| | |||||||
مـواضـيـع مـمـيــزة
 |
| | LinkBack  | أدوات الموضوع | انواع عرض الموضوع |
26-12-2014, 02:24 PM
| #31 |
| خبيرة البوابه العامه   تاريخ التسجيل : Dec 2014 رقم العضوية : 286 الدولة : UAE الجنس : انثى المشاركات : 3,344 |  رد: 5 أيام في إسطنبول ... رحلة عائلية شتوية
|
|  |
اقتباس 
المشاركة الأصلية كتبت بواسطة Ahmedyi1 
|
26-12-2014, 02:54 PM
| #32 |
| مسافر جديد تاريخ التسجيل : Dec 2014 رقم العضوية : 466 الدولة : مكة المكرمة المشاركات : 37 | رد: 5 أيام في إسطنبول ... رحلة عائلية شتوية
الله يسعدك .. أنا من الاب توب بس غريبة إن شاء الله تظهر
|
|
| |
|
26-12-2014, 08:59 PM
| #34 |
| خبيرة البوابه العامه تاريخ التسجيل : Dec 2014 رقم العضوية : 286 الدولة : UAE الجنس : انثى المشاركات : 3,344 | رد: 5 أيام في إسطنبول ... رحلة عائلية شتوية
السلام عليكم ورحمة الله وبركاته عدنا إليكم اليوم الثاني 2 ديسمبر " اليوم الوطني " بدولتي الحبيبة الإمارات صحينا شوي متأخر الساعة 8 مشينا ع حسب الجدول اللي سويته قبل السفر واللي كنت مجهزته من شهووور منذو بداية تسجيلي معاكم  كل ما قرأت تقريرخزنت الاماكن وطريقة المواصلات " جزاكم الله خير جميعااا " بالاستعانة بجدول عاشق اسطنبول جزاه الله خير جدولي ملخبط واصلا ما مشيت عليه حرفيا كان المهم عندي اسماء الاماكن حملتهم ع الموبايل صحينا و ع طول نزلنا ندور مكان نتريق فيه ويا كثر الاماكن .. كل شوي نختار مكان بس قبلها رحنا عشان نغير الغرفتين زي ما قالوا لنا لو ما عجبتكم عادي نغيرها .. ع طول اخذونا لطابق علوي غرفتين مفتوحات ع بعض بس ما اخذناهم لان فيهم ريحة خفيفة وبعدين اريح لنا نكون بغرف منفصله .. الاب وعياله لحالهم .. والزوجين لحالهم .. وكذا كذا مافي اطلاله غير العشب المركب  شفنا هذا الكوفي شوب فرنسي مطلع ع الميدان ع طول وجبة الافطار عنده نص نص ما عجبتنا "كنا نشوف المنيو قبل ما نجلس" فرحنا ع الاستقلال واخترنا هذا الكوفي شوب نسيت اصور واجهته ولا اعرف اسمه مقابل مطعم المدينة تقريبا عنده نظام بوفيه ونظام اطباق سعر البوفيه 23 ليرة للفرد وسعر الطبق ما يجي اقل من 23 ليرة فطبعا كلنا اخذنا بوفيه اوفر الغريبة ما عندهم كورسون  اختي الفالحة تحط شنطتها باي مكان وتروح ع بالها بالإمارات محد بيسرقها ... ع يمين طاولتنا المطبخ و دورة المياه عزكم الله " بمنتهى النظاااافة " صحن اخوي صحن مشترك اكلهم حلو وسعرهم احلى بعد هالريوق رجعنا مشي للميدان عشان نروح لـ دولما باهتشه سراي ع حسب جدولي كاتبه نروحه بالمترو ونمشي مسافة 100 متر للوصل للقصر .. بس الجماعة قالوا لا تاكسي ... قلتلهم قدامي مافي تاكسي المترو سريع يا عالم حرام نضيع وقت وركبنا من تقسيم إلى كاباتاش مرة ثانية 4 ليرات لكل فرد ... سألنا اكثر من حد عن الكرت محد فهمنا ولا فهمنا حد برج الساعة امبين .. ماشين صح الحمد لله وصلنا الساعة 10 وشوي عند القصر والناس طوابير احلى طلاب الله يحفظهم قصينا التذاكر اعتقد 30 ليرة لشخص جولة عامة بدون الحرملك من اهني لزق فينا واحد من جنسية عربية الا بشرح لكم يا عمي حل عندي مابا مرشد انا مرشدة نفسي قال بس 400 ليرة ..... تخيلوا بس 660 درهم إماراتي ع كم كلمة .. تم ورانا ومسك في ابوي قاله انتم عيال زايد اهل الكرم "كيف عرف؟!"  عطوني بس 300 ليرة وتم ينزل بالسعر ... يالله يالله تركناااا ... حتى زرعهم حلوووو كنا مع المجموعة رقم 2 المرشدة كانت تتكلم إنجليزي بطلاقة اتذكر قالت اخر شخص سكن هالقصر هو أتاتورك والقصر استقبل زوار من مختلف الجنسيات والاديان وان في القصر اكبر ثرية بالعالم كانت اهداء من الملكة إليزابيث اعتقد وفي قسم تم انشاءه فترة اتاتورك هذي نتيجة التصوير بالسرقة وانا اصور من اهني ياني السكيورتي معصب ممنوع ممنوع التصوير ... استهبلت عليه قلتله التصوير داخل ممنوع بس انا اصور المناظر الخارجية ضحك وقالي صوري بسرعة للاسف كل هالبذخ من خزينة الدولة العثمانية .. مو من شي طاحوا ابدااااااااااااااااع من الصبح يتصورون في نفس المكان بطوا جبدي رحت عندهم وقلت حق اختي تعالي صوريني خليهم يولون فديتهم مروحين كان قريب من هالمكان متحف الزجاج شي جذي .. مهدود حيلنا ما دخلناه اهني ضريح وحدة اعتقد اسمها فاطمة من السلالة العثمانية ظنتي واذا غلط تراني ما قلت شي  وبعد هالجولة في القصر اخذنا تاكسي لمنطقة اورتاكوي اول شيء قال 25 ليرة قلت له لا 10 بس قال لا انتوا 5 اشخاص 15 ليرة ... ركبنا مزيج غريب كنيسة ومسجد بنفس المكان .. اسعارهم بشكل عام ممتازة .. احسن من الاسواق الثانية اخذنا من المحلات اللي قدام شوية هدايا .. 4 " مشط + منظرة" البوكس الواحد بـ 10 ليرات فندق ذا هاوس اللي نزل فيه اخونا مكة وكتب عنه تقرير ... مكانه رااائع وهذا رابط الفندق في بوكينق قناديل البحر مو ؟ يلسنا في كوفي اللي طلب شاي بـ 3 ليرات واللي طلب هوت شوكليت "انا" بـ 8 ليرات وحد قهوة وبعض الناس شيشوا الله يهديهم ...  اعتقد الوحدة بـ 23 ليرة مش متأكدة بس اللي اذكره ان ابوي وزوج اختي علقوا ان اسعارهم وااايد ارخص من دبي واخيرااا رحت المكان اللي شفت لميس واقفه عنده تصيح ع يحيى صيانة خارجية في بيلار بيه سراي البطاط عندهم مش طبيعي " كمبير " وبعد ما قضينا ع البطاط ركبنا تاكسي من اورتاكوي الى برج غلطة لان ال3 الباقين ما راحوه  بـ 20 ليرة والاخ نزلنا بنص شارع الاستقلال " عيب التاكسي تتفق وياه ع مكان ينزلك بمكان ثاني يتحجج بالشرطة ممنوع وممنوع يقصون ع الاوادم " طبعا انا والوالد ما طلعنا البرج وهذي الصور من تصوير اللي طلعوا يلسنا بالكوفي مقابل البرج شرب الوالد شاي بـ 3 ليرات وانا رحت للمحلات المقابلة شريت منهم برج غلطة بــ 10 ليرات "قص علي الحرمة تبيعه بـ5 بس مالها فيه العين الزرقاء" واخذت برج الساعة من محل التذكارات في دولما باهتشه سراي بــ 16 ليرة بعد ما نزلوا من البرج كملنا مشي نزولاً لـ جسر غلطة " امينونو" لمطاعم السمج الوالد ورانا ويصورنا ... اهني صار لنا موقف مضحك شرينا من واحد عصير رمان كان يبيعه في عربة طلبنا 5 عطانا اول كوب الا شوي يسمع الونان الشرطة يايه ركض بسرعة البرق دورناه نبي نعطيه ليرة ما يصير نشرب بلوشي ما لقيناه شوي الا ونشوفه ورانا نازل النفق يسأل عن ليرته ودخلنا النفق شو النفق مول اعتقد ها ياني جامي "الجامع الصغير" الريحة اهني تذبح .. عشان خاطر اختي رحت هالمكان ولا انا ما اداني السمج خير شر .. امشي وانا شافطه خشمي خخخخخخخ يلست بعيد اصور من فوني ... الغريبة كانت يالسه عدالي حرمة كبيرة وولدها فجأة يت يلست ع يميني وخلت ولدها ع يساري كل شوي تقرب تقرب مني ويتكلمون بالمراسلة انا خفت حسيت انها بتسرقني ع طول قمت ونزلت للنفق اشوف المحلات إلين يخلصون أكل وبعد ما خلصوا اخذنا تاكسي لتقسيم بــ20 ليرة ونزلنا بعيد شوي يتعذر ممنوع التاكسي يدخل داخل .. مع ان شفنا كم وكم تاكسي دخل عادي مشينا شوي في شارع الاستقلال .. وانا كنت بموت من اليوع من ريوقي ما اكلت شي .. دخلنا هالمطعم شفت عاشق اسطنبول مرة كتب عنه نظامه كل صحن بـ 5 ليرات و العيران عنده 3 ليرات ظنتي او ليرتين مادري كم الحساب بالضبط بس اعتقد ما اجاوز الــ 60 ليرة وبعد هالعشوة الطيبة والسعر الرااائع قلت لزم احلي بجرب حافظ مصطفى ما يصير " كله اكل في اكل انفجعنا " الكنافة حلووووة ... اما البقلاوة استغفر الله ابد مب حلوة تركناها مثل ماهي ... سعره مناسب جداااا ارخص من جاره بس اسم ع الفاضي جاره فاروق بقلاوته لذيذذذذذذذة جداااااااا وبعد ما حلينا رجعنا للفندق واحلى نومه وانتهى اليوم الثاني بسلام ولله الحمد عذراً ع اللخبطة في الصور ويمكن كتبت شيء غلط السموحة منكم ترقبوا اليوم الثالث .. دمتم بحفظ الرحمن
|
|
| |
|
26-12-2014, 09:14 PM
| #35 |
| خبيرة البوابه العامه تاريخ التسجيل : Dec 2014 رقم العضوية : 286 الدولة : UAE الجنس : انثى المشاركات : 3,344 | رد: 5 أيام في إسطنبول ... رحلة عائلية شتوية
|
|
| |
|
26-12-2014, 09:16 PM
| #36 |
| خبيرة البوابه العامه تاريخ التسجيل : Dec 2014 رقم العضوية : 286 الدولة : UAE الجنس : انثى المشاركات : 3,344 | رد: 5 أيام في إسطنبول ... رحلة عائلية شتوية
|
|
| |
|
26-12-2014, 09:36 PM
| #37 |
| مسافر متألق  تاريخ التسجيل : Dec 2014 رقم العضوية : 68 الدولة : السعودية / تبوك الجنس : ذكر المشاركات : 788 | رد: 5 أيام في إسطنبول ... رحلة عائلية شتوية
|
|
| |
|
26-12-2014, 09:39 PM
| #38 |
| خبيرة البوابه العامه تاريخ التسجيل : Dec 2014 رقم العضوية : 286 الدولة : UAE الجنس : انثى المشاركات : 3,344 | رد: 5 أيام في إسطنبول ... رحلة عائلية شتوية
|
|
| |
|
26-12-2014, 09:45 PM
| #39 |
| مسافر متألق تاريخ التسجيل : Dec 2014 رقم العضوية : 68 الدولة : السعودية / تبوك الجنس : ذكر المشاركات : 788 | رد: 5 أيام في إسطنبول ... رحلة عائلية شتوية
العفو منكم بس مجرد خبر وحبيت انقله لكم محل حلو واكلاته حلوة ومتنوعة نسيت اقولكم حاط صورته بتويتر عشان تتاكدون الف شكر للجميع
|
|
| |
|
26-12-2014, 09:51 PM
| #40 |
| خبيرة البوابه العامه تاريخ التسجيل : Dec 2014 رقم العضوية : 286 الدولة : UAE الجنس : انثى المشاركات : 3,344 | رد: 5 أيام في إسطنبول ... رحلة عائلية شتوية
العفو منكم بس مجرد خبر وحبيت انقله لكم محل حلو واكلاته حلوة ومتنوعة نسيت اقولكم حاط صورته بتويتر عشان تتاكدون الف شكر للجميع   واحلى خبر تشكر عليه اخوي ترى نمزح وياك انت لو شفت السميت اللي يبته وياي اول شي خذيت 9 حبات بعدين رديت انا واختي واخذنا 11 حبة بعدين وصينا اخوي ايب 10 حبات بعد .... كل ها يبناه ويانا "العين" شي منه للجيران وشي لي يعني المجموع 30 حبة و عليهم حراسة مشددة خفت حد ايوع بالطيارة وياكل منهم افا كلامك يكفينا ما نشكك فيك ابد ولو كثر كثر من الاخبار الزينة "اهم شي الكرش" الله يعطيك العافية
|
|
| |
|
| الكلمات الدلالية (Tags) |
| 5, أيام, bosphorus, اسطنبول, cvk, تقسيم, hotels, رحلة, شتوية, park, resorts, عائلية, في, إسطنبول |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| أجمل رحلة عائلية في ماليزيا - رحلة الإنجازات الرائعة بتكلفة منخفضة | Deena | بوابة ماليزيا | 392 | 01-07-2019 02:47 AM |
| رحلة عائلية ومحتاجين مساعدتكم =) | نقاء روح_ | بوابة تركيا | 13 | 03-03-2019 01:57 AM |
| رحلة عائلية اوربية | وردة مكه | بوابة النمسا | 8 | 25-12-2018 03:05 PM |
| إستشارة ( رحلة عائلية قصيرة ) | مسافر بلا محطات | بوابة الصين وهونج كونج | 23 | 25-12-2018 03:02 PM |
| محتاج جدول رحلة شتوية ل أوروبا وخصوصاً ألمانيا | الفيصل | بوابة المانيا | 3 | 06-12-2017 07:04 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Friendly URLs by vBSEO
Search Engine Friendly URLs by vBSEO
