رحلتي للجنوب الفرنسي (نيس وكان وموناكو وغيرها )

هداوه · 24-03-2015, 01:08 AM

اليوم الثالث

نيس

تفاصيل اليوم الثالث

في هذا اليوم قمت من الفجر أحس مافيي نوم

أحب الفجر أكثر من الغروب

يلست أتأمل البحر والسما والفجر من البلكونه واستنشق هواء نظيف

وأفكر في بعض الأمور واستمتع بالأجواء

بعد ماتجهزنا طلعنا ندور كوفي نتريق فيه

وحصلنا في جهة المطاعم كوفي وايد حلو ريوقه

نحن يلسنا برع ، واليوم كان مشمس

وهاي طلباتنا

أنا طلبي شاي وبوعيسى كابتشينو

.

وهذا طلب بوعيسى

وهذا طلبي

تعرفون أسوي رجيم

الصراحه الذ ريوق كلته في هاي الرحله

نسيت السعر بس اعتقد أقل من 20 يورو

وعقب ماخلصنا ريوق سرنا نتمشى نبا نهضم السعرات الحراريه اللي شحناها

وكان في مطعم قريب من كوفينا وشدنا انا بوعيسى انه قديم ومشهور بالبيتزا

فقررنا نتعشى فيه هاليوم

المطعم والكوفي هو في نفس السكه الثانيه اللي دخلناها عقب ماطلعنا يمين من ميركور

الحين بعطيكم صور أكثر عن الساحه الكبيره اللي فيها الاسواق والمحلات

واللي خبرتكم عنها في اول يوم في نيس

عدال محل C & A وهو محل الملابس والمعروف بجودة بضاعته ورخصها

كان عداله مول وهو اللي ظاهر في الصوره واسمه

nice Etoile

دخلنا فيه نتفرج
لين الحين بس أنا اتفرج ابدا مااشتريت شي

والصراحه ما اتشريت ومادخلت المحلات مجرد نمشي عدالهم

عقب طلعنا من هالمول ودخلنا محل ثاني

شفنا فرع ثاني لفندق ميركور في وسط السوق

وهذا المطعم الهندي

ودخلنا هالمحل وايد شدتني بضاعته واتفقنا آخر يوم نشتري من عنده

عندهم حركات للمطبخ والمدارس واكسسوارات بأشكال حلوه

استأذنت قبل لا أصور والموظف قاللي أوكي

وعقب المسؤول قاله لاتخليهم يصورون

فياني واعتذر انه التصوير ممنوع

عموما اتذكروا هالمحل في اليوم الأخير مرينا عليه

اوروبا عشقيمعجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
شرح حجز القطار من فيينا الى سالزبورغ وغيرها	حبْر	بوابة النمسا	39	19-07-2019 09:28 PM
سؤال شو يعنني جنيف الجانب الفرنسي احترت	india	بوابة سويسرا	10	04-08-2017 04:58 PM
في قرى قريبه من نيس وكان للسكن ؟	ريما عبدالعزيز	بوابة فرنسا	3	08-05-2015 08:47 PM