سياحة عائلية في اورلاندو الأمريكية

أبو سعود Q8 · 11-03-2015, 11:02 PM

هذا القسم يعشقونه الأمريكان ، وهو قسم
هاري بوتر

The Wizarding World of Harry Potter

القسم حلو صح لكن ما أحس انه يستاهل كل هذي الاعلانات الي نشوفها بالخارج والصور
يمكن لأنهم يحبون سلسلة افلام هاري بوتر عشان جذي بتشوفون هذا القسم دااااااااائما مزدحم بشكل كبيييير

تعالوا ندخل للقسم

شوفوا الزحمة

العروض شغالة بالقسم

هذي أحلى الألعاب بقسم هاري بوتر
حلوه وجميلة ومثيرة وسريعة

تحدي التنيين

Dragon Challenge

العبة عبارة عن قطارين لهم سكتين مختلفتين عن بعض لكنهم ينطلقون مع بعض ويصير بيهم تشابك
لما تدخلونها بتشوفون مكانين للانتظار
هذا للقطار الأحمر

وهذا للقطار الازرق

لعبة أخرى وقطار آخر من قسم هاري بوتر

Flight of the Hippogriff

بس قبل ما نركب براويكم الطابور والزحمة شلون صايرة
الي على اليمين هذا راح يكون طابور التذاكر العادية والي على اليسار بيكون تذاكر الاكسبرس

شوفوا الزحمة

وبعد

وبعد

بعد بعد ما خلص الطابور ليلحين !!

الحين تعالوا نركب

مثل ما قلت لكم تذاكر الاكس برس مهمة جدا عند زيارة هذي المدن

والحين خلونا نروح قسم آخر من أقسام المدينة

هذا القسم ما حبيته ، وماعرف شنو اسميه أصلا !!
كأنه قسم علاء الدين أو قسم العصور الحجرية
حتى الألعاب الي فيه مو ذاك الزود

وفيه محلات تبيع الملابس الشعبية المغربية

هذي عبالنا لعبة ولما دخلناها طلع شو

وهذا آخر قسم وهو قسم آخر للأطفال الصغار
قسم يويو

أيضا بهذا القسم كل الالعاب مخصصة للأطفال الصغار

العيال رايحين بروحهم يركبون بالقطار انا مالي خلق خلاص تعبت

The High in the Sky Seuss Trolley Train Ride

سكة القطار تكون بالأعلى وتلف على القسم كلة

على اليمين دخول التذاكر العادية وعلى اليسار تذاكر الاكس برس

هذي ايضا من الالعاب اللطيفة

يوسف لازم يخسرنا

نظرة أخيرة على المدينة بوقت الغروب

وهذي بوابة الخروج خلونا نطلع عشان أخلص من هذا الجزء

مع ان الألعاب كثيرة لكن المدينة أحسها صغيرة
ترى فريناها مرتين بهذي الزيارة !! ولو تلاحظون الصور بتشوفون هالشي واضح
عموما ، جذي أكون خلصت معاكم من نقل وشرح وتقرير عن أغلب الألعاب والأماكن المميزة في مدينة اليونيفيرسال الثانية
جزيرة المغامرات

مع العلم ان في بعض الالعاب ما حطيت صورها لأني مو مصورها أساسا ..... العاب عادية مو ذات أهمية

تقييمي للمدينة :

العيال الله يحفظهم مغرمين بمدن اليونيفيرسال ، سواء هذي أو الأولى
لأنهم باختصار يلعبون مع شخصياتهم الكارتونية المفضلة
لذلك مدن اليونيفيرسال ستوديوز من أول اختياراتنا تكون ، وكلنا نفضلها على باقي مدن الألعاب
مو تقليلا بباقي مدن الألعاب لا طبعا ، بس اليونيفيرسال بالنسبة لنا أحلى المدن الترفيهية
طبعا انصح فيها وبالمدينة الأولى وبشده خصوصا للي عياله يحبون هذي الشخصيات

وإن شاء الله نلتقي مع جزء جديد عن مكان ترفيهي وسياحي جديد في اورلاندو الجميلة
استودعكم الله

AL Tunaijiمعجبون بهذا.

مشاهدة نتائج الإستطلاع: ما هو تقييمك للتقرير لغاية الآن ؟؟
ممتاز	104	95.41%
جيد جدا	5	4.59%
جيد	0	0%
مقبول	0	0%
المصوتون: 109. أنت لم تصوت في هذا الإستطلاع

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رايحين اورلاندو ،، واحتاج مساعده	Hanadonh	بوابة امريكا	8	03-04-2015 03:18 AM
اورلاندو شهر 7+8	Mafio98	بوابة امريكا	6	18-03-2015 09:02 AM
شركه شحن في اورلاندو	Rainbow	بوابة امريكا	0	13-01-2015 09:38 AM