الحين خلصو الاطفال من جولتهم داخل النادي مع الكوتش

و استلمناهم

رحنا ندخل من البوابه الرئيسيه فتشونا ودخلونا و بالبوابه الرئيسيه مايشوفون التذاكر

وعند بوابه دخول الملعب

الرجال بصوب النساء بصوب

راح زوجي مع الاولاد

وانا بروحي

المهم وصل دوري

شافت التذكره جان تسألني منو ( قالت اسمه) وطبعا قلت لا نفس ما وصانا اللي معطينا التذاكر

قلت لها هذا صديق العايله و عطانا التذكره هديه بمناسبه الكريسماس

جان تضحك

الظاهر الجذبه ماره عليا وااااايد

جان تطوفني

المهم

حطيت الكرت عالباب علشان يفتح (طبعا ما بقى دعاء ولا ايه قرانيه ماقريتها علشان تمشي الامور)

والحمدلله

قعدنا بمكانا

وطلبنا بيتزا من الكانتين

:e 018:

الملعب فاضي للحين ما بدت المباراه

وصارت الساعه 3 وبدا اللعب

هذي اول مره احضر مباراه بالملعب

الوضع غيييييييييير عن التلفزيووون

متعه صج متعه

اللي يشجع واللي يصوت و اللي يسب

طبعنا انا وياهم نشجع (ارسناااال ارسنااال)

وحماااااس كلما صارت هجمه

انصح الكل اللي يصادف وقت سفره مباراه انه يحضرها لايف

عاد اليهال

كلما اسمعو مسبه قالو ماما هذا قال (باااد وورد)

وفي اخر 5 دقايق حطو ارسنال قوووول

وطلعنا من الملعب قبل الزحمه

يتبع....

q8ya metnaqla, الايمان, Haksa77 و 2 آخرون معجبون بهذا.

opera_kw · 03-06-2017, 02:58 PM

تابع اليوم الخامس..

ضاع وقتي بالمباراه

ابي اتسوووق

وعلى طول من الملعب الى

هارودز

وفي ديور

كانت ابي جنطه بحجم معين ولون معين

واللون هذا مو موجود كل مكان

المهم كان موجود عندهم ... وكانت الجنطه ماسكتها وحده اسيويه وتطالع وتقلب فيها و ماسكه بعد جنطه ثانيه يعني محتاره بينهم ماتدري شنو تاخذ

وانا ناطرتها تقول لا ما ابيها واللي يبيع بالمحل بعد ناطرها

راح زوجي جان يقولها ( خلصينا نبي الجنطه)

جان تحضن الجنطه تقووول ابيهاا

المهم قالولي اذا تبين نطلج وحده توصل عقب 4 ايام

كلش ماينفع انا باجر بروح مانشستر

فقلت لهم خلاص اخذها من مانشستر

رحت ابرد جبدي في شانيل

وعالسريع بس شريت جنطه

وساعه من محل ساعات بهارودز

وصعدنا فوووق

منتجات هارودز

شرينا وطلعنا

وكانت الساعه 9

الصدمه ....

الاندرقراوند اللي يم هارودز سكر

ومعانا وايد اغراض خلاص مانقدر نمشي او ندور مكان

استخدمنا تطبيق اوبر

ووصلنا الفندق

وبالفندق حاطين لنا جوكلت هديه

وبعدها طلعنا ندور لنا شي للعشا

ومرينا عند هالمحل بشارع اكسفورد

يبيع حلوبات امريكيه

وخلص اليوم

q8ya metnaqla, الايمان, Haksa77 و 1 آخرون معجبون بهذا.

q8ya metnaqla · 03-06-2017, 04:42 PM

ماشاءالله
عليكم بالعافيه التسوق
الحمدلله عدت على خير تذاكر المباراه
هههههه شكلها متعوده

Sent from my iPhone using Tapatalk

الايمانمعجبون بهذا.

آخر مواضيع q8ya metnaqla

- مركاز العرب المسافرون 11
- إندونيسيا استفسارات
- شبه الجـــزيـــرة الايبيـــريـــة ( اسبـــــانيــــا ) 2023
- هنــــا شبــــه الجــــزيــرة الايبيــــريـــة ( البــــرتغـــــال ) 2023
- ريوقنا في the orangery

توقيع : q8ya metnaqla

كويتية متنقله في أعالي جبال الأنديز، قاطعه فيها الإكـــــوادور من الشمــال للجنـــوب

https://www.arabtrvl.com/vb/t49320.html

كنزٌ دفين اكتشافُ ارضٍ ضائعةٍ كنا نعرف بوجودها ولكن لم نستطع الوصول إليها(كولومبيــا)

https://www.arabtrvl.com/vb/t48941.html

مراسلتكم من الاتحاد السوفيتي سابقا (روسيــا 2019 )

https://www.arabtrvl.com/vb/t45053.html

في قصص الشعوب طرائف لاتنتهي وعالم حلو بهي يسكن في القلوب في قصص الشعوب (المكسيـــــك)

https://www.arabtrvl.com/vb/t41667.html

الى الزيتونة وعقبه بن نافع وابن خلدون بلد العلم والثقافة والتاريخ( تــونس الخضـــرا )

https://www.arabtrvl.com/vb/t39247.html

سـكــة سفــر فيهـا مشـاويـر العمــر ( امـريكــا ديسمبــر 2017 )

https://www.arabtrvl.com/vb/t31951.html

كل انسان يصبح شاعرا اذا لامس قلبه الحب : من بلاد الفلاسفه (اليونان)

https://www.arabtrvl.com/vb/t7554.html

الايمان · 06-06-2017, 01:41 PM

يوم وايد حلو
التسوق في بريمارك مايسوى زين تسوين رحتي سلفريجز وهارودز
اما المباراه فعلا وناسة ومتعه وزوجي من عشاق الارسنال ودايما نروح مبارياتهم اذا صادفت مع وجودنا في لندن
المهم اليهال استانسوا بالمباراه وشافوا اجواء غير عن التلفزيون

Haksa77 · 06-06-2017, 02:01 PM

جزء أخر رائع
طلعتي من مشجعين الأرسنال
السوق وايد حلوو
متااابعين ويااج
شكراً لك بحجم السماء

opera_kw · 06-08-2017, 09:40 AM

اقتباس : المشاركة الأصلية كتبت بواسطة q8ya metnaqla

ماشاءالله
عليكم بالعافيه التسوق
الحمدلله عدت على خير تذاكر المباراه
هههههه شكلها متعوده

Sent from my iPhone using Tapatalk

الله يعافييج

اي الحمدلله ولا جان انا للحين متحسفه على لقافتي

opera_kw · 06-08-2017, 09:41 AM

اقتباس : المشاركة الأصلية كتبت بواسطة الايمان

يوم وايد حلو
التسوق في بريمارك مايسوى زين تسوين رحتي سلفريجز وهارودز
اما المباراه فعلا وناسة ومتعه وزوجي من عشاق الارسنال ودايما نروح مبارياتهم اذا صادفت مع وجودنا في لندن
المهم اليهال استانسوا بالمباراه وشافوا اجواء غير عن التلفزيون

صج صج المباراه كانت تجربه يديده بالنسبه لي ومتعه

ماراح اطوووف ولا مباراه اذا سافرت وصادف وقتها

الحين ابي اضبط حجوزاتي واجازاتي على مباراه برشلونه ومدريد ان شالله تضبط

الايمانمعجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلة عائلية الى لندن - مانشستر - ويندرمير - ليستر - بريستول بعدسة ابومشاري 2016	abomishary	بوابة بريطانيا	361	20-05-2019 11:21 AM
رحله لندن الخريفية 2016 أكتوبر	Meme Bahrain	بوابة بريطانيا	47	03-01-2018 05:10 PM
استفسار بخصوص الذهاب من لندن الى مانشستر	isloom_y20	بوابة بريطانيا	11	25-11-2016 02:25 PM
الافضل البقاء في لندن او لندن + مانشستر	q8ok	اوروبا	5	05-03-2016 01:54 AM
قطارات مانشستر - كارديف	منيرة	اوروبا	24	09-05-2015 08:27 PM