السلام عليكم ورحمة الله وبركاته .. 🌸🌸

اريد منكم تخطيط لرحلة عائليه تتكون من اب وام وثلاث اطفال ، 15 يوم تقريباً
كوالالمبور ، بينانج ، لانكاوي
علماً اننا سبق وزرناها قبل عشر سنوات

شاكرين تعاونكم 🌸
وجزاكم الله خيراً جميعاً

ايضاً اريد التكلفه التقريبيه للرحله مع توصيات الفنادق او الشقق الجميله
كذاك تكاليف الرحلات الدوليه والداخليه ، وهل تنصحون قيادة السياره فيها افضل ؟
وشكرا لكم

ساعدوني

ولا رد واحد ؟؟؟؟

دامكم زرتوها قبل ممكن انتم تحددون وش يناسبكم اكثر . يعني مثلاً لنكاوي وبيننق يختلف الناس فيها بعدد الايام فتلقى احد يبي الهدوء والبساطة فيقعد اكثر في لنكاوي واحد العكس .

انا من خلال زيارتي لماليزيا سابقًا ممكن اوزعها كذا
٢ ليلة سلنجور
٤ ليالي لنكاوي
٤ ليالي بيننق
٥ ليالي كوالا لمبور

وكلن حسب رغبته

شكراً لك الله يسعدك .. اللي اقصده بسبق زرناها انها اكيد اختلف الوضع بعد عشر سنوات ..

شكراً لكم جميعاً الاخ فهد والنهر الجاري ماقصرتوا جميعاً الله يرضى عليكم

اتفق مع حبيبنا فهد ... انتم افضل من يستطيع ان يحدد التوزيع المناسب بحكم زيارتكم السابقه لماليزيا..

بخصوص توزيع حبيبنا فهد مناسب ...
ممكن تجعلون لنكاوي 5 ليالي على حساب بينانج
وممكن العكس ..

ممكن تضيفون كاميرون .. على حساب ليله من لنكاوي وليله من بينانج ..


# اما التكاليف ....
- الطيران الدولي : يحتاج تشيكون بالنت .. لكن اتوقع تكون في حدود 11 الف ( رقم من راسي )
- الطيران الداخلي : برضه لازم تشيكون بالنت ... اتوقع تكون في حدود 1500 ريال ( رقم من راسي )
- الفنادق : تختلف الفنادق باسعارها اختلاف جذري ,,, عموما كمتوسط تقريبا 7500 ريال ( رقم من راسي )
- المصاريف: يختلف من شخص الى شخص ,, لكن كرقم تقريبي 7500 ريال ( رقم من راسي )

لا تعتمدون على الارقام اللي كتبتها ...
لانه ممكن تصرفون 100 الف ... وممكن تصرفون 20 الف .. على حسب انتم ايش تبغون.


ان شاء الله الحبايب ما يقصرون معك باي افاده او مشوره