| | |||||||
مـواضـيـع مـمـيــزة
| مشاهدة نتائج الإستطلاع: ما هو تقييمك للتقرير لغاية الآن ؟؟ | |||
| ممتاز |     | 104 | 95.41% |
| جيد جدا |    | 5 | 4.59% |
| جيد |    | 0 | 0% |
| مقبول |    | 0 | 0% |
| المصوتون: 109. أنت لم تصوت في هذا الإستطلاع | |||
42الاعجاب |
| | LinkBack  | أدوات الموضوع | انواع عرض الموضوع |
15-03-2015, 05:57 AM
| #91 |
| مسافر فعّال   تاريخ التسجيل : Jan 2015 رقم العضوية : 1247 الدولة : الكويت الجنس : ذكر المشاركات : 1,117 |  رد: سياحة عائلية في اورلاندو الأمريكية
|
|  |
|
15-03-2015, 08:45 AM
| #92 |
| مسافر جديد تاريخ التسجيل : Feb 2015 رقم العضوية : 2075 الجنس : ذكر المشاركات : 52 | رد: سياحة عائلية في اورلاندو الأمريكية
تقرير جميل ... ونصائح أجمل ... يعطيك العافية يابوسعود ... تم البحث عنه وحصلت عنده شقتين وحده اللي سكنت فيها في سفرتكم ، والثانية اصغر منها ... شكراً لك
|
|
| |
|
15-03-2015, 05:49 PM
| #93 | ||
| مشرفة سابقة  تاريخ التسجيل : Dec 2014 رقم العضوية : 45 الدولة : Bahrain الجنس : انثى المشاركات : 2,658
| رد: سياحة عائلية في اورلاندو الأمريكية
| ||
|
| |
|
15-03-2015, 11:15 PM
| #94 |
| مسافر جديد تاريخ التسجيل : Dec 2014 رقم العضوية : 267 المشاركات : 39 | رد: سياحة عائلية في اورلاندو الأمريكية
يعطيك العافيه بوسعود .gif "(155)") شكلنا ثقلنا عليك وعيلناك السموحه خلك على ائل من مهلك .gif "(90)") عاد كنت حدي مختبه على دزني كانت حيشتني طفوله متاخره شكلي بحول على السوقه .gif "(5)") شنو هالاسعار نار و شرار  شفت الاسعار قبل في ابلكيشن الايفون قلت لا اكييد بوسعود ماخذهم ارخص من فزت اورلاندو لا تستعيلين و تشترين   
|
|
| |
|
16-03-2015, 01:52 AM
| #95 |
| مميز  تاريخ التسجيل : Dec 2014 رقم العضوية : 181 الدولة : الكويت الجنس : ذكر المشاركات : 93 |  Disney's Hollywood Studios مدينة ديزني هوليوود ستوديوز
ديزني هوليوود ستوديوز Disney's Hollywood Studios مدينة العاب ترفيهية جميلة جدا متخصصة بالأفلام التي صنعتها استوديوهات ديزني في السينما الأمريكية وطبعا أغلب هذي الأفلام عبارة عن افلام أنيميشن ( كارتون ) أو افلام عائلية بحت لذلك الالعاب ستكون على هذي الشخصيات الي صنعوها في استوديوهاتهم تعالوا ندخل المدينة ونشوفها أكثر عن قرب ( نسيت أذكركم ، لازم تحتفظون بتذاكر الدخول معاكم طول الوقت ) (مو أول ما تدخلون ترمون التذاكر لأنكم بتحتاجونهم للدخول إلى كل مدينة وأيضا تحتاجونهم للفاست باس ) هذي بوابة الدخول تلاحظون بالصورة الديكورات الخارجية للمحلات كأنها في منطقة هوليوود بمدينة لوس انجلوس الشخصيات المضحكة منتشرة بكل أرجاء المدينة بعد دخولكم للمدينة انصحكم بالتوجه إلى جهة اليمين المدينة هذي فيها العديد من الألعاب بعكس المدينة السابقة ( مملكة الحيوانات ) لكن أفضل وأحلى وأروع الألعاب في مدينة هوليوود ستوديوز هم لعبتين هذي أول لعبة منهم وهي فندق برج هوليوود The Twilight Zone Tower of Terror تعالوا معانا ندخل إلى اللعبة ( طبعا ما دخلنا على طول لأن ازدحام شدييييييييييد ، لذلك استخدمنا طريقة الفاست باس وتجولنا بالمدينة لغاية ما حان دورنا المكتوب بوقة الفاست باس للدخول إلى اللعبة لذلك نصحتكم بالتوجه جهة اليمين من البداية عشان تاخذون كرت الفاس باس للعبة هذي واللعبة الي وراها لأنهم من أهم وأحلى وأقوى الألعاب بالمدينة كلها ولأنهم مزحومييييييييييييين جدا جدا بالناس ، فالافضل أخذ كرت الفاس باس من البداية ثم تتجولون بالمدينة لغاية ما يحين دوركم للدخول للعبة وهذي نصيحة اقدمها لوجه الله والي ما يبي يلتزم فيها على راحته ) هذي اللعبة من الداخل ترى اللعبة عبارة عن لعبة رعب .gif "(92)") ولكنها لعبة عجيبة وحلوه وتستاهل التجربة  هذا محل تذكارات اللعبة راح تمرون عليه بعد انتهائكم من الخرعه وهذا شكلها من الخارج على الجنب هذا مكان الفاست باس أما اللعبة الثانية الجميلة والحلوه والرائعة في مدينة ديزني هوليوود ستوديوز فهي لعبة القيتار Rock 'n' Roller Coaster طبعا اسم القيتار مو اسم اللعبة لكن لأنها مشهورة بمجسم القيتار لذلك الكل يسميها لعبة القيتار يالله تعالوا ندخل ونجرب اللعبة هذي اللعبة من الداخل وهذا محل تذكارات اللعبة هذيله اللعبتين بالقرب من بعض ولا تنسون تجربونهم لأنهم من أحلى الالعاب في المدينة إذا ما لعبتوا اللعبتين هذيله ما كأنكم دخلتوا للمدينة !!  خلونا نكمل باقي المدينة في منظر شفناه بالسفرة الأخيرة وهو منظر مؤسف  تشوفون بالصورة أمامكم قبعة ميكي ؟ هذي من أهم وأحلى رموز مدينة ديزني هوليوود استوديوز لكن للأسف بسفرتنا الأخيرة كان هذا المجسم العملاق مكسور  يمكن بيسوون له تصليحات أو ترميمات ؟؟ الله اعلم بس حسافة على شكله هذي صورته من السفرة السابقة شوفوا شلون حلو شكله قبل ما يكسرونه المهم خلونا نتمشى بالمدينة الحلوه هذي والصور تتكلم عن نفسها الله يحفظهم الاستعراضات بالشارع تشوفونهم بدون موعد مسبق ولا شي على طول تلقونهم جايين ويستعرضون ويغنون ويفرحون الجمهور والزوار بحركاتهم وأشكالهم وضحكاتهم هذا مكان عرض انديانا جونز دخلناه بالسفرة الأولى مممممممممم ما عجبنا وايد !! بس دخلوه يمكن يعجبكم ؟؟؟ شوفوا هذي العمارات كلها مرسومه رسم وليست مباني حقيقية !! Muppet Vision هذي اللعبة ما دخلتها لكن العيال دخلوها بروحهم !! هذي لعبة ستار وورز Star Tours هذا الآلي يمثل مجسم للعبة بالخارج يالله تعالوا ندخل اللعبة وهذا محل التذكارات الخاص بالعبة هذا عرض ستار وورز وهو بجانب لعبة ستار وورز .gif "(33)") حلو العرض للأطفال راح يحبونه هذا مثل المتحف Academy of Television Arts and Sciences Hall of Fame Plaza هذا مكان التدخين يا حلاته من مكان المفروض ان هذي الشخصيات يحبونها ويتوافدون عليها الاطفال لكن الي شفناه ان الكبار كان عددهم أكثر من الاطفال عند هذي الشخصيات ولذلك للتصوير معهم ولأخذ توقيعهم !!!! هههههههههه والله شي يضحك  ما شاء الله عليهم The Great Movie Ride هذي اللعبة تتكلم عن الافلام من القدم وحتى الوقت الحالي شلون صنعوهم وشلون ينتجونهم والخدع السنمائية و و و كل هذا بتشوفونه وانتم راكبين باللعبة حياكم معانا الممثل المشهور كلينت استوود طرزااااااااااااان بس خلصت اللعبة  جذي أكون خلصت معاكم من تغطية كااااافة أرجاء المدينة مع كافة أو أغلب العابها سواء للكبار أو للصغار المدينة مو كبيرة وايد ، لكنها تحتاج لوقت مو أقل من 3 ساعات للاستمتاع فيها واللعب بألعابها والحين يالله خلونا نطلع من المدينة وهذا يويو أول واحد بيطلع رأيي الشخصي : مدينة هوليوود ستوديوز حلوه ، جيده جدا مو ممتازه زينه وجميلة من ناحية الشكل والمباني ، العروض الي بالشارع حلوه الشخصيات مناسبة للأطفال وفيها وايد شخصيات فيها عدد قليل من الالعاب لكن المميزين فقط لعبتين ، باقي الالعاب مناسبين للأطفال أكثر من الكبار طبعا ما تستاهل تخصيص يوم كامل لزيارتها لأنها مثل ما ذكرت مو كبيرة وايد لكن تستاهل الزيارة إذا كانت عندكم تذاكر الهوبر انصح بزيارتها وبشده فقط إذا عندكم تذاكر الهوبر أما لو ما عندكم تذاكر الهوبر فما أنصح بتخصيص يوم كامل لزيارتها الأفضل انكم تدمجون زيارتها مع مدينة أخرى من مدن ديزني لاند وبعد ما خلصنا من مدينة ديزني هوليوود ستوديوز قررنا نروح المدينة الأخرى باستخدام طريقة أخرى للذهاب غير الباص وهي طريقة الفيري أو بالزورق السياحي خلكم معاي عشان نشوف باقي مدن ديزني لاند وبعدها تعطوني رايكم بمدن ديزني لاند كلهم وإن شاء الله القادم أجمل
|
|
| |
|
16-03-2015, 01:56 AM
| #96 |
| مميز تاريخ التسجيل : Dec 2014 رقم العضوية : 181 الدولة : الكويت الجنس : ذكر المشاركات : 93 |  إلى الأخت هاوية الأسفار
والله يا أم علي مو متأكد هل في خصم أم مجانا لأني ما سكنت بفنادق ديزني لاند بس اتوقع اتوقع إذا كان في عرض سيكون خصم وليس دخول مجاني لأن مثل ما انتي شفتي بالتقرير التذاكر سعرها غالي نوعا ما وصعب يعطونها مجانا لنزلاء الفنادق التابعة لهم
|
|
| |
|
16-03-2015, 02:04 AM
| #97 |
| مميز تاريخ التسجيل : Dec 2014 رقم العضوية : 181 الدولة : الكويت الجنس : ذكر المشاركات : 93 | إلى الأخ فيصل
ممممممممم منو تقصد بكلمة مشرفنا ؟ إذا كان الكلام موجه لي فطبعا بيكون ضغط علينا لزيارة 4 مدن العاب بنفس اليوم لكن مثل ما شفت بالبداية لو بروح كل مدينة بيوم لحالها بتطلع التذاكر أكثر من 2000 دولار وهذا مبلغ مو بسيط طبعا هناك أكيد بتصرف زياده للغدا والعشا والوجبات الخفيفة والكافيه واليهال يبون ملابس وتذكارات و و و يعني شغلات كثيره تخليك تصرف فلوس بالاضافة إلى فلوس التذاكر عشان جذي شريت تذاكر الهوبر و قلت نحاول نلعب ونستمتع بأكبر قدر ممكن من الالعاب والعروض والترفيه والحمد الله غطينا أغلب أماكن المدن إن شاء الله مع اكتمال جزء مدن ديزني لاند بتشوف باقي المدن وتحكم بنفسك وشكرا على المتابعة المستمره يابو خالد
|
|
| |
|
16-03-2015, 02:09 AM
| #98 |
| مميز تاريخ التسجيل : Dec 2014 رقم العضوية : 181 الدولة : الكويت الجنس : ذكر المشاركات : 93 | إلى الأخ PrinceOfPersia
أهلا عزيزي الأمير الله يبارك بعمرك وباسرتك الكريمة يارب مشكور على هذي الدعوات والله يجزاك الف خير والأروع وجودك بالتقرير ومتابعتك ومشاركتك فيه وإن شاء الله المجهود هذا ما يضيع ويستفاد منه باقي الاعضاء مع خااااااااالص تحياتي
|
|
| |
|
16-03-2015, 02:13 AM
| #99 |
| مميز تاريخ التسجيل : Dec 2014 رقم العضوية : 181 الدولة : الكويت الجنس : ذكر المشاركات : 93 | إلى الأخ أبوعبدالله
الأجمل مرورك وكلماتك العطرة يابو عبدالله والحمد الله انك حصلت مبتغاك وإذا احتجت أي مساعدة بالحجوزات الاخرى انا حاظر وبالخدمة مع خالص التحية
|
|
| |
|
16-03-2015, 02:18 AM
| #100 |
| مميز تاريخ التسجيل : Dec 2014 رقم العضوية : 181 الدولة : الكويت الجنس : ذكر المشاركات : 93 | إلى الأخت fanda
لا يا أم ريم ديزني تستاهل العنوه لكن مو كل المدن بس مدينة انيمال كنقدوم الي مو حلوه أما باقي المدن حلوين ويستاهلون الزيارة ان شاء الله لما أكمل ياقي الاجزاء راح تشوفينهم وتعطينا رأيك أما بخصوص الفنادق ، فللأسف ما عندي فكرة عنهم لأني ما جربت وسكنت فيهم ياريت لو في أحد من الاعضاء جرب يسكن بفنادق ديزني لاند يقولنا عن عروضهم وخصوماتهم للمدن تحياتي
|
|
| |
|
| الكلمات الدلالية (Tags) |
| أمريكا, أبو سعود, الأمريكية, اورلاندو, اطفال, ترفيه, سياحة, عائلة كويتية, عائلية, فلوريدا, في, ولاية, كويتي |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| رايحين اورلاندو ،، واحتاج مساعده | Hanadonh | بوابة امريكا | 8 | 03-04-2015 03:18 AM |
| اورلاندو شهر 7+8 | Mafio98 | بوابة امريكا | 6 | 18-03-2015 09:02 AM |
| شركه شحن في اورلاندو | Rainbow | بوابة امريكا | 0 | 13-01-2015 09:38 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Friendly URLs by vBSEO
Search Engine Friendly URLs by vBSEO
