18-03-2015, 01:48 AM
|
#11 |
مميزة العرب المسافرون
تاريخ التسجيل : Dec 2014 رقم العضوية : 398 الدولة : الامارات الجنس : انثى المشاركات : 781
| أوسـمـة: هداوه |
كل الاوسمة:1 (more»)
| |  رد: رحلتي للجنوب الفرنسي (نيس وكان وموناكو وغيرها )
نتابع وياكم اليوم الثاني في كان  اشتغل الجارمن وبعد شوي قام يشكل وقام يعلق ومايشتغل انا كنت عارفه انه كان موقعها ع البحر والخريطه كانت عندي حاولنا وحاولنا ويا الجارمن وماشي فايد وفي نفس الوقت نحن نمشي ونشوف اللوحات واستغربت لما وصلنا بسرعه ماتوقعت كان جذي قريبه حتى فكرت اني غلطانه شفنا لوحه مكتوب عليها سنتر كان ، وتبعناها    نحن الحين في كان   اول شي يلسنا ندور مكتب المعلومات ومادورنا وايد كان المكتب ع البحر  نزلني بوعيسى عدال المكتب وسار هو يدور باركن خذيت المعلومات اللي اباها ورجعت التقيت مع بوعيسى ع الشارع الثاني وعقب سرنا ندور فندق الأنتر والجارمن معلق مايشتغل    وهذا شاطئهم الحمدالله ماشي تسطح وتبطح     شفنا الاتنر   موقعه ممتاز شكله فخم أرقى وأحلى وماشي مقارنه بين فندقنا وفندق الأنتر ولكن مابغينا ندخل كان يكفينا انه نعرف موقعه وهذا اللي كنا نبا نتأكد منه والحجز بنسويه من النت خذينا لفه وشفناه من السياره   هو أسمه كارلتون أنتركونتيننتال  عقب كملنا طريجنا صوب الميناء عشان ناوين نركب البوت ونسير الجزيره  طول مانحن نمشي في هالشارع ومانشوف الا أرقى المحلات العالميه كارتيير وغوتشي ولوي فيتون وغيره بس مادخلتهم  ياصبايا لاتعطون قرارات انتوا مب قدها     
هاي فيها متحف عن الحياه البحريه تم
تخصيص هذا المتحف لعرض أهم الكنوز البحرية
بقايا لبضائع و شحنات لسفن قديمة تعود لفترة الأمبراطورية الرومانية
وفيها حصن وفي هذا الحصن في سجن
الصراحه هي كبيره وما اكتشفنا الا جزء بسيط منها
وهاي مازرناها وفيها دير للرهبنه
الصراحه ماعندي معلومات وايد عنها
بركنا سيارتنا الفورد القير عادي 
وسار بوعيسى يقطع التذاكر ، وانا ماعندي شغله الا أصور 
وقصينا التذكره وهذا اسم يختنا
نسيت سعر التذكره بس أقل من 30 يورو
نحن الأثنين يمكن 28 ممتأكده
والفيري يطلع كل ساعه وآخر موعد للرجعه الساعه 5
كانت الساعه 2 لما انطلقنا
المده لين الجزيره ربع ساعه
ويلسنا برع عشان نستمتع بالاجواء الحلوه
صارلي موقف هنيه 
وأنا أصور قلت بسير لمقدمة السفينه وبصور
فمشيت من داخل الفيري وين اليلسات
وانا أمشي وفاجه حلجي فرحانه وسعيده
فجأه 
واللي يضحك اني صورته وانا متجمده مكاني
اللي طمني انه صاحبه ميودنه بس أنا
عقب ماخلصت تصوير من جدام السفينه
لازم أرد من نفس الطريج عند بوعيسى
ولازم أمر ع الذيب أقصد الجلب ( الكلب )
خذيت نفس واستجمعت شجاعتي ومشيت وأنا أصور بكل وقاحه
( ياجبااانه  ))
وصلنا
| توقيع : هداوه | |
حياكم الله في كل تقاريري
|
التعديل الأخير تم بواسطة هداوه ; 09-02-2016 الساعة 07:48 PM |
|  |
29الاعجاب
العرض الشجري
المواضيع المتشابهه 
