رحلتي للجنوب الفرنسي (نيس وكان وموناكو وغيرها )

هداوه · 09-03-2015, 12:11 AM

اليوم الأول في نيس

نيس

وصلنا مطار نيس

وصلنا الظهر وأول ماطلعنا من الخرطوم الا نشوف اسم بوعيسى ع لوحه

سرنا عند المندوبه التابعه لطيران الامارات اللي ماسكه اللوحه وعرفنا عن نفسنا

وهي خبرتنا من نستلم شنطنا ونطلع من المطار بنشوف السايق ينتظرنا

خلصنا اجراءات الدخول بكل سهوله وسرعه

ملاحظه

دايماخذوا معاكم عملات كوينز قوم بويورو ونص يورو

بتحتاجوله في المطار عشان العربانه

نحن للاسف كان عندنا قوم بو 2 يورو وصعب نيلس نشحت خرده
ولكن الحمدالله كانوا موفرين مكينه تخرد لنا

خردنا وخذينا شنطنا وطلعنا

وشفنا السايق وهو حامل لوحه فيها اسم بوعيسى

قالنا أحلى كلمه تسمعها في فرنسا

بونجور

ياسلام اشتقت اسمعها من كم سنه ماسافرت فرنسا
قناله بونجور يا خويه بنجور

البدايه حلوه

ماشاءالله ع سايقهم كاشخ ووسيم كأنه من هوليوود

واستقبلنا بسياره مرسيدس فان

ماطولنا من المطار لين الفندق بسرعه وصلنا

نتفرج ع شوارع وبحر نيس

ع طول عقب هالمبنى فيه سكه فيها مدخل فندقنا

قربنا من فندقنا

هذا المبنى هو جزء منه فندقنا وجزء منه فندق الميرديان

وبينهم

كازينو للقمار وعداله بعد ماكدونالد ( ماكلت فيه ولامره)

أول ماشفنا فندقنا من برع كان هذا ويهي

وأول مادخلت اللوبي

بس هذا هو كله اللوبي

اللوبي وايد صغير

يعني مجابل الرسبشن يلسة قنفات وبس

وياي مثل ممر وفي نهاية الممر
المصعد حتى ماصورته

كان هذا وقت وصولنا للفندق

سوينا الشيك ان وسرنا صوب غرفتنا

وهاي رقم غرفتنا

ودخلنا غرفتنا وكانت المفاجأه

شوووو هذااا
الحمام في الغرفه

يعني تحسون انكم يالسين في غرفه وحمام مع بعض

المغسله منفصله وموجوده ورا سريرنا

يعني أي واحد حب يتغسل يسير ورا السرير والثاني نايم وراه

وعادي ينزعج أو يقفز من مكانه

والشور منفصل وبابه في الغرفه

تخيلوا

يعني أطلع من الشور ع طول في الغرفه

والمرحاض عزكم الله داعوس صغير والباب سلايدنج

الصراحه نظام سخيف وايد

وابدا ماعجبنا

بالاضافه انه الغرفه صغيره وايد وحتى بلكونتها صغيره وضيجه ومافيها يلسه

وع فكره هاي احلى وأفضل غرفه عندهم

ورغم هذا لها مميزاتها ...

انها نظيفه

أثاثها حلو والوانه فريحيه

السرير يطل ع البلكونه المطله ع البحر

موقع الفندق ممتاز

الحين شوفوا الغرفه وأخذوا فكره كيف الحمام والغرفه مع بعض

هاي المغسله اللي ورا السرير

عزكم الله هذا اللي في الداعوس

الحين جوله في أرجاء الغرفه

هاي شرات بلكونتنا ضيجه

عاد انا يوم أنخش وأوقف ازيغ احس اني بطيح لأني أخاف من المرتفعات

المنظر الجميل اللي يطل ع غرفتنا وكان روووعه

ياسلام ذكرتني هاي الواجهه بلوغانو في سويسرا

ممكن بعض من الناس يشوفون انه مواصفات هاي الغرفه ممتازه

بس انا ممتعوده ع هالمستوى

لاسمح الله مش تكبر مني ولا شايفه نفسي

ولكن أنا وايد مهم عندي السكن واذا اضطريت بسكن فيها

بس اذا في مجال أحصل أفضل فما بتأخر لو أدفع زياده

وهذا اللي حصل عقب

وأكثر شي ضايقني هو الحمام

وبوعيسى لأنه يعرفني زين حس بضيجتي وع طول

وقبل مانفتح شنطنا

نزل يشوف غرف ثانيه عشان نغيرها

ولكن للاسف شاف انه هاي احسن غرفهم

قلنا بنكمل فيها وبندور غيرها حق باقي الايام

وقررنا انه ثاني يوم نسير كان

ونشوف الأنتر واذا عيبنا بنحجز فيه باقي الأيام
وارتحنا ع هاي الفكره

وكلمناهم اذا نقدر نسوي شيك اوت ثاني يوم بدون مانكمل 3 ايام

وكانوا متعاونين ووافقوا

تابعوني ...

في برنامج هذا اليوم وكيف قضيناه

Meme Bahrainمعجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
شرح حجز القطار من فيينا الى سالزبورغ وغيرها	حبْر	بوابة النمسا	39	19-07-2019 09:28 PM
سؤال شو يعنني جنيف الجانب الفرنسي احترت	india	بوابة سويسرا	10	04-08-2017 04:58 PM
في قرى قريبه من نيس وكان للسكن ؟	ريما عبدالعزيز	بوابة فرنسا	3	08-05-2015 08:47 PM