صباح الخير


يعطيكم الف عافية على كل مجهود تبذلونه


أنا اليوم رحنا السفارة الفرنسية في البحرين حق الشنقن و قدمنا كل أوراقنا
بس طلبوا منا حجز طريقة التنقل من النمسا إلى ايطاليا
وأنا أبي انتقل بالقطار


يصير أحجزحجز وهمي أو لا؟
وأبي أفضل موقع لحجز القطارات في أوروربا


وتسلموون

مرحبا اخوي

بخصوص حجز القطار صعب تحجز وهمي

تقدر تروح اي سفريات عندكم وتقول لهم ابي حجز وهمي تذاكر طياره
ورتب تاريخ السفر حسب حجزك والبيانات الي بالفيزا
وايضا في طلب الفيزا تأكد انك كاتب طياره مش قطار

بالتوفيق

اهلا أخوي


قاعدة احاول احجز حق القطار حاليا
انشاءالله يضبط و اطبعه و اوديه حق السفارة

لو حجزت قطار فلن يكون حجز وهمي
ولكن لو متأكد من تاريخ مغادرتك وحجزت قطار فهذا افضل

وبالتوفيق لك بإذن الله

أمس كنت أحاول أحجز وكان يطلع لي سعر الرحلة و من عقب ما رضى يحجز لي و قام يطلع لي كله not available والمشكلة هو الوقت الوحيد اللي بيناسبني


هل أقدر أحجز من موقع ثاني غير OeBB ؟

في موقع raileurope في countries مافي البحرين شلون احجز ؟

Rail Europe - Rail travel planner Europe - Train travel in Europe (Eurostar – TGV – Eurail – Eurorail)

بتلاقين البحرين

شكرا اخوي الحين اختار
Rail Protection Plan in case of loss or theft
أو لا؟


و الدلفري يطلع لي بس paper ticket و يوصلونها في 4 ايام أو يومين
وفي النهاية السعر يطلع وايد غالي


المشكلة السفارة عندهم أوراقنا و ينطرون حجز القطار فقط ما ادري لمتى ينطرون قبل ما يتكنسل طلبنا


شنو رايكم؟

اعملي حجز طيران من اي مكتب سياحي وريحي بالك

رحت حق مكتب سياحي امس وخبروني انه مايعملون وهمي الحين
لانه السفارات تجيك و عقب تخليهم في البلاك لست


حلي الوحيد القطار الحين