سعوديون في بريطانيا @saudiuk
تواصلي معهم وعلى طول بيتواصلون معك وتتيسر امورك ان شاء الله ..هذا بالنسبة للسكن المؤقت اذا متوفر ...
السكن الدائم بيفيدونك بافضل الاماكن بس اجراءات السكن لازم عن طريقك انتي ومحد يقدر يحل محلك ..ونظام التاجير انك تحجزين موعد مع المكتب وتروحون تشوفونه .. الحجز لفترة طويله مستحيل اذا البيت حلو لان اللي،يشوف بيت ويعجبه على طول ياخذه ..فنصيحتي،اذا شوفتوا بيت واعجبكم لاتقولون بنشوف غيره ونرجع لكم لانه بيروح .. لا على طول ادفعوا التامين وابدوا الاحراءات .. والموقع اللي عطيتك سجلي فيه وشوفي،المكان المناسب وتقدرون تطلبون تشوفون البيت عن طريق مراسلة المكتب من الموقع (اذا تبين ابحث ترا عادي لانه احنا سبقناكم وواجهنا نفس المشكله وحاسين بالوضع ويبقى الناس للناس وانتم بتساعدون من يجي،بعدكم ) .
الموقع يعطيكم :
صور للبيت
موقعه على قوقل ماب
مساحاته
قيمة الايجار بالشهر
التامين (ايجار شهر ونص )
المرافق واذا معه موقف سيارة او لا .