الحمدلله لذي بنعمتة تتم الصالحات

وصلتنا الفيز الساحية بعد عشر ايام عمل
خدمتنا كانت عادية

السلام عليكم

انا قدمت على الفيزا يوم 7/4/2017 ووصلتني بنفس اليوم هالرساله على الجوال

was forward to UKVI on 7/4/2017

وبعدها بيوم وصلتني هالرساله على الايميل


ومن بعدها ما وصلني شيء
وانا مقدم على فرع الرياض

هل هذا شيء عادي او لا ؟
وشكرا لكم

لا ابشركم قبل شىي ارسلوا لي انها جاهزه للاستلام من المكتب الموحود الحمد لله
لكن المشكله انا حاط الاستلام عن طريق اراميكس يجيبونها لي ودافع قيمة الشحن
لكن الرساله وصلتني اني استلمها من المكتب الموحد

الحمد لله اليوم وصلوا لي اراميكس فيزتي
شكرا لكم جميعا
والله يهنيكم في اجازتكم
ر

طبعا هنا راح اذكر تجربتي
يوم ٤ جولاي كان موعدي
طبعا انا طالب جامعي ومثل ما تعرفون لازم يكون عندك دخل او راتب علشان تمشي امورك بالفيزا
طبعا اذا كان ما عندك دخل لازم يكون لك واحد يكفلك يعني مثل ولي امرك او احد اخوانك واتوقع لو احد اقاربك يمشي بعد
المهم انا اخترت اخوي هو المتكفل بالمصاريف
وااخذت كشف حساب لاخوي لمدة ٦ اشهر و تعريف بالراتب و خطاب تكفل بالمصاريف طبعته من هذا المنتدى وكلهم بالانجليزي
واخذت جوازي والابليكيشن واول ورقه في التشيك ليست وتذكرة الطياران وصورة بطاقتي الاحوال وبطاقة اخوي وتوكلت على الله ودخلت عليهم
جاء موعدي سلمته الاوراق وقالي تبغى تستلم الفيزا هنا ولا من اراميكس لاني من خارج الرياض قلت له مع اراميكس قالي ادفع ٧٠ ريال و ١٠ ريال تبع الرسائل ، المجموع ٨٠ ريال ( طبعا اراميكس بيفكك من زحمة الانتظار بالمكتب الموحد لاستلام جوازك )
المهم ورحت للتبصيم قالي ناطر الكاميرا اللي فوق ورفع لي الجواز وقالي هذا جوازك قلت ايه وبصمت واخذ جميع الاوراق اللي قدمتها لهم ما عدا اول ورقه بالتشيك ليست اللي هي ( ورقة الموعد )
وقالي ١٠ ايام وتكون جاهزه

بنفس اليوم العصر جتني رساله ان الفيزا نقلوها للسفاره اتوقع
ومن بكرا تاريخ ٥ جولاي ارسلوا لي ايميل انه جاري العمل على الفيزا
وبيوم ١٣ جولاي ( الخميس الماضي ) ارسلوا لي انه فيزتك جاهزه وتقدر تستلمها من المكتب الموحد
واليوم ١٥ جولاي ارسلوا لي اراميكس ان المندوب طالع لك
وقبل ساعه استلمت فيرتي اللهم لك الحمد
وشكرا لكم جميعا

ما شاء الله
1000 مبروك للجميع

لا تنسوا تكتبوا تجاربكم للفائدة
رحلة موفقة

ما شاء الله
مبروك ياسر

تحسنت السنة هذي السفارة البريطانية
وصار انجازها اسرع