وعليكم السلام ورحمة الله وبركاته

عندكم 13 يوم 12 ليلة
الوصول ميونخ والعودة فرانكفورت
والدول المرغوبة المانيا والنمسا وسويسرا ومعكم طفل الله يخليه لكم عمره 8 شهور

بداية
الطفل ماتخلونه عند اهلكم ماراح يستمتع وتعب عليه وعليكم ؟
والجو ماراح يكون بارد جدا علينا احنا الكبار بس بداية البرودة والطفل عليه برد ويحتاج كرسي وفوقه مظله وتحطون عليها واقي من المطر والهواء البارد خصوصا المساء
وبكل تأكيد ملابس ثقيلة يحتااج
والله مااعرف عن الحضانات ولا جربت رحلة بطفل اقل من سنتين
وعن الالعاب إذا مافيه واحد يلعب واحد عند الطفل الله يعين
وإن شاءالله من جرب رحلة بطفل يفيدكم

ثانيا
تشطب النمسا او سويسرا المدة ماتنفع ضم الدولتين

تفضل الجدول الاول
المانيا والنمسا
من ميونخ لقارميش ليلتين
زيلامسي 5 ليالي وزيارة منها سالزبورغ
ميونخ ليلتين
بادن بادن الغابات السوداء 3 ليالي
ومن بادن بادن إلى مطار فرانكفورت

الجدول الثاني
المانيا وسويسرا
ميونخ ليلتين
انترلاكن 4 ليالي
جنيف وماحولها 3 ليالي
بادن بادن الغابات السوداء 3 ليالي
ومن بادن بادن إلى المطار

والتأشيرة على الدولة الاكثر اقامة وهي المانيا على الجدول الاول وسويسرا على الجدول الثاني
وفي بوابة الفيزا تكون الافادة اكثر
https://www.arabtrvl.com/vb/f32.html

ونظام الفلوس
لا اخذ مبلغ بسيط يورو والباقي بالبطاقة افضل واضمن نعم يقبلون مسبقة الدفع ( هي الفيزا مثلا ) اذا هي نعم تقبل

ورحلة موفقة بإذن الله